Luke 3:7 - Yak'usda Ooghuni

⁷ Dune lhane yughu nindil too beꞌ hutilnelh hukwaꞌ huninzun. ꞋEt ꞌubulhni, “Nohni lubezo tlꞌughus buzkehke leꞌ ꞌáhtꞌoh. Yakꞌusda lubeshi ꞌulhꞌenne bubulh húntalchꞌoh-un ꞌet whuz de hooltsꞌulh, mbe ꞌunohúlhni ha whuchꞌa tse tilhdil?

Luke 3:7 Iomraidhean Croise

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Matthew 12:34

Lubezo tlꞌughus buzkeh leꞌ ꞌahtꞌoh! Ntsꞌenꞌa ꞌahtsiꞌ ꞌinkꞌez khuni unzoo-i be yatahduk? Nohdzi ndai be dizbun ꞌi be yalhduk.

Matthew 23:33

Tlꞌughus lubezo buzkehke léꞌahtꞌoh! Kwuncho yo wheni nohba nahutideh-un, ntsꞌenꞌa ꞌutihnelh whenghoh táhdulh? Soo gak!

Matthew 3:6

ꞋInkꞌez dulubeshi kꞌunꞌa huhoolnuk whe ꞌukoh Jordan John ꞌen too beꞌ balhꞌen.

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

Acts 13:10

ꞌinkꞌez uyúlhni, “Netsudule ooyeꞌ, ndai la unzoo-i tsꞌiyawh oochꞌaz dintni. Soo hoontsiꞌ whe dune naninꞌah tsꞌiyawh hoontꞌi, Yakꞌusda ooghuni ꞌi cha whutsꞌit khuni naoolhtselh hukwaꞌ ꞌilhꞌen.

1 Thessalonians 1:10

ꞋInkꞌez ooYeꞌ, yakꞌuz tsꞌu hainya-un, ꞌen cha ooba sulhꞌi. Jesus ꞌen ꞌuntꞌoh. ꞋEn yaidlane butoh dunaidilhti ꞌinkꞌez Yakꞌusda ye nebulh hunilchꞌe-i negha tikulh-i, ꞌi chꞌa neulhyis-un, ꞌen ꞌuntꞌoh.

Hebrews 6:18

Yakꞌusda ꞌaw hootsꞌit ꞌaitꞌoh. ꞋEt huwa ndet la howu yalhduk-un ꞌinkꞌez butsꞌu náhizya-un, ꞌet náwhultꞌoh ꞌaw ꞌatsꞌun unꞌa naꞌhotneh ꞌaitꞌoh. ꞋEt huwa tꞌetsꞌoninzun Yakꞌusda ꞌaw nela dootnih ꞌaitꞌoh. Wheni cha ndet la hukwa tse tsꞌúhooli-un, ꞌet tsꞌohótun hubaꞌ hoontꞌoh. ꞋI gha nedzi do náꞌutꞌi.

1 John 3:8

ꞋUdechoo whutsꞌun netsudule lubeshi ꞌulhꞌen. Mbe lubeshi ꞌulhꞌen, ꞌen netsudule uniyalh-un ꞌúntꞌoh. Njan ꞌet huwa Yakꞌusda ooYeꞌ ndi yun kꞌut nusúya whe netsudule be ꞌutꞌen musai yoolhtselh ha.