Luke 3:36 - Yak'usda Ooghuni

³⁶ ꞋEn Cainan tsꞌu hainzut-un, ꞌen Arphaxad tsꞌu hainzut-un, ꞌen Sem tsꞌu hainzut-un, ꞌen Noah tsꞌu hainzut-un, ꞌen Lamech tsꞌu hainzut-un.

Luke 3:36 Iomraidhean Croise

Genesis 5:3

ꞋInkꞌez Adam ꞌilho whunizyat whunizyat ꞌon ꞌat tat whunizyat (130) yus kꞌut khunaꞌ ꞌinkꞌez ooyeꞌ yundotꞌen-un ooyeꞌ suliꞌ, Seth yulhni.

Genesis 6:22

ꞋEt Nowe ꞌet nduja, ntsꞌenꞌa Yakꞌusda (Elohim) yuba nahizya, ꞌet tsꞌiyawh nduja.

Genesis 7:13

Soo ꞌet dzin za Nowe ooyeꞌke cha, Shem, Ham ꞌinkꞌez Japheth, ꞌinkꞌez Nowe ooꞌat, ꞌinkꞌez ooyasꞌatke cha tsꞌiyawh ndi tsꞌi cho huye indil.

Genesis 7:23

ꞋEt ndi yun kꞌut hoonli khuna-i tsꞌiyawh gak whulhtsi. Yun nulhꞌas-i cha, dune cha, ꞌinkꞌez khuna-i cha, dutꞌai cha, tsꞌiyawh gak whulhtsi. Nowe ꞌinkꞌez yulh ꞌutꞌenne ꞌenne za ndi tsꞌi cho bet hukhuna.

Genesis 8:1

ꞋEt Yakꞌusda (Elohim) Nowe ꞌinkꞌez khuna-i ndai la ꞌusjiz-i tsꞌi bet tsꞌiyawh yulh ꞌuntꞌohne whunalnih, ꞌinkꞌez Yakꞌusda nilhtsꞌi ꞌi ꞌuyinla ꞌi ndi yun kꞌut nalhtsꞌi, ꞌet too yo ꞌuja.

Genesis 9:1

ꞋEt Yakꞌusda (Elohim) ꞌen Nowe ꞌinkꞌez ooyeꞌke tucha tsꞌiyawh soo hoonzoo-un hubúlhni whe ꞌubulhni, “Lhane cho ooleꞌ ndi yun doolhbun hubulhni.

Genesis 9:18

ꞋAndit ꞌet Nowe ooyeꞌke ꞌen ndi tsꞌi cho be ha handil, ꞌen Shem, Ham, ꞌinkꞌez Japheth. ꞋInkꞌez Ham, ꞌen Canaan be oobá ꞌuntꞌoh.

Luke 17:27

ꞋEt tsꞌiyanne ꞌuhaꞌalh zaꞌ hutꞌen, ꞌinkꞌez tahunutnai. Dunene cha ꞌinkꞌez tsꞌekoo cha lhgho dilhtsꞌi. ꞋOh daꞌ Noah tsꞌi cho be ínya ꞌinkꞌez ꞌet too dudiltꞌo ꞌinkꞌez tsꞌiyanne too hubanghan.

Luke 3:35

ꞋEn Serug, tsꞌu hainzut-un, ꞌen Reu tsꞌu hainzut-un, ꞌen Peleg tsꞌu hainzut-un, ꞌen Eber tsꞌu hainzut-un, ꞌen Salah tsꞌu hainzut-un.

Luke 3:37

ꞋEn Methuselah tsꞌu hainzut-un, ꞌen Enoch tsꞌu hainzut-un, ꞌen Jared tsꞌu hainzut-un, ꞌen Mahalaleel tsꞌu hainzut-un, ꞌen Cainan tsꞌu, hainzut-un.

Hebrews 11:7

Noah ꞌen cha Yakꞌusda ooba ꞌalhaꞌ yintꞌoh. ꞋI be ꞌawhuz lhuhoos̱ꞌen-un Yakꞌusda yúlhni, “Huwonleꞌ ꞌawet whuz de hóoltsꞌulh.” Whe nuljut ꞌinka tsꞌi cho ꞌuyínla. ꞋEt huwa Noah hiyoh dilhtsꞌine, ꞌenne tsꞌiyawh ubúlhyih. Ndi tsꞌi cho ꞌuyínla-i, ꞌi gha ndi yun kꞌut dúlcho whe dunene buba nahisda. ꞋInkꞌez be ꞌalha ꞌuhoontꞌoh-i be tsꞌihꞌun unꞌa ꞌuntꞌohne tsinli, Noah ꞌen cha whuz unꞌa Yakꞌusda ooba ꞌalhaꞌ yintꞌoh-un suliꞌ, ꞌi be tsꞌihꞌun dune inleꞌ.

1 Peter 3:20

Ndunne ꞌoh daꞌ ꞌaw hikꞌú nulheꞌitꞌel inleꞌ. ꞋEt ꞌoh daꞌ Noah tsꞌi cho ꞌuyuleh whe Yakꞌusda ubulh dzoh nuzut, ꞌinkꞌez bubailhꞌeꞌ. ꞋAlhgoh lhkꞌudine, (8) ꞌaw ꞌenne za, too butighan whuchꞌaz hudujih.

2 Peter 2:5

ꞋInkꞌez yoo niz de haóodanzut daꞌ, ꞌudaꞌ yun kꞌut whutꞌenne, mbene la Yakꞌusda ghu nuni lhnuszutne ꞌinkꞌez ꞌaw lhahidilhtiꞌne, ꞌenne cha ꞌaw buba whula lhdítnel. ꞋEnne bugha ndi yun kꞌut ndulcho whe too didilhtꞌo ꞌinkꞌez too ꞌubanghan. ꞋOh daꞌ lhkꞌudine (8) ꞌaw ꞌenne za ꞌet whuchꞌa Yakꞌusda bubulhyih. Too didutálhtꞌo whutso Noah, ꞌen Yakꞌusda ye tsꞌihꞌun unꞌa ꞌuntꞌoh-i, ꞌi be dune ubulh yailhduk, ꞌen bubulh ꞌilhoghun ꞌuntꞌoh.