Luke 3:3 - Yak'usda Ooghuni

³ ꞋEt Jordan koh whunat ꞌoh nuya whe dune hubulh yalhduk too beꞌ hoolneh ha. ꞋEt whubunulhtun dulubeshi chꞌa dudeni náhoondunooleh ha. ꞋEt whe lubeshi buba hooloh yutilhtselh.

Luke 3:3 Iomraidhean Croise

Matthew 3:11

Noheni nahunduníhla ꞌet huwa too be za too beꞌ nohúsdla. ꞋEt hoontsꞌi skꞌelhꞌaz whusatiyalh-un, ꞌen sanus diztiꞌ whe ꞌuntꞌoh. ꞋAw ookegon ooba nétisdlelh huba soo lheꞌusdzooꞌ. ꞋEn Ndoni ꞌinkꞌez kwun bulh be too beꞌ nohtilhꞌelh.

Luke 1:16

ꞋInkꞌez Israel ootsꞌu hainzutne, lhane neMoodihti buYakꞌusda tsꞌu butilelh.

Luke 1:77

ꞋInkꞌez ooduneꞌne soo cho tꞌehozoozeh uzditijih-un ꞌinkꞌez nelubeshi cha neba gak yutilhtselh, ꞌet huwun nedutanelh.

Luke 4:1

ꞋEt Jesus Ndoni dizbun whe Jordan koh tsꞌe ha nája. ꞋInkꞌez dune lhuhóotꞌih tsꞌe Ndoni whuz whe yalhꞌaꞌ.

John 1:28

Keyoh Bethabara huwhútni-un Jordan koh whanchꞌaz whuzꞌai-un, ꞌet John dune too beꞌ ꞌulhꞌen whe tsꞌiyaitsuk ghun hitsꞌu whelꞌaꞌne hubudániꞌ.

John 3:26

ꞋInkꞌez John highu nindil ꞌinkꞌez huyoodulhkut, “Rabbi ndun dune ꞌilhoghun ngha hodulꞌeh-un, Jordan koh nyaz tsꞌe, ꞌen ghun dune bubulh yaílhduk ínleꞌ, ꞌawet ꞌen dune too be ꞌúlhꞌen ꞌinkꞌez tsꞌiyanne hitsꞌú lhodulh,” huyúlhni.

Acts 13:24

ꞋEt Jesus wheꞌ dutatꞌelh whutso ꞌet la John dune too be ꞌulhꞌen-un Israel ootsꞌu hainzutne bubulh yálhduk, dudeni náhondunooleh ꞌinkꞌez too beꞌ hoolneh, ubúlhni.

Acts 19:4

ꞋEt Paul ꞌutni, “Be too beꞌ tsꞌulꞌih John dune too be ꞌulhꞌen-un yughu yailhduk-i, mbene la dulubeshi yuchꞌaz nálhꞌane, ꞌenne bubaꞌ yintꞌoh. ꞋInkꞌez Israel ootsꞌu hainzutne cha ubúlhni inleꞌ, ‘Mbe la skꞌelhꞌaz whusatíyalh-un, ꞌen nohba ꞌalha ꞌootꞌeꞌ,’ Christ ꞌen Jesus ꞌuntꞌoh.”

Acts 22:16

ꞋInkꞌez di ha ꞌon ꞌun huba silhꞌi? Dudinyaih ꞌinkꞌez too beꞌ ilneh ꞌinkꞌez ꞌen yé ulhtus-i gha nlubeshi nyunaoodeh neMoodihti booziꞌ gha!’”