Luke 3:19 - Yak'usda Ooghuni

¹⁹ ꞋEt hoontsꞌi yun moodih Herod, dulhutsin Philip ooꞌat ꞌen yuzih usda. John yulhni, “Lubeshi ꞌilhꞌen.” ꞋUdun tankꞌus unꞌa cha ꞌutꞌen. ꞋEt cha tsꞌiyawh lubeshi ꞌuhoontꞌoh yulhni.

Luke 3:19 Iomraidhean Croise

Matthew 11:2

John ꞌadinꞌai whe ꞌet Christ be ꞌutꞌen kꞌoh whulh ꞌudantsꞌo. Nane yugha hodulꞌehne, ꞌenne John Jesus tsꞌu whébalhꞌaꞌ.

Matthew 14:1

ꞋEt ꞌoh whuya whudizulh whe lerwe Herod Jesus yulh ꞌúdantsꞌo,

Matthew 14:6

ꞋEt ꞌilhoh dzin Herod whuzdli dzin ꞌuhoontꞌoh ꞋEt Herodia ootseꞌ ꞌen bubut nídai. Herod ooba hoonzoo.

Luke 3:1

ꞋEt Caesar Tiberius, ꞌen yun kꞌut ndulcho whe lerwe inleꞌ. Whunizyat ꞌon ꞌat kwulat yus kꞌut (15) ꞌantꞌeꞌ. ꞋEt Pontius Pilate, Judea yun kꞌut whumoodih unli. Herod, Galilee yun kꞌut whumoodih unli. Bulhutsin Philip, ꞌen Iturea ꞌinkꞌez Trachonitis yun kꞌut whumoodih unli. ꞋInkꞌez Lysanius, Abilene yun kꞌut whumoodih unli.

Luke 3:18

Ndi Khuni ꞌinkꞌez ꞌuyoo khuni ꞌi bulh ꞌet whuz unꞌa khuni unzoo-i be budániꞌ. ꞋEt whuz unꞌa khuni ulhtus-i be ubúlhni.