Luke 3:14 - Yak'usda Ooghuni

¹⁴ Lhuganne cha huyoodulhkut, “Wheni doꞌ daztinelh.” ꞋEt ndúbulhni, “Khun nohni dune sooniya nohgha hooꞌalh uboolhtselh junih! Khun dune whutsꞌit be bukꞌé hohꞌalh junih! ꞋInkꞌez daltsuk nohba kꞌelha unli-un, ꞌet hóhtꞌeꞌ hubaꞌ hoontꞌoh!”

Luke 3:14 Iomraidhean Croise

Matthew 8:5

ꞋEt Jesus keyoh Capernaum tsꞌoozya whe ꞌilhoghun Rome whutꞌenne saldanne bumoodih, ꞌen yudughuninꞌa ꞌinkꞌez yutsꞌu tedudli,

Luke 19:8

ꞋEt hoontsꞌi Zacchaeus dudinya ꞌinkꞌez Moodihti ꞌuyulhni, “SMoodihti whunilhꞌen, ndai la ꞌustꞌi-i lhulcho telꞌenne gha sdle. ꞋInkꞌez mbene la bubeꞌ hoostsꞌitne, dit ꞌet ꞌuniltsuk-i butlꞌa násꞌalh.”

Luke 3:10

ꞋEt dunene huyoodulhkut, “ꞋInkꞌez ntsꞌenꞌa suba datsꞌóoneh.”

Luke 3:13

ꞋEt ꞌubulhni, “Ndet ꞌultsuk italhchulh hubaꞌ hoontꞌoh-un, ꞌet ꞌaw ꞌon ꞌun lheꞌizólhchoot.”

Acts 10:7

ꞋEt hukwꞌelhꞌaz ndun lizas yulh yaílhduk-un whenádide whe Cornelius nane yoh ꞌutꞌenne, dichꞌoh ooduneꞌne, ꞌinkꞌez ꞌilhoghun lhugan-un, ꞌen soo Yakꞌusda za dílhtiꞌ, ꞌen cha dichꞌoh yunat neꞌútꞌenne ꞌutahayálhti.

Philippians 2:15

Nohkꞌehóotaltsꞌulh-un, ꞌet whuyit ꞌuhtꞌoh ꞌinkꞌez ootsun hoolohne oohleꞌ, ꞌet whuz unꞌa Yakꞌusda buzkeh tihleh ꞌet whe ꞌaw nohkꞌeꞌ holtsꞌit ꞌaitꞌoh. Ndunne tankꞌus ꞌúntꞌohne ꞌinkꞌez lubeshi ꞌukꞌenus ntsiꞌ-i ooleh hukwaꞌ ꞌutꞌenne, ꞌenne butoh ꞌulhdzis be hootꞌen-i kꞌunꞌa oohtꞌeꞌ.

Philippians 4:11

ꞋAw be ndunusdzit-i, ꞌi ooghu yalhuzusduk. Ntsꞌenꞌa la dastꞌoh, ꞌet hoontsꞌi hoonústꞌiꞌ. ꞋEt whuz unꞌa hodizꞌeꞌ.

Titus 2:3

Tsꞌekoo yoo ꞌun uzulhne, ꞌenne cha whuz unꞌa ꞌuhootꞌeꞌ. ꞋEnne teniꞌ nilhdzunne hooleꞌ. ꞋUyoonne hoontsiꞌ kꞌunꞌa bughu yalhuhoolhduk. Tsꞌekoo tooꞌ ghu dalháhatni. ꞋInkꞌez hoonzoo-un za ꞌuyoonne huhodoolhꞌeh.

Revelation 12:10

ꞋEt ndo yakꞌuz tsꞌe tube cho njan nduhudija, “ꞋAwet be ꞌuzdutijih-i, ꞌinkꞌez be tsꞌilhtus-i, ꞌinkꞌez Yakꞌusda lerwe unli-un, ꞌinkꞌez ooChrist moodih tileh-un whusahóoltsꞌut. Netsudule mbe la neulhutsinke bukꞌehoꞌalh-un, ꞌen ndi yun kꞌéhininyoot ꞌet huwa. Netsudule ꞌen ꞌutꞌen Yakꞌusda but uzyin whe dzin ꞌinkꞌez ꞌulhdzis ibulh neulhutsinke bukꞌu whulhꞌaih-un.