Luke 3:11 - Yak'usda Ooghuni

¹¹ ꞋEt ꞌubulhni, “Mbe la dzootꞌan nanki ꞌutꞌi-un, mbe la tsꞌootꞌan lhitꞌíh-un, ꞌilho yugha óolhchoos. ꞋInkꞌez mbe la tꞌalh-i ꞌutꞌi-un, ꞌen cha whuz unꞌa za edóneh.”

Luke 3:11 Iomraidhean Croise

Matthew 25:40

ꞋEt lerwe njan ndúbudutanelh, ‘Ꞌalha ꞌi be nohdusni, ndunne sulhutsinke, ꞌaw nchane lhiloh, ꞌenne ꞌilhoghun hoontsꞌi whuz unꞌa ꞌet ndúbahla de, si ꞌusáhla wheꞌ hoontꞌoh.’

Luke 11:41

ꞋEt hoontsꞌi ndai la ahtꞌi-i, ꞌi be ꞌi ooloh telꞌenne be la oohtꞌen. ꞋEt tsꞌiyaitsuk nohba whunaꞌoodeh.

Luke 18:22

ꞋEt Jesus njan whudantsꞌo whe ꞌet ꞌuyulhni, “ꞋAwhuz ꞌilhoghun mba ꞌet whuzꞌai. Ndai la ꞌintꞌi-i tsꞌiyawh be ꞌóonket, ꞌinkꞌez telꞌenne gha nínꞌaih. ꞋEt de la yakꞌuz diztiꞌ-i, ꞌet mba oolaꞌ. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Luke 19:8

ꞋEt hoontsꞌi Zacchaeus dudinya ꞌinkꞌez Moodihti ꞌuyulhni, “SMoodihti whunilhꞌen, ndai la ꞌustꞌi-i lhulcho telꞌenne gha sdle. ꞋInkꞌez mbene la bubeꞌ hoostsꞌitne, dit ꞌet ꞌuniltsuk-i butlꞌa násꞌalh.”

John 13:29

Whulohne, ꞌenne ꞌuhuninzun Judas ꞌen sooniya zus nuyáꞌa ꞌinka ndai la dzenis whuti wheni ookaꞌ nudzún-i, ꞌi yoket ha uyúlhni. Kꞌus telꞌenne te hoonliyaz bugha ooꞌalh ha ꞌuyulhni huninzun.

Acts 10:2

ꞋEn teniꞌ nilhdzun-un dune unli, ꞌinkꞌez Yakꞌusda énuljut-un ꞌuntꞌoh. Didut ꞌinkꞌez ookꞌekooke tsꞌiyawh Yakꞌusda za hudílhtiꞌ. Lizwif telꞌenne, ꞌenne cha tube bula ꞌutꞌen ꞌinkꞌez ꞌahoolhyiz Yakꞌusda tsꞌun tenadudli.

Acts 10:31

sbut usyin ꞌinkꞌez ꞌusúlhni, ‘Cornelius, Yakꞌusda ntenadudli yudántsꞌo, ꞌinkꞌez nye ꞌugha téꞌnizeh cha unzoo, ꞌet huwa Yakꞌusda yunalni.

Acts 10:4

Tube oogha ꞌúnjaz whe lizas yunilhꞌen ꞌinkꞌez, “Dáhooja?” yúlhni. ꞋEt lizas ꞌutni, “Yakꞌusda ntenadudli yudántsꞌo, ꞌinkꞌez nye ꞌugha téꞌnizeh cha unzoo, ꞌet huwa Yakꞌusda nyunalni.

Ephesians 4:28

Ndunne ꞌundunutꞌihne, ꞌenne tsꞌiyawh ꞌetsul ꞌuhooneh, ꞌantsꞌi ꞌuhootꞌen, ꞌet de la buba ꞌukꞌelha holeꞌ. Dula be hoonzoo-un huwaóonaꞌ. ꞋEt de la dune hoonli undunidzitne hoonli be bulaꞌ ooneh.

1 Timothy 6:17

Ndi yun kꞌut hoonzooꞌ ꞌuntꞌohne, ꞌenne khuni ulhtus-i be budoniꞌ, ꞌaw ndi yun kꞌut beꞌ hoonzooꞌ tsꞌintꞌoh-i hoonli lhiloh. ꞋAw sooniya ootꞌa ninintan-i iloh ꞌuntꞌoh. ꞋEt kꞌus Yakꞌusda mbe la khuna-un, ꞌaw ꞌen za ootꞌa ninoohtan. Yakꞌusda ꞌen oola hoonli whe tsꞌiyaitsuk be tsꞌohotꞌeꞌ ha negha yunleh.

1 Timothy 6:18

Tsꞌihꞌun unꞌa ꞌuhootꞌen budoniꞌ. Bula hoonli whe ꞌutꞌen unzoo-i ꞌuhoolhꞌen. ꞋAhoolhyiz ꞌuyoonne hiye ndunidzit-i, ꞌi be bulaꞌ hutitꞌelh-un huba lhahúdootꞌeꞌ. Soo hoontꞌiꞌ whe lhtaꞌtsꞌoolyelh.

Hebrews 6:10

Yakꞌusda oochꞌeꞌne, ꞌenne nohni ooba neꞌútꞌenne ꞌahli ínleꞌ, ꞌinkꞌez ꞌawhuz ꞌet za nduhtꞌen. Nohꞌeꞌutꞌen ꞌinkꞌez Yakꞌusda ookꞌehsiꞌ whe ꞌahtꞌen, ꞌet tsꞌiyawh Yakꞌusda whunilhꞌen. Yakꞌusda tsꞌihꞌun unꞌa ꞌuntꞌoh, ꞌet huwa ꞌaw whunaoodoolnoh ꞌaitꞌoh.

James 1:27

ꞋEt tsꞌihꞌun ꞌuhoontꞌoh, ꞌinkꞌez ꞌalha ꞌuhoontꞌoh whe Yakꞌusda neBá, ꞌen ba néꞌtsꞌutꞌen-un, ꞌet njan dúhoontꞌoh: tsꞌunohne ꞌinkꞌez tsandilhne, ꞌenne dzoh nahudeh huwa buzih nutsꞌoodilh hubaꞌ hoontꞌoh bula tsꞌootꞌen ha. ꞋInkꞌez cha ndi yun kꞌut dawhútꞌen lubeshi ꞌulꞌen, ꞌet whuchꞌa khutsꞌoodleꞌ.

James 2:14

Sulhutsinke, mbe dune ꞌutni, “Be ꞌalha ꞌuhoontꞌoh-i ꞌustꞌi,” ꞌet hoontsꞌi Yakꞌusda ꞌaw yukꞌú nulhéꞌustꞌen de, ꞌi ꞌaw ooba lheꞌhóozooꞌ wheꞌ hoontꞌoh! Nduntꞌoh-i be ꞌalha ꞌuhoontꞌoh-i, ꞌubutilhyih nahzun eh? ꞋAwundooh!

1 John 3:17

ꞋEt hoontsꞌi mbe ndi yun kꞌut hoonli ꞌutꞌi-un whe bulhutsin ꞌeꞌdunidzit de, ꞌinkꞌez dudzi be ꞌaw yugha telheꞌnizil de, ntsꞌenꞌa Yakꞌusda ye nékꞌensiꞌ-i yulh ꞌútitꞌelh? ꞋEt dutꞌen de, ntsꞌenꞌa Yakꞌusda kꞌetitsiꞌ?

1 John 4:20

ꞋIlhoghun dune Yakꞌusda ookꞌesiꞌ ni de, ꞌinkꞌez dudulhutsin tsꞌu dutni, ꞌen whutsꞌit-un ꞌuntꞌoh. Ntsꞌenꞌa dudulhutsin yunilhꞌen hoontsꞌi yukꞌelhísiꞌ de, Yakꞌusda ꞌaw lhuyisꞌen, ꞌinkꞌez ntsꞌenꞌa ꞌen yukꞌetisiꞌ?