Luke 24:52 - Yak'usda Ooghuni

⁵² Hitsꞌun teniꞌ nalhdzin, ꞌinkꞌez tube huhóontꞌiꞌ whe Jerusalem tsꞌe náhoosdil.

Luke 24:52 Iomraidhean Croise

Matthew 28:17

Hiyanꞌen whe hitsꞌu teniꞌ nalhdzin. ꞋEt hoontsꞌi whulohne buba nawh ꞌuhoontꞌoh.

Matthew 28:9

ꞋEt ꞌugha hodulꞌehne tsꞌu híꞌus whe khuntsul Jesus butsꞌu dizya ꞌinkꞌez, “Whunúlhnih,” ꞌubulhni. Hizih neninꞌaz ꞌinkꞌez hike óontun ꞌinkꞌez hitsꞌun téniꞌ nalhdzin.

Luke 24:51

ꞋAwhuz Yakꞌusda yoodulhkut butsꞌun oozooꞌ ha, buchꞌa nasdzut ꞌinkꞌez ndo yakꞌuz whenálti.

Luke 24:53

ꞋInkꞌez ꞌahoolhdzin lugliz whucho hudilhtsꞌi whe Yakꞌusda hidilhtiꞌ ꞌinkꞌez daldzooꞌ whe ꞌuntꞌoh hutni. ꞋEt ndo honeh.

John 14:28

Sudahtso whe nohdásniꞌ. ꞋAwet nohghu tisyalh ꞌinkꞌez nohtsꞌun natisdalh la. SBá ꞌen sanus díztiꞌ ꞌet huwa ꞌen ootsꞌu nátisdalh, ꞌinkꞌez skꞌehsiꞌ de, ꞌandit daja nohdásniꞌ ꞌet huwa la whunólhni.

John 16:22

ꞋEt whuz unꞌa za nohni ꞌandit tsꞌodi ꞌahli, ꞌet hoontsꞌi nanohtistꞌelh ꞌinkꞌez nohdzi hóotatꞌeꞌ, ꞌinkꞌez be hóonahtꞌiꞌ-i ꞌaw nohghu ha yólhchoot ꞌaitꞌoh.

John 16:7

ꞌet hoontsꞌi khuni ꞌalhaꞌ ꞌuntꞌoh-i nohdusni, nohghu natisdalh-un, ꞌet nohni nohba hootázooꞌ. ꞋAw whenálhusdal de, nohLaꞌutꞌen-un ꞌaw nohtsꞌun tooyaꞌ ꞌaítꞌoh. Whenásja de, ꞌet de ꞌen nohtsꞌun tísꞌalh.

John 20:28

ꞋEt Thomas uyúlhni, “SMoodihti ꞌinkꞌez sYakꞌusda!”

Acts 1:12

ꞋEt whelꞌaꞌne dzulh Olive huyúlhni-i hiye nádidil whe Jerusalem tsꞌe nahoosdil keyoh whutsꞌun dzoh nilhdzaꞌ wheꞌ hoontꞌoh.

1 Peter 1:8

Jesus Christ ꞌaw lhuzihꞌen ꞌet hoontsꞌi ookꞌehsiꞌ. ꞋAw lhuzihꞌen ꞌet hoontsꞌi nohba ꞌalhaꞌ ꞌuntꞌoh. ꞋInkꞌez ndi be tsꞌuhoontꞌiꞌ-i ncha kꞌet ꞌaw ꞌuzdooniꞌ ꞌaitꞌoh, ꞌinkꞌez tube diztiꞌ whe ꞌuntꞌoh. ꞋEt huwa hoonáhtꞌiꞌ.