Luke 24:47 - Yak'usda Ooghuni

⁴⁷ ꞌinkꞌez booziꞌ gha tsꞌiyanne dulubeshi chꞌa dudeni naháhundunooleh, ꞌinkꞌez bulubeshi buba úntukuk cha, ꞌohwhi ghun booziꞌ gha tsꞌiyanne dóhniꞌ hubaꞌ hoontꞌoh. ꞋEt njan Jerusalem ꞌet cho wheꞌ dohtꞌen. ꞋEt hukwꞌelhꞌaz de ꞋUdun Yun Kꞌut Whutꞌenne whubodoolhꞌeh.

Luke 24:47 Iomraidhean Croise

Genesis 12:3

Mbene la mba soo hoonzoo-un ngha hóotaltsꞌulh, ꞌenne cha soo hoonzoo-un bugha hóotaltsꞌulh, ꞌinkꞌez mbe la nkꞌehiyihne cha bukꞌehutisyih, ndi yun kꞌut dilhtsꞌine ꞌenne tsꞌiyawh nyun ngha soo hoonzoo-un bugha hóotaltsꞌulh.”

Matthew 28:19

ꞋEt huwa lhelhtsꞌun keyoh whutꞌenne, tsꞌiyawh butsꞌóhdulh ꞌinkꞌez si sgha hodulꞌehne ubutilhꞌelh. ꞋUBá ꞌinkꞌez ꞌuYeꞌ ꞌinkꞌez Ndoni, booziꞌ be ꞌi be too beꞌ butilhꞌen.

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 9:13

ꞋEt hoontsꞌi ꞌahdulh ꞌinkꞌez hodulhꞌeh daja ni whe ꞌutni, ‘ꞋUyoonne gha teꞌntihzilh ꞌet nohtsꞌo hukwaꞌ nuszun. Loodel kꞌut hidutalhkꞌun-i, ꞌi ooka lheꞌnúszun.’ ꞋAw tsꞌihꞌun ꞌuntꞌohne, ꞌenne iloh bubeni naháhundunooleh huba whusásya. Lubeshi ꞌulhꞌenne, dulubeshi chꞌaz bubeni naháhundunooleh ubudutásnilh ha whusásya.”

Luke 13:34

“Nohni Jerusalem whutꞌenne, Jerusalem whutꞌenne, nohni ꞌahtꞌen nus hooꞌenne ꞌahghan. ꞋInkꞌez mbene nohtsꞌu whelꞌaꞌne cha tse be bubahghan. Dantꞌoh la lugok duduzke dutsꞌuntꞌaꞌ ubudilhtsꞌi, whuz unꞌa dáwhultsuk whe ꞌilhunanohootásdlelh hukwaꞌ nuszun, ꞌet hoontsꞌi ꞌaw hukwa lheꞌnáhzun.

Acts 10:43

Yakꞌusda be nus hóoꞌenne tsꞌiyawh highu yailhduk mbene la buba ꞌalhaꞌ yintꞌohne Jesus Christ ꞌen gha bulubeshi buba ꞌún yutilhdulh.”

Acts 11:18

ꞋEt Jerusalem ooba ꞌalha ꞌuhoontꞌohne hodántsꞌo whe Peter hichꞌaz yálhduk ꞌetsul ꞌuhudíja ꞌinkꞌez ꞌenne cha Yakꞌusda hudílhtiꞌ. ꞋInkꞌez njan duhútni, “ꞋUdun yun kꞌut whutꞌenne, ꞌenne cha lhtꞌanahunoodilh ꞌinkꞌez ꞌilhiz hukhoonaꞌ. ꞋEt whuz unꞌa Yakꞌusda bughá whuninꞌai,” hutni.

Acts 13:46

ꞋEt hoontsꞌi Paul Barnabas bulh ꞌon nus hoolhtus whe yahulhduk, “Ndi Yakꞌusda ooghuni ꞌi nohni cho be nohbulh yaóoduk hubaꞌ hoontꞌoh. ꞋEt hoontsꞌi ookalheꞌnáhzun de, ꞌinkꞌez ꞌilhiz khutihnalh-un huba soo lheꞌulhdzooꞌ naꞌdunáhzun de, ꞌantsꞌi nohbaꞌ dítni, ꞌet huwa ꞌudun yun kꞌut whutꞌenne, ꞌenne butsꞌun tatꞌus!

Acts 2:38

ꞋEt Peter ꞌubulhni, “ꞋIlhone ꞌahli whe lhtꞌananahdilh ꞌinkꞌez Jesus Christ booziꞌ gha too be ꞌúlhneh. ꞋEt nohlubeshi nohunaoodeh ꞌinkꞌez la Ndoni nohyudóoltsꞌit.

Acts 20:21

Lizwifne ꞌinkꞌez ꞌudun yun kꞌut whutꞌenne ꞌalhgoh tube cho bugha dísniꞌ Yakꞌusda tsꞌun dudeni nahondunooleh, ꞌinkꞌez Jesus Christ neMoodihti ꞌen buba ꞌalhaꞌ yotꞌeꞌ.

Acts 26:18

Whúbuntalhtun, tsálhgus yáhahudutidulh ꞌinkꞌez hootꞌen-un nehútidulh ꞌinkꞌez hitánꞌen ubulhtsꞌelh Satan uboontúnne Yakꞌusda tsꞌun náhutilyalh. ꞋEnne Si buba ꞌalhaꞌ ꞌustꞌoh huwa bulubeshi bubunaitidoh ꞌinkꞌez Yakꞌusda ba ꞌudun nebuninlane butoh ꞌet bugha óotaltsꞌulh,’ súlhni.”

Acts 26:20

ꞋUdechoo Damascus ꞌet ꞌinkꞌez Jerusalem cha ꞌet hukwꞌelhꞌaz Lizwifne buyun kꞌut ndulcho whe, ꞌudun yun kꞌut whutꞌenne butoh cha, dudeni nahondunooleh hubaꞌ hoontꞌoh ꞌinkꞌez Yakꞌusda tsꞌu náhoolyeh ꞌinkꞌez dudzi náhondunizdla tsꞌe whuz unꞌa za neꞌhóotꞌen, ꞌubudúsni.

Acts 28:28

ꞋInkꞌez Paul ꞌudekꞌez ubúlhni, “ꞋEt huwa njan tꞌéoonohzin hubaꞌ hoontꞌoh, Yakꞌusda ooghuni be uzdujih-i ꞌudun yun kꞌut whutꞌenne, ꞌenne butsꞌo tlꞌaidanꞌai ꞌinkꞌez huyoozólhtsꞌaiꞌ la!”

Acts 3:19

ꞋEt huwa noheni nahandunahle ꞌinkꞌez Yakꞌusda ootsꞌu nálhyeh, ꞌawet de za la nohlubeshi nohunáyóolhdeh.

Acts 4:12

Yinka ndulcho whe Jesus Christ ꞌen gha za ꞌuzdutijih. ꞋAw ꞌuyoonne yé ulhtus-i gha uzdoojih ꞌaítꞌoh. ꞋEt whuz unꞌa Yakꞌusda neghá whuninꞌai.”

Acts 5:31

ꞋEt Yakꞌusda yakꞌuz whenáyalhti dunailhni tsꞌe duzih ꞌet yulhda, ꞌinkꞌez Moodihti ꞌinkꞌez neulhyís-un cha yulhtsi. ꞋEt Israel ootsꞌu haindene dudeni náhondunooleh, ꞌet de la bulubeshi buba ꞌún yutoolhdilh.

Romans 5:20

ꞋEt ꞌon ꞌun cha Yakꞌusda dughuni Moses tlꞌa ídanꞌai, ꞌet whe la whunenulhtun dáhooltsuk whe Yakꞌusda ooghuni kꞌúzninyuz. Ndet la tꞌetsꞌonínzun lubeshi ꞌulhꞌen ntsiꞌne tsꞌinli de, ꞌet de natsꞌuhooꞌaih Yakꞌusda ye nétsꞌun únzoo-i, ꞌi ꞌon nus ulhtus whe nelubeshi yuchꞌaꞌ nilhde.

Ephesians 1:6

ꞋI gha ye unzoo diztiꞌ-i, ꞌi uzdólhtiꞌ. ꞋEt whuz unꞌa duYeꞌ yukꞌensiꞌ-un, ꞌen ooba sooꞌ tsꞌuldzooꞌ nesulhtsi.

Ephesians 3:8

Si hoontsꞌi, Yakꞌusda oochꞌeꞌne buba nyo ꞌuntꞌohne, ꞌenne buba nyo ꞌustꞌoh hukwꞌunꞌa ꞌududuzdzun. ꞋEt hoontsꞌi ndi Yakꞌusda ye unzoo-un, ꞌet sghá whultsꞌut. ꞋEt ꞌi be ꞌudun yun kꞌut whutꞌenne, khuni unzoo-i be ndúwhulcho budutásnelh. Christ Ye diztiꞌ-i hooncha kꞌet, ꞌaw whula toh hooloh, ꞌet huwun budutásnelh.

Colossians 1:27

Ndi wheꞌ hoontꞌoh hooyoh-un, ꞌet tꞌetsꞌontizeh ꞌet netsꞌu hukwaꞌ ninzun. Dawhuldzooꞌ ꞌinkꞌez dawhulcho ꞌuhoontꞌoh ꞌinkꞌez ꞌudun yun kꞌut whutꞌenne, ꞌenne bubaꞌ hoontꞌoh. Christ ꞌen nohyudinda, ꞌet huwa Yakꞌusda ye diztiꞌ-i, ꞌi ooka tse hoohli.

1 John 2:12

Tsꞌoodunneyaz Jesus Christ booziꞌ gha nohlubeshi nohba bunaꞌide, ꞌet huwa nohtsꞌó kꞌeꞌusges.