Luke 24:44 - Yak'usda Ooghuni

⁴⁴ ꞋInkꞌez ꞌubulhni, “ꞋAwhuz nohbulh ꞌústꞌoh daꞌ ndi khuni ꞌi daꞌ be nohbulh yasduk-i, tsꞌiyawh lhaoodoneh Moses be ꞌudustlꞌus kꞌunusguz-i, ꞌinkꞌez nus hooꞌenne, ꞌinkꞌez Yakꞌusda ooghuni Shun eꞌdustlꞌus kꞌut cha si sghun ꞌukꞌu nusguz.”

Luke 24:44 Iomraidhean Croise

Genesis 14:18

ꞋEt Melchizedek Salem whulerwe, ꞌutꞌalh-i cha ꞌinkꞌez tsꞌekoo tooꞌ cha ꞌi bubut neininla, ꞌen Yakꞌusda ꞌukꞌenus diztiꞌ-un (El Elyon) ꞌen oolubret ꞌuntꞌoh.

Genesis 22:18

Ntsꞌu hainde-un ndi yun kꞌut dune tsꞌiyawh soo hoonzoo-un bugha hóotaltsꞌulh, skꞌunꞌa ꞌinja ꞌet huwa.”

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Genesis 49:10

Ndai la lerwene tuz nuhidutun-i, ꞌi Judah yuyit lheꞌtistꞌel. ꞋInkꞌez keyoh huwu ni ookꞌuneꞌ whutꞌen-i, ꞌi ꞌaw ooke eguz whuchꞌa naoodzit ꞌaitꞌoh, Shiloh whusainya ꞌet whutsꞌun. ꞋInkꞌez dunene ꞌen bukꞌoh tsꞌe hikꞌuneꞌ ootꞌen ha.

Matthew 1:22

NeMoodihti ooba nus hooꞌen-un, ꞌen be njan ꞌoh túneꞌ whustꞌen. ꞋEt nyoon nus hooꞌen-un njan ndutni,

Matthew 16:21

ꞋEt whutsꞌun Jesus yugha hodulꞌehne, whubunulhtun nus daootanelh la. Jerusalem tsꞌu tiyalh. Keyoh ꞌutso whudilhdzulhne, lubret bumoodihne, ꞌinkꞌez Moses be ꞌudustlꞌus ꞌukꞌu nunáguzne cha, ꞌenne bube lhat-un whe dzoh nuhítilhdzut, ꞌinkꞌez hituzilhghelh. ꞋInkꞌez whulh tát dzin dunadutádalh.

Matthew 26:54

Ntsꞌenꞌa Yakꞌusda ooghuni lhadútineh? Ntsꞌenꞌa la stsꞌun dawhutꞌih-un, ꞌet whuz unꞌa ꞌuhóneh hubaꞌ hoontꞌoh.”

Matthew 26:56

ꞋEt huwa, nus hooꞌenne bubeꞌ ꞌudustlꞌus ookꞌehooguz-un, ꞌet tsꞌiyawh lhawhúdutanelh.” ꞋEt ꞌawet higha hodulꞌehne, tsꞌiyawh highu whetsélhdil.

Mark 9:31

yugha hodulꞌehne hubodulhꞌeh ꞌet huwa. ꞋInkꞌez ubúlhni, “Yinka Dune Yeꞌ, ꞌuyoonne dune tlꞌa hitilhtelh ꞌinkꞌez hituzilhghelh. Hizilhghi hukwꞌelhꞌaz whulh tat dzin ꞌet dunadutádalh.”

Luke 21:22

ꞋAwet dzoh nutiszut-un whusahooltsꞌulh wheꞌ hoontꞌoh. ꞋEt huwun ꞌukꞌehooguz-un, tsꞌiyawh lhaóodutaneh.

Luke 22:37

ꞋEt huwa ꞌunohdusni Yakꞌusda ooghuni kꞌut si sghun ꞌukꞌu núsguz-i, ꞌi tsꞌiyawh lhawhúdoneh hubaꞌ hoontꞌoh. Ndiz unꞌa njan duwhutni, ‘Ndunne ꞌukꞌú nulheꞌustꞌenne bubun ndultꞌoh hudooniꞌ,’ ni. ꞋEt huwa si sghun ꞌukꞌuneꞌ ꞌusguz-un lhawhúdoneh hubaꞌ hoontꞌoh.”

Luke 24:46

ꞋInkꞌez ꞌubulhni, “Ndi ꞌi ꞌukꞌu nusguz whe ꞌet ndutni, Christ, ꞌen dzoh nozut, ꞌinkꞌez whulh tat dzin dunadíjaꞌ hubaꞌ hoontꞌoh,

Luke 9:22

ꞋInkꞌez ꞌubulhni, “Yinka Dune Yeꞌ lhat-un whé dzoh nutizut oobaꞌ hoontꞌoh. ꞋInkꞌez ꞌutso whudilhdzulhne cha, ꞌudedo lubretne cha, ꞌinkꞌez Moses be ꞌudustlꞌus ꞌukꞌu nunáguzne cha, tsꞌiyawh hichꞌaz dútatni ꞌinkꞌez hituzilhghelh. ꞋInkꞌez whulh tat dzin dunadutádalh.”

Luke 9:44

“Ndi khuni soo cho nohdzeh be whudooltsꞌit. ꞋAwet nilhdukw Yinka Dune Yeꞌ, dune ntsiꞌne tlꞌa tiltelh kꞌuneꞌ hitilꞌen ha.”

John 3:14

ꞋUdaꞌ ꞌaw dune lhuhootꞌih-un tsꞌe whe Moses ꞌen tlꞌughus kꞌeltsi dubeꞌ yudilhtsi inleꞌ, whuz unꞌa za Yinka Dune Yeꞌ dubeꞌ hidutálhtsih huba ꞌuhoontꞌoh.

John 5:39

Yakꞌusda ooghuni ꞌukꞌu nusgúz-i, ꞌi be ꞌilhiz huye khúna-i ahtꞌi nahzun, ꞌinka ꞌáhtꞌen soo cho bodulhꞌeh, ꞌinkꞌez ndi khuni ꞌukꞌu nusgúz-i, ꞌi si sghun za ꞌuntꞌoh.

John 5:46

Ndi Moses ꞌukꞌu néyuzguz-i, nohba ꞌalhaꞌ ꞌuntꞌoh de, ꞌet de si sghun cha daꞌ nohba ꞌalhaꞌ ꞌuhótꞌeꞌ, Moses si sghun ꞌukꞌu néyuzguz-i ꞌuntꞌoh ꞌet huwa.

Acts 13:40

ꞋEt huwa huwuhli ndet la Yakꞌusda be nus hooꞌenne huwu yuhalhduk-un, ꞌet nohbulh ꞌúhoneh junih!

Acts 2:27

ꞋEt whe natnilh keyoh si szul ꞌaw ꞌet neóolhtelh ꞌaítꞌoh ꞌinkꞌez Ndun tsꞌihꞌun ꞌúntꞌoh-un ꞌaw ooyustꞌe oolhjut ꞌaítꞌoh.

Acts 3:18

ꞋEt ꞌudaꞌ whe Yakꞌusda daniꞌ ꞌet ndunne Yakꞌusda be nus hóoꞌenne ꞌet la, Christ dzoh nutizut, hutni. ꞋEt whuz unꞌa ꞌuhóoja whúlhtsi.

Acts 7:37

Moses ꞌen ꞌuntꞌoh Israel ootsꞌu hainzutne ubúlhni whe ndutni, ‘Yakꞌusda be nus hóoꞌen-un, sundultꞌoh-un, ꞌen Yakꞌusda nohtsꞌítilhꞌalh. Nohkeyoh ꞌilhoghun ꞌen ꞌutinelh. ꞋEn si oozólhtsꞌaiꞌ.’

Hebrews 10:1

ꞋEt Moses ꞌukꞌehonguz-un daldzooꞌ-i la whuz ha tikulh-un, ꞌet ꞌaw soo cho lhunedinel. Mbene ndi khuni yukꞌuneꞌ ꞌustꞌenne, ꞌenne naoodizulh totsuk ndai huwa tꞌaih-i whe loodel kꞌut hidutálhkꞌun-i, ꞌet hoontsꞌi ꞌaw Yakꞌusda nalh lhadulyane uboolhtselh ꞌaitꞌoh.

Hebrews 3:5

ꞋInkꞌez Yakꞌusda ooyoh ꞌet Moses ꞌen ooba ꞌustle-un unli, ꞌinkꞌez Moses tsꞌiyawh lhaóodinla. ꞋEt whuz unꞌa ꞌen ghun tsꞌiyaitsuk lhaóodutatneh, ꞌet de Moses datꞌen inleꞌ-un, whunenulhtun hukwꞌelhꞌaz tꞌewhutidzeh.

Hebrews 7:1

ꞋEt ndun Melchizedek ꞌilhoghun keyoh Salem huwhútni-un whulerwe unli. Yakꞌusda tsꞌiyantsuk whando ꞌuntꞌoh-un, ꞌen oolubret unli. ꞋOh daꞌ Abraham ꞌen lhane lerwene bulh lhígan ꞌinkꞌez lhane hánghan. ꞋEt hukwꞌelhꞌaz dukeyoh tsꞌu náhutisdil whe Melchizedek Abraham yududizya whe Yakꞌusda tsꞌun yuba tenadidli, ꞌukꞌenus hoonzoo-un yughá hoꞌalh ha.

Hebrews 9:8

Ndiz unꞌa Ndoni whuneoodulhꞌeh, ndi nimbali cho ꞌawhuz ꞌet ꞌusꞌai de, ꞌet de ꞌukꞌenus whudíztiꞌ tsꞌe, ntsꞌe Yakꞌusda ꞌuntꞌoh-un, ꞌaw whuz datsꞌóoyaꞌ ꞌaitꞌoh.

1 Peter 1:11

ꞋOh daꞌ Christ ooyughi buyudinda ꞌinkꞌez ꞌuwhutanelh whutso, ꞌen bugha yalhduk ntsꞌenꞌa la Christ dzoh nutizut, ꞌet hukwꞌelhꞌaz ooba hooncha tuneꞌ titꞌen-un ꞌuwhutanelh. ꞋEt nduhoontꞌoh-un nkede njan ꞌet nduwhutanelh, ꞌinkꞌez ntsꞌenꞌa ꞌuwhutanelh, ndunne nus honꞌenne nahahootáꞌalh hukwaꞌ hutꞌen.

Revelation 19:10

ꞋInkꞌez oobut nachánisno ootsꞌun teniꞌ untisdzilh ha. ꞋEt ꞌusúlhni, “ꞋEt ndintꞌen iloh! Nyulh ꞌulhna-un usdli. ꞋInkꞌez nyulhutsinke, ꞌinkꞌez Jesus ooghuni ghu yalhdukne, ꞌenne bubulh ꞌulhna-un usdli whe ꞌustꞌoh. Yakꞌusda ꞌen za ootsꞌun téniꞌ nilhdzun!” súlhni. “Ndi khuni Jesus be ghú yaduk-i, ꞌi mba nus hónꞌen wheꞌ hoontꞌoh.”