Luke 24:4 - Yak'usda Ooghuni

⁴ Buba wheꞌ hooja hooyoh ꞌet dáhooja whusuba ꞌuhoontꞌoh. ꞋEt khuntsul nane dune buzih huzyin. Bunaih tube busaoolkalh.

Luke 24:4 Iomraidhean Croise

Genesis 18:2

Ndo yutanꞌen ꞌinkꞌez yutilhꞌen, tane dune yuzih nudilhya whe butilhꞌen. Nimbali dati tsꞌe dudilgai ꞌinkꞌez bududilhgai ꞌinkꞌez soo yun tsꞌe bubut nachaniti.

Mark 16:5

ꞋInkꞌez tseꞌan ꞌuhandil whe chilh ꞌulhyul-i be dune unli, ꞌen naílhni tsꞌunkꞌus usda whe hitilhꞌen. ꞋEt bugha ꞌánjaz.

Luke 2:9

ꞋInkꞌez whunilhꞌen, neMoodihti oolizas bubut usyin. ꞋInkꞌez neMoodihti ootsꞌu ha yanduz-i, ndulcho whe bunat bube dindi. ꞋInkꞌez tube whe hunilhjoot.

Luke 24:5

ꞋInkꞌez ndunne tsꞌekoo tube whe hunuljut whe yun nacháhunilya. Ndunne ꞌubuhutni, “ꞋEt di ha yaidlane toh khuna-un, ꞌen ookunáhtah?

Acts 1:10

ꞋEt ꞌawhuz ndo yat tsꞌe hika itísꞌen whe khuntsul nane dune ꞌulhyul ꞌi be dune unlíne buzih bube hóodiltsai.

Acts 12:7

Khuntsul neMoodihti oolizas be nghun be hóodiltsai, yoh cha hootꞌen suliꞌ. ꞋEt lizas Peter ꞌún be yúlhni whe tsꞌe nainílhzut ꞌinkꞌez, “Soo ꞌah dudinyaih!” yúlhni. ꞋEt ꞌaho nyoo lhuztih tlꞌool be yulhghel-i oola ootsꞌu ha yánkat.

1 Timothy 3:16

ꞋInkꞌez ꞌaw huwun lhdulhyoh lheꞌtsꞌudusnih whe Yakꞌusda ba ndi yun kꞌut uzdoltsꞌiꞌ ha, ꞌet hooncha wheꞌ hoontꞌoh. ꞋEt Yakꞌusda dichꞌoh dune suliꞌ ꞌet whe whubunilhtan. Ndoni tsꞌihꞌun ꞌuntꞌoh unli yulhni. Lizasne huyanꞌen. ꞋUdun yun kꞌut whutꞌenne, ꞌen ghun whulh ꞌuhudantsꞌo. Ndi yun kꞌut whutꞌenne, ooghun ooba ꞌalhaꞌ yintꞌoh suliꞌ, ꞌinkꞌez yakꞌuz tsꞌe huhoontꞌiꞌ whe danahinilhti.