Luke 24:36 - Yak'usda Ooghuni

³⁶ ꞋAwhuz howu yahalhduk whe, Jesus dichꞌoh buniz be hóodiltsai, ꞌinkꞌez ꞌubulhni, “Nohbulh sooꞌ hotꞌeꞌ.”

Luke 24:36 Iomraidhean Croise

Matthew 10:13

Yoh dilhtsꞌine, hinzoo de, nohbe dizghel-i bughaídohꞌah. Lheꞌhízooꞌ de, nohbe dizghel-i nohtsꞌun dunaootneh.

Mark 16:14

ꞋEt hukwꞌelhꞌaz Jesus yugha hodulꞌehne whunizyane ꞌon ꞌat ꞌilhoghun naꞌhutꞌalh whe bunalhtsꞌet hainya. ꞋEt ꞌaw be ꞌalha ꞌuhoontꞌoh-i lhuhítꞌiꞌ ꞌinkꞌez ꞌutsꞌun ꞌoninzun. ꞋEt huwa yanꞌenne ꞌaw buba ꞌalhaꞌ lheꞌhudusnih, ꞌet Jesus hukwaꞌ budániꞌ

Luke 10:5

Ndet yoh danáhya-un, ꞌet dilhtsꞌine ndúbudohniꞌ, nohyoh whudizghel ooleꞌ.

John 14:27

Be nedzi dizghel-i, ꞌi nohghu nenánustꞌai. ꞋI sichꞌoh be sdzi dizghel-i, ꞌi nohgha núsꞌai. Ndi be nedzi dizghel nohgha núsꞌai-i, ꞌi ꞌaw yinka whuduneꞌne nohgha húyuꞌaih-i, ꞌi ndúlhiltꞌoh whe ꞌuntꞌoh. Khun te nohdzi úndoodaꞌ ꞌinkꞌez noolhjut júnih!

John 16:33

ꞋAndit njan ꞌet huwun ndi khuni ꞌi be nohbulh yásduk, daja nohdásniꞌ la, ꞌet huwa la be nedzi be dizghel-i oohtꞌeꞌ. Ndi yun kꞌut nohehútizilalh, ꞌet hoontsꞌi hóhtꞌeꞌ, ndi yun kꞌut humoodih ꞌinkꞌez be ꞌutꞌen kꞌoh cha, tsꞌiyawh oochꞌaꞌ nus de ꞌet huwa.”

John 20:26

ꞋEt ꞌilhu lisman inleꞌ whe, doo cha za Jesus yugha hodulꞌehne yoh bez tsꞌe hudilhtsꞌi whe Thomas ꞌen cha butoh usda. Datih dadinla, ꞌet hoontsꞌi khuntsul Jesus butoh usyin hitilhꞌen, ꞌinkꞌez ꞌubulhni, “Nohdzi doghel.”

Acts 1:3

Jesus dazsai hukwꞌélhꞌaz dit whunizyat dzin ndoohoolyiz lhat whe bunalhtsꞌet nusúya ꞌet whuz unꞌa ꞌalhaꞌ khuna ꞌaw whutsꞌu hoodódlaiꞌ ꞌaitꞌoh. Hinilhꞌen ꞌinkꞌez Yakꞌusda dune kꞌúneꞌ bulꞌen-un huwun bubulh yálhduk.

1 Corinthians 15:5

ꞋInkꞌez Cephas yunalhtsꞌet hainya, ꞌet hukwꞌelhꞌaz whunizyai ꞌon ꞌat nane, ꞌenne bunalhtsꞌet hainya.

1 Corinthians 15:7

ꞋEt James ꞌen cha yunalhtsꞌet hainya, ꞌinkꞌez whélꞌaꞌne, ꞌenne tsꞌiyawh bunalhtsꞌet hainya.

2 Thessalonians 3:16

Nedzi whúdizghel-un whuMoodihti, ꞌen dichꞌoh ꞌahoolhyiz ꞌinkꞌez tsꞌiyantsuk nohdzi whúdoghel nohghá holelh. ꞋEt nohni tsꞌiyawh neMoodihti nohbulh óotꞌeꞌ.

Revelation 1:4

Yun kꞌut Asia tsꞌe Yakꞌusda ba lhtakꞌantꞌit-un lhelhdun keyoh dune ꞌilhunaoodúlhne, nohni si John nohtsꞌo kꞌeꞌusges whe njan dudusni: Mbe la ꞌuntꞌoh ꞌinkꞌez ꞌantꞌeꞌ-un, ꞌinkꞌez whuz de tíyalh, ꞌen ye unzoo-i ꞌinkꞌez nedzi bet whudizghel ꞌinkꞌez lhtakꞌantꞌi nududeh-i Yakꞌusda yukꞌusda but ꞌuntꞌoh, ꞌenne cha ye unzoo-i ꞌinkꞌez nedzi ba dóghel-i oohtꞌeꞌ.