Luke 24:32 - Yak'usda Ooghuni

³² ꞋEt ꞌulhodutni, “Niz de ti nebulh yalhduk ꞌinkꞌez Yakꞌusda ooghuni daja ni whunenulhtun whe ꞌaw lawk nedzi dízkꞌun le lhéꞌtsꞌitꞌoh inleꞌ?”

Luke 24:32 Iomraidhean Croise

Mark 4:34

Higha hódoolꞌeh-i, ꞌi be bubulh yálhduk ꞌinkꞌez dichꞌoh ꞌúhintꞌoh te yugha hodulꞌehne, soo cho buba hukwꞌú nuhúlhyeꞌ.

Luke 24:45

ꞋEt bubeni tꞌehonoozeh ha butlꞌa hónꞌai Yakꞌusda ooghuni tꞌehinoozeh ha.

John 6:63

Ndoni ꞌen ꞌutꞌen yinka duneꞌne ꞌilhiz huhutinalh-un bugha whuꞌaih. Dune yustꞌe ꞌaꞌalh-un, ꞌaw hoonli lhuhooloh wheꞌ hoontꞌoh. Ndi khuni be nóhbulh yasduk-i, ꞌi be la ꞌilhiz wheni huhutinalh.

Acts 28:23

ꞋEt Paul tsꞌun lhahódinla ndet dzin hitsꞌu tídulh-un. ꞋEt ꞌon nus ꞌultsukne, ꞌenne ꞌet dzin hitsꞌu whúsaindil. ꞋEt bundadaꞌ hulhgha whutsꞌun Yakꞌusda dune kꞌúneꞌ bulꞌen-un huwun hubodulhꞌeh. Yakꞌusda be nus hóoꞌenne ꞌukꞌu nuhúyuzguz ꞌinkꞌez Moses ꞌukꞌu núyuzguz-i cha ꞌi gha Jesus buba ꞌalha ꞌootꞌeꞌ hooleꞌ ubúlhni.

Hebrews 4:12

ꞋEt Yakꞌusda ooghuni khuna whe ꞌuntꞌoh ꞌinkꞌez whe ꞌuntꞌoh. ꞋI saluzti lhchꞌaz ookꞌa hoonli-i, ꞌi ooba nus khundiyin whe ꞌuntꞌoh. Saluzti netsꞌun lhghu nunádizꞌa-un ꞌinkꞌez neyúngheꞌ ꞌi ndi lhtsꞌititꞌus, ꞌet whuz unꞌa za Yakꞌusda ooghuni nezul ꞌinkꞌez neyughi lhkꞌeítilelh. Nedzi yo whe daja ꞌuzninzun ꞌinkꞌez ntsꞌenꞌa dáztitꞌelh hukwaꞌ tsꞌutꞌen, ꞌet tsꞌiyawh whunénulhtun, ꞌet ꞌuhoolcho whe Yakꞌusda ooghuni khundiyin whe ꞌuntꞌoh.