Luke 24:27 - Yak'usda Ooghuni

²⁷ ꞋInkꞌez Moses be ꞌudustlꞌus ꞌukꞌu nunáguz-un ꞌinkꞌez nus hooꞌenne bubeꞌ ꞌudustlꞌus cha, ndai ꞌukꞌu nuhúyuzgus ꞌen ghun, ꞌi tsꞌiyawh Yakꞌusda ooghuni yúbunilhtan.

Luke 24:27 Iomraidhean Croise

Genesis 12:3

Mbene la mba soo hoonzoo-un ngha hóotaltsꞌulh, ꞌenne cha soo hoonzoo-un bugha hóotaltsꞌulh, ꞌinkꞌez mbe la nkꞌehiyihne cha bukꞌehutisyih, ndi yun kꞌut dilhtsꞌine ꞌenne tsꞌiyawh nyun ngha soo hoonzoo-un bugha hóotaltsꞌulh.”

Genesis 22:18

Ntsꞌu hainde-un ndi yun kꞌut dune tsꞌiyawh soo hoonzoo-un bugha hóotaltsꞌulh, skꞌunꞌa ꞌinja ꞌet huwa.”

Genesis 26:4

ꞋInkꞌez ntsꞌu haindene, ꞌenne yakꞌuz whusum kꞌunꞌa lhkꞌuz te huldlai hubutilhtselh. ꞋInkꞌez ntsꞌu hainde ꞌen tsꞌiyawh njan yun kꞌut bugha óotasꞌalh. ꞋInkꞌez ntsꞌu haindene, ꞌenne bugha ndi yun kꞌut dune tsꞌiyawh huba soo hoonzoo-i ꞌi butilhtselh.

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Genesis 49:10

Ndai la lerwene tuz nuhidutun-i, ꞌi Judah yuyit lheꞌtistꞌel. ꞋInkꞌez keyoh huwu ni ookꞌuneꞌ whutꞌen-i, ꞌi ꞌaw ooke eguz whuchꞌa naoodzit ꞌaitꞌoh, Shiloh whusainya ꞌet whutsꞌun. ꞋInkꞌez dunene ꞌen bukꞌoh tsꞌe hikꞌuneꞌ ootꞌen ha.

Mark 4:34

Higha hódoolꞌeh-i, ꞌi be bubulh yálhduk ꞌinkꞌez dichꞌoh ꞌúhintꞌoh te yugha hodulꞌehne, soo cho buba hukwꞌú nuhúlhyeꞌ.

Luke 24:25

ꞋEt Jesus ꞌubulhni, “Tube nohni whusnine ꞌahli! Ndet la tsꞌiyawh nus hooꞌenne daja hutni-un, tube saꞌ whe nohdzi be nohba ꞌalhaꞌ whuneh!

Luke 24:44

ꞋInkꞌez ꞌubulhni, “ꞋAwhuz nohbulh ꞌústꞌoh daꞌ ndi khuni ꞌi daꞌ be nohbulh yasduk-i, tsꞌiyawh lhaoodoneh Moses be ꞌudustlꞌus kꞌunusguz-i, ꞌinkꞌez nus hooꞌenne, ꞌinkꞌez Yakꞌusda ooghuni Shun eꞌdustlꞌus kꞌut cha si sghun ꞌukꞌu nusguz.”

John 1:45

ꞋEt Philip ꞌen Nathanael huyúlhni, ꞌen nayilhti, “Ndun mbe be la Moses dude ꞌudustlꞌus kꞌut yughun ꞌukꞌunéꞌ ꞌuzguz-un, ꞌinkꞌez Yakꞌusda be nus hóoꞌenne highun ꞌukꞌuneꞌ ꞌúzguz-un, ꞌen natsꞌilhti. ꞋEn ꞌuntꞌoh Jesus, Joseph ooyeꞌ unli. Keyoh Nazareth huwhútni, ꞌet whutꞌi,” yúlhni.

John 12:41

ꞋEt Isaiah Yakꞌusda yé diztiꞌ-i yunalhꞌen whe ꞌet yughun ndutni inleꞌ.

John 5:37

ꞋInkꞌez sBá, mbe la whuz de sútilhꞌaꞌ-un, ꞌen didutchꞌoh si sghun tsꞌihꞌun unꞌa whulhtsi. ꞋAw yalhduk whe lhduzúhtsꞌo, ꞌinkꞌez dantꞌóh-un unli ꞌaw lhuzihꞌen.

John 5:39

Yakꞌusda ooghuni ꞌukꞌu nusgúz-i, ꞌi be ꞌilhiz huye khúna-i ahtꞌi nahzun, ꞌinka ꞌáhtꞌen soo cho bodulhꞌeh, ꞌinkꞌez ndi khuni ꞌukꞌu nusgúz-i, ꞌi si sghun za ꞌuntꞌoh.

Acts 10:43

Yakꞌusda be nus hóoꞌenne tsꞌiyawh highu yailhduk mbene la buba ꞌalhaꞌ yintꞌohne Jesus Christ ꞌen gha bulubeshi buba ꞌún yutilhdulh.”

Acts 3:18

ꞋEt ꞌudaꞌ whe Yakꞌusda daniꞌ ꞌet ndunne Yakꞌusda be nus hóoꞌenne ꞌet la, Christ dzoh nutizut, hutni. ꞋEt whuz unꞌa ꞌuhóoja whúlhtsi.

Acts 3:22

ꞋAlha ꞌudaꞌ Moses ndutni inleꞌ, ‘Yakꞌusda neMoodihti ꞌilhoghun Yakꞌusda be nus hóoꞌen-un si skꞌunꞌa ꞌuntꞌoh-un, ꞌen nohtsꞌítilhꞌalh. Nohkeyoh ꞌilhoghun ꞌen ꞌutinelh. Daja nohdutánelh-un tsꞌiyawh oozólhtsꞌaiꞌ.

Acts 3:24

ꞋEt Peter ꞌon ꞌun ndutni, “Mbene la Yakꞌusda be nus hóoꞌenne ndet la ꞌuwhutánelh-un huwu yahalhduk daꞌ, Samuel cha ꞌinkꞌez ꞌuyoonne la yukꞌélhꞌaz khanaꞌne cha, ꞌenne cha, whuz unꞌa za ꞌuhutni inleꞌ.

Acts 7:37

Moses ꞌen ꞌuntꞌoh Israel ootsꞌu hainzutne ubúlhni whe ndutni, ‘Yakꞌusda be nus hóoꞌen-un, sundultꞌoh-un, ꞌen Yakꞌusda nohtsꞌítilhꞌalh. Nohkeyoh ꞌilhoghun ꞌen ꞌutinelh. ꞋEn si oozólhtsꞌaiꞌ.’

Acts 8:35

ꞋEt Philip yawhénilhduk ndi dune yukꞌu yailhduk-i Yakꞌusda ooghuni ꞌet wheꞌ diniꞌ whe khuni unzoo-i Jesus ghun tsꞌiyawh yudániꞌ.

Revelation 19:10

ꞋInkꞌez oobut nachánisno ootsꞌun teniꞌ untisdzilh ha. ꞋEt ꞌusúlhni, “ꞋEt ndintꞌen iloh! Nyulh ꞌulhna-un usdli. ꞋInkꞌez nyulhutsinke, ꞌinkꞌez Jesus ooghuni ghu yalhdukne, ꞌenne bubulh ꞌulhna-un usdli whe ꞌustꞌoh. Yakꞌusda ꞌen za ootsꞌun téniꞌ nilhdzun!” súlhni. “Ndi khuni Jesus be ghú yaduk-i, ꞌi mba nus hónꞌen wheꞌ hoontꞌoh.”