Luke 24:26 - Yak'usda Ooghuni

²⁶ ꞌalhaꞌ eh ꞌuhoontꞌoh Christ, ꞌen dzoh nutizut huba ꞌuhoontꞌoh ꞌinkꞌez ꞌet hukwꞌelhꞌaz whe diztiꞌ tsꞌu natidalh?”

Luke 24:26 Iomraidhean Croise

Genesis 22:6

ꞋEt Abraham nyoo tsuz lhtsꞌe nidilhnat-i yilhchoot ꞌinkꞌez Isaac ꞌen yutꞌuyuzꞌai yutoogheꞌ ha. Didut kwun ꞌi yutizꞌai ꞌinkꞌez lhuztiꞌ cha ꞌinkꞌez whehanꞌaz.

Luke 24:44

ꞋInkꞌez ꞌubulhni, “ꞋAwhuz nohbulh ꞌústꞌoh daꞌ ndi khuni ꞌi daꞌ be nohbulh yasduk-i, tsꞌiyawh lhaoodoneh Moses be ꞌudustlꞌus kꞌunusguz-i, ꞌinkꞌez nus hooꞌenne, ꞌinkꞌez Yakꞌusda ooghuni Shun eꞌdustlꞌus kꞌut cha si sghun ꞌukꞌu nusguz.”

Luke 24:46

ꞋInkꞌez ꞌubulhni, “Ndi ꞌi ꞌukꞌu nusguz whe ꞌet ndutni, Christ, ꞌen dzoh nozut, ꞌinkꞌez whulh tat dzin dunadíjaꞌ hubaꞌ hoontꞌoh,

Luke 24:7

Nóhulhni, ‘Yinka Dune Yeꞌ, ꞌen lubeshi ꞌulhꞌenne tlꞌa hitilhtelh ꞌinkꞌez tulalhgus kꞌehúyitalhtelh. ꞋInkꞌez whulh tat dzin dunadutádalh.’”

John 2:22

ꞋEt huwa la Jesus Christ dazsaine butoh dunadija whe yugha hodulꞌehne whunahilni daja ubúlhni inleꞌ daꞌ, ꞌinkꞌez Yakꞌusda ooghuni ꞌukꞌu nusguz-i ꞌinkꞌez khuni ꞌi Jesus ye yaílhduk-i bulh daja ni la tsꞌiyawh buba ꞌálhaꞌ ꞌuhoontꞌoh.

John 20:9

ꞋAwhuz soo cho dudeni be tꞌéhonúszun daja ni la ndi Yakꞌusda ooghuni ꞌukꞌu nusgúz-i kꞌut, Jesus yaidlane toh dunádutádalh ꞌet huwun.

Acts 17:3

ꞋEt buba hukwꞌú nuhúlhyeꞌ Christ ꞌen ꞌutinelh dzoh nutizut, datítsah, ꞌinkꞌez nakhitátnalh. ꞋEt tsꞌihꞌun ꞌuhoontꞌoh buba hoolhꞌih, “Ndun Jesus ꞌandit ooghun nohbulh yásduk-un, ꞌen Christ ꞌuntꞌoh,” Paul ubúlhni.

Hebrews 12:2

Netso tsꞌe Jesus Christ uznoolhꞌen. ꞋAw ꞌen za neba bé ꞌalha ꞌuhoontꞌoh-un dantꞌoh la, ꞌen tsꞌihꞌun unꞌa whunénulhtun-un ꞌuntꞌoh. ꞋInkꞌez ndi yun kꞌut usda-un, ꞌet ye khuna-i, ꞌen dúwhulcho whe neba ꞌalha ꞌuhoontꞌoh-i neba lhaoodulhꞌih-un ꞌuntꞌoh. Nus de ye whúntalhni-i, ootsꞌu yíkulh, ꞌet huwa tulalhgus yulh ínyin inleꞌ. Yugha yooya suliꞌ-i ooba ꞌantsꞌi ꞌuhoontꞌoh inleꞌ. ꞋInkꞌez Yakꞌusda ookwꞌutsꞌuzda cho diztiꞌ-i, ꞌet naílhni tsꞌe huwun nátlꞌa didaꞌ.

1 Peter 1:11

ꞋOh daꞌ Christ ooyughi buyudinda ꞌinkꞌez ꞌuwhutanelh whutso, ꞌen bugha yalhduk ntsꞌenꞌa la Christ dzoh nutizut, ꞌet hukwꞌelhꞌaz ooba hooncha tuneꞌ titꞌen-un ꞌuwhutanelh. ꞋEt nduhoontꞌoh-un nkede njan ꞌet nduwhutanelh, ꞌinkꞌez ntsꞌenꞌa ꞌuwhutanelh, ndunne nus honꞌenne nahahootáꞌalh hukwaꞌ hutꞌen.

1 Peter 1:3

Yakꞌusda, Jesus Christ neMoodihti ooBá, ꞌen uzdílhtiꞌ. Hooncha whe negha teꞌnanzin whe nanehílhnaꞌ. ꞋEt huwa hoonzoo-un hukwa tse tsꞌúholeꞌ hubaꞌ hoontꞌoh. Jesus Christ ꞌen yaidlane butoh dunadija. ꞋEt huwa wheni cha ꞌilhiz tsꞌuhutinalh-un hukwa tse tsꞌúhooli.