Luke 24:25 - Yak'usda Ooghuni

²⁵ ꞋEt Jesus ꞌubulhni, “Tube nohni whusnine ꞌahli! Ndet la tsꞌiyawh nus hooꞌenne daja hutni-un, tube saꞌ whe nohdzi be nohba ꞌalhaꞌ whuneh!

Luke 24:25 Iomraidhean Croise

Matthew 26:24

ꞋAlhaꞌ Yinka Dune Yeꞌ ntsꞌenꞌa la ooba ꞌukꞌehooguz, whuz unꞌa ꞌutinelh datitsah. ꞋEt hoontsꞌi dune mbe la whutlꞌa yálhti-un, ꞌen ꞌukꞌenus hoontsiꞌ-un oogha óotaltsꞌulh. Ndun dune ꞌaw lhuhóolel de, ꞌet de daꞌ ꞌon nus ooba hózooꞌ ooleꞌ.”

Mark 16:14

ꞋEt hukwꞌelhꞌaz Jesus yugha hodulꞌehne whunizyane ꞌon ꞌat ꞌilhoghun naꞌhutꞌalh whe bunalhtsꞌet hainya. ꞋEt ꞌaw be ꞌalha ꞌuhoontꞌoh-i lhuhítꞌiꞌ ꞌinkꞌez ꞌutsꞌun ꞌoninzun. ꞋEt huwa yanꞌenne ꞌaw buba ꞌalhaꞌ lheꞌhudusnih, ꞌet Jesus hukwaꞌ budániꞌ

Mark 7:18

ꞋEt ꞌubulhni, “Nohni cha eh ꞌuyoonne kꞌunꞌa, ꞌaw noheni taóodoltsꞌit ꞌaítꞌoh? Di la dune yuꞌalh-i, ꞌi gha lubeshi olhchoot ꞌaítꞌoh.

Mark 9:19

ꞋInkꞌez Jesus uyúlhni, “ꞋAw nohni dune nohba ꞌalhaꞌ hotꞌeꞌ ꞌaítꞌoh! Dáwhuldzoh nohzih tisdalh? Dawhuldzoh nohtoh tisdalh sudutáhtsꞌo whutsꞌun ꞌinkꞌez nohba ꞌalhaꞌ tistꞌelh? Tsꞌoodun ndiz stsꞌun túlhtih!” ubúlhni.

Luke 24:24

ꞋInkꞌez oolune nebulh ꞌutꞌenne cha tsꞌun kꞌuz nahúzꞌaz. Ntsꞌenꞌa la tsꞌekoo ꞌuhutni la, whuz unꞌa nahahoonꞌai. ꞋEt hoontsꞌi Jesus ꞌaw lhuhuyíꞌel.”

John 5:39

Yakꞌusda ooghuni ꞌukꞌu nusgúz-i, ꞌi be ꞌilhiz huye khúna-i ahtꞌi nahzun, ꞌinka ꞌáhtꞌen soo cho bodulhꞌeh, ꞌinkꞌez ndi khuni ꞌukꞌu nusgúz-i, ꞌi si sghun za ꞌuntꞌoh.

1 Corinthians 15:3

ꞋEt ꞌudechoo daꞌ nohni nohtlꞌa hoosꞌai ndet la stlꞌa hóoltsꞌut-un, ntsꞌenꞌa la Christ nelubeshi kꞌelha dazsai. ꞋEt whuz unꞌa Yakꞌusda ooghuni ꞌet ndutni.