Luke 23:9 - Yak'usda Ooghuni

⁹ ꞋInkꞌez lhat-un hukwa yoodulhkut. ꞋEt hoontsꞌi Jesus yutsꞌu tꞌédusnih.

Luke 23:9 Iomraidhean Croise

Matthew 27:12

ꞋInkꞌez Lizwif bumoodihne ꞌinkꞌez dune ꞌutso whudilhdzulhne cha, hikꞌehoꞌalh hukwaꞌ hutꞌen. ꞋEt hoontsꞌi ꞌaw hoonli lheꞌdínel.

Matthew 27:14

ꞋEt hoontsꞌi ꞌaw ꞌilho khuni be hoontsꞌi daja lhdinel. ꞋEt whe yun kꞌut whumoodih tube ooba hooncha.

Matthew 7:6

Yakꞌusda ooghuni lubeshi ooghu hooloh-un, khun te lhike ndultꞌohne gha óohꞌalh junih. Kꞌus Yakꞌusda ye whúneodulhꞌeh-i, ꞌi kwꞌusul diztiꞌ-i, pearl huyulhni, khun gugoos butso naóolhdilh junih. Hikꞌu nutílhꞌus ꞌinkꞌez ꞌaho nohtsꞌu nálhya ꞌinkꞌez yanohodutálhchꞌulh.”

Mark 15:5

ꞋEt doo cha za Jesus ꞌaw yalhtílhdih. ꞋEt Pilate ooba hooncha.

Luke 13:32

ꞋInkꞌez ꞌubulhni, “Nyoon ꞌuyoo unli-un dáhni, ‘Whunulhꞌen! ꞋAndit dzin ꞌinkꞌez bunde cha ntsiꞌ-i nududeh-i dune chꞌa ha nánusyoot ꞌinkꞌez dune soo náꞌusꞌen, ꞌinkꞌez whulh tat dzin hukwa whusásya-un, lhadúlya-un tisdleh.’

Luke 23:10

ꞋUdedo lubretne ꞌinkꞌez Moses be ꞌudustlꞌus ꞌukꞌu nunáguzne, tsꞌiyawh dunahúdidil ꞌinkꞌez huske be hikꞌé hoonꞌai.

John 19:9

ꞋInkꞌez doo cha za duyoh tsꞌe danánja ꞌinkꞌez Jesus yoodulhkut, “Ntsꞌez de haínya whe ꞌintꞌoh?” yúlhni. ꞋEt Jesus ꞌaw yulh yálhtilhdih.

Acts 8:32

Ndi Yakꞌusda ooghuni ookꞌu nusgúz-i, ꞌilhoghun ꞌet la hukwꞌu yalhduk-un ndutni whe, “ꞋUsbai hituzilhghelh tsꞌu hítulhtih-i, dantꞌoh la, ꞌinkꞌez ꞌusbaiyaz ha hititꞌus te tꞌedusnih, ꞌet nduntꞌoh ꞌaw yalhtílhdih.

1 Peter 2:23

ꞋEt khuni untsiꞌ-i be hiyulh yalhduk ꞌet hoontsꞌi ꞌaw khuni untsiꞌ be butsꞌun kꞌulhditnel. ꞋOh daꞌ dzoh nusúzut whe, ꞌet hoontsꞌi ꞌaw bubulh lheꞌoonílhjoot. ꞋEt kꞌus mbe la soo tsꞌihꞌun unꞌa nahiyilh-un, ꞌen yutlꞌaꞌ dudilti.