Luke 23:5 - Yak'usda Ooghuni

⁵ ꞋEt ꞌon nus huhunílchꞌe ꞌinkꞌez ꞌuhutni, “Yun kꞌut Judea ndulcho whe ꞌinkꞌez Galilee yun kꞌut ꞌinkꞌez njan cha, dune nohchꞌaz nehudodilh whuz unꞌa whubodulhꞌeh.”

Luke 23:5 Iomraidhean Croise

Matthew 11:1

ꞋAwet Jesus whunizyane ꞌon ꞌat nane yugha hodulꞌehne, tsꞌiyantsuk ubudániꞌ-un ꞌetsul ꞌudija, ꞌinkꞌez bughu whínya. ꞋUtsꞌun keyoh tsꞌe whinya dune hodutilhꞌeh ꞌinkꞌez bubulh yatilhduk wheni.

Matthew 2:1

ꞋEt ꞌawet yun kꞌut Judea, keyoh Bethlehem whuzꞌai-un, ꞌet Jesus whuzdli. ꞋOh daꞌ whuz unꞌa Herod lerwe unli whe ꞌuhooja. Whunulhꞌen whuzdli hukwꞌelhꞌaz ndaꞌ whutꞌenne keyoh Jerusalem tsꞌe hoozdil. ꞋEnne whunihne Majine hubuhútnine.

Matthew 27:24

ꞋEt Pilate tꞌewhunínzun ꞌaw hoonli ꞌuhooleh ꞌaitꞌoh. ꞋIlhunaoosdilne ꞌawet lhtahotátꞌalh leꞌ hoontꞌoh. ꞋIlhozdilne bubut too be lanaꞌilde ꞌinkꞌez ubúlhni, “Ndun tsꞌihꞌun dune buzkaiꞌ ootꞌa óosnalh hukwa lheꞌnúszun. Nohnichꞌoh nohba ꞌuhoontꞌoh.”

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Mark 1:14

ꞋEt John dune too be ꞌulhꞌen-un, ꞌahúyanꞌai hukwꞌelhꞌaz, Jesus Galilee tsꞌe oozya ꞌinkꞌez bubulh yálhduk Yakꞌusda ookꞌúneꞌ whutꞌen-un, ooghuni ghun.

Luke 11:53

ꞋEt ꞌawhuz ꞌoh whúya hiyilh whe, Moses be ꞌudustlꞌus ꞌukꞌu nunáguzne, ꞌinkꞌez Phariseene tube huyóolhdzi. Khun tilah hoonliyaz ꞌutsꞌun unꞌa ꞌudooniꞌ ꞌinka lhelhdun hukwaꞌ huyoodulhkut.

Luke 23:23

ꞋEt hoontsꞌi ꞌaw huyoozólhtsꞌaiꞌ ꞌaitꞌoh. ꞋOn nus hitsꞌu huyih, “Tulalhgus kꞌeílhtih!” ꞋUdedo lubretne, ꞌinkꞌez ndunne cha, daja hutni ꞌet whe Pilate hichꞌaꞌ nilhde.

Luke 23:6

Pilate whudantsꞌo whe, uboodulhkut, “Ndun dune Galilee whutꞌen-un ꞌuntꞌoh?”

John 1:43

ꞋOm bun dzin Jesus Galilee tsꞌe tiyalh hukwaꞌ ninzun. Whuz oozya whe Philip huyúlhni, ꞌen nayilhti ꞌinkꞌez “Sunanyalh,” yúlhni.

John 19:15

ꞋEt hoontsꞌi sulya hulhduk ꞌinkꞌez ꞌuhutni, “Nꞌawh bulh ꞌudini! Tulalhgus undunilhtꞌah!” ꞋEt Pilate ubúlhni, “Nohlerwe ꞌen eh tulalhgus kꞌeítastelh?” ꞋEt lubret bumoodihne ꞌuhutni, “Lerwe Caesar ꞌaw ꞌen za nelerwe, ꞌaw ꞌuyoon nelerwe hooloh!”

John 2:11

Njan keyoh Cana Galilee yun kꞌut whuzꞌai ꞌet soo ꞌudechoo Jesus huwa ꞌítꞌen te naꞌditꞌen, ꞌinkꞌez dádiltiꞌ la ꞌet whúbunilhtan. ꞋI gha la yugha hodulꞌehne ꞌen ghun buba ꞌalhaꞌ yintꞌoh suliꞌ.

John 7:41

ꞋEt whulohne cha ꞌuhutni, “Ndun ꞌen Christ ꞌen ꞌuntꞌoh.” ꞋEt ꞌuyoonne cha ꞌuhutni, “ꞋAwundooh! ꞋAw Christ Galilee yun kꞌut tsꞌe toleh ha tíyalh!

John 7:52

ꞋEt ꞌuhuyúlhni, “Nyun cha eh Galilee tsꞌe haínya-un inli? Yakꞌusda ooghuni ꞌukꞌu nusguz-i soo cho nilhꞌen, ꞌet de la nyeni be tꞌéoonónzin, ꞌaw ꞌilhoghun hoontsꞌi nus hóoꞌen-un, ꞌen Galilee yun kꞌut tsꞌe haínya-un hooloh!”

Acts 10:37

ꞋI khuni teꞌnahzun Israel ootsꞌu hainzutne bukeyoh ndulcho whe ntsꞌoh te hooncha tuneꞌ whustꞌen, ndet la John too beꞌ tsꞌulꞌih huwu yailhduk whe Galilee ꞌet whutsꞌun wheꞌ whuditꞌen.

Acts 23:10

Whuz tube lhdulhyoh ꞌuhutni kꞌet, Roman lhuganne moodih whénilhjoot Paul yahayidólhchꞌoolh la ninzun ꞌinka dulhuganne Paul bugha ha náhuyoltelh ꞌinkꞌez lhuganne dilhtsꞌi tsꞌe whuz hitoolhteꞌ ubúlhni.

Acts 5:33

ꞋEt nahíyilhne njan huwhudántsꞌo whe, tube cho ꞌon nus hukwa hohunílchꞌe kꞌet whelꞌaꞌne ubotuzilhghelh hukwaꞌ huninzun, ꞌet howu yahalhduk.

Acts 7:54

ꞋEt dune nahíyilhne Stephen hidántsꞌo whe buba dzoh ꞌudija ꞌinkꞌez hituzilhghelh hukwaꞌ huninzun.

Acts 7:57

ꞋEt soo ꞌuhultus whe ꞌuhúldzul ꞌinkꞌez dudzeh whuduhúdilni ꞌinkꞌez tsꞌiyawh ꞌalhgoh huyúlh tilhtsut