Luke 23:42 - Yak'usda Ooghuni

⁴² ꞋEt ndun unsiꞌ-un ꞌet Jesus ꞌulhni, “SMoodihti ntsꞌe la whulerwe inli, whuz naoozinja de, snaoolnih!”

Luke 23:42 Iomraidhean Croise

Luke 12:8

“ꞋInkꞌez ꞌet cha nohdusni, mbe la dune nalh, Jesus Christ ꞌen oochꞌeꞌ usdli ni-un, ꞌen Yinka Dune Yeꞌ Yakꞌusda oolizas ubudutánelh, ndun ꞌen schꞌeꞌ unli whe ꞌuntꞌoh.

Luke 18:13

ꞋEt ndun sooniya ꞌilhunaoosꞌaih-un, ꞌen cha ꞌudun usyin. ꞋAw ndo hoontsꞌi yutóꞌen ꞌaitꞌoh ꞌinkꞌez yo nilhꞌai. ꞋInkꞌez dudzi kꞌut hoolhchis, ‘Yakꞌusda sgha teꞌninzeh! Lubeshi ꞌulhꞌen-un ꞌustꞌoh,’ ni.”

Luke 23:41

ꞋInkꞌez wheni tsꞌihꞌun unꞌa neba nahisda. Daítꞌen la, ꞌet huwa ꞌandit tulalhgus kꞌut sílti. ꞋEt huwa neba ꞌukꞌelha whuzdliꞌ. ꞋEt hoontsꞌi ndun dune ꞌaw hoonliyaz whe ninta lheꞌítꞌel.”

Luke 23:43

ꞋEt Jesus uyúlhni, “Tsꞌihꞌun unꞌa nyudusni, ꞌukꞌenus hoonzoo-un, ꞌet ꞌandit dzin sulh ꞌútantꞌelh.”

Luke 24:26

ꞌalhaꞌ eh ꞌuhoontꞌoh Christ, ꞌen dzoh nutizut huba ꞌuhoontꞌoh ꞌinkꞌez ꞌet hukwꞌelhꞌaz whe diztiꞌ tsꞌu natidalh?”

John 1:49

ꞋEt Nathanael uyúlhni, “Rabbi, ꞌalhaꞌ Yakꞌusda ooYeꞌ inli ꞌinkꞌez Israel ootsꞌu haindene bulerwe cha inli,” yúlhni.

John 20:28

ꞋEt Thomas uyúlhni, “SMoodihti ꞌinkꞌez sYakꞌusda!”

Acts 16:31

“Jesus Christ neMoodihti ꞌen mba ꞌalha ꞌootꞌeꞌ, ꞌinkꞌez dutanjih, nyun ꞌinkꞌez nyoh dilhtsꞌine cha,” huyúlhni.

Acts 20:21

Lizwifne ꞌinkꞌez ꞌudun yun kꞌut whutꞌenne ꞌalhgoh tube cho bugha dísniꞌ Yakꞌusda tsꞌun dudeni nahondunooleh, ꞌinkꞌez Jesus Christ neMoodihti ꞌen buba ꞌalhaꞌ yotꞌeꞌ.

1 Peter 1:11

ꞋOh daꞌ Christ ooyughi buyudinda ꞌinkꞌez ꞌuwhutanelh whutso, ꞌen bugha yalhduk ntsꞌenꞌa la Christ dzoh nutizut, ꞌet hukwꞌelhꞌaz ooba hooncha tuneꞌ titꞌen-un ꞌuwhutanelh. ꞋEt nduhoontꞌoh-un nkede njan ꞌet nduwhutanelh, ꞌinkꞌez ntsꞌenꞌa ꞌuwhutanelh, ndunne nus honꞌenne nahahootáꞌalh hukwaꞌ hutꞌen.

1 John 5:1

Tsꞌiyanne Jesus, ꞌen Christ ꞌuntꞌoh, ooba ꞌalha ꞌuhoontꞌoh-un, ꞌen Yakꞌusda yé ulhtus-i be whuzdli-un ꞌuntꞌoh. Mbene la ndun ꞌilhiz be tsꞌuhutinalh-un negha óoninꞌai-un, hikꞌensiꞌ de, mbene la ꞌen be yé ulhtus-i whuzdline, ꞌenne cha bukꞌehoosiꞌ hubaꞌ hoontꞌoh.