Luke 23:40 - Yak'usda Ooghuni

⁴⁰ ꞋEt ꞌilhoghun unsiꞌ-un hukwa yudániꞌ whe uyúlhni, “ꞋAw eh Yakꞌusda bé lhniljut whe eh ꞌudini? Ooba nahisda, whuz unꞌa za wheni cha neba nahisda.

Luke 23:40 Iomraidhean Croise

Matthew 20:9

Mbene la hulhgha tsꞌe atꞌen ulꞌaꞌne whusahandil whe ꞌilhoghun hinli ꞌilho sooniya tsꞌuditiꞌ-i buba ꞌukꞌelha yulhtsi.

Matthew 8:26

ꞋEt ꞌubulhni, “Di ha whénulhjut? Nohbé ꞌalha whutꞌen-i soo ꞌúltus-i lhahtꞌiꞌ wheꞌ dahni.” Dudinya whe khuniti be hukwaꞌ yudániꞌ too ꞌinkꞌez nilhtsi bulh yatilhduk, ꞌinkꞌez ꞌawet dinghel.

Luke 12:5

ꞋEt hoontsꞌi mbe la be ntilhjut-un, ꞌen bunóhuntistun. Mbe la nohyustꞌe silhghi-un, ꞌet hukwꞌelhꞌaz, ꞌen oobaꞌ hoontꞌoh whe kwuncho yo tsꞌe cha nohtinoh, ꞌen za be noolhjoot! ꞋAlhaꞌ nohdusni, ꞌen be noolhjut!

Luke 23:39

ꞋEt untsiꞌne, hizih tulalhgus kꞌut hulhti, ꞌilhoghun hichꞌá ꞌutsꞌun ꞌutni whe ꞌet ndúyulhni, “Nyun Christ inli de, ꞌet nyunchꞌoh ꞌududílyih ꞌinkꞌez wheni cha neílhyih!”

Luke 23:41

ꞋInkꞌez wheni tsꞌihꞌun unꞌa neba nahisda. Daítꞌen la, ꞌet huwa ꞌandit tulalhgus kꞌut sílti. ꞋEt huwa neba ꞌukꞌelha whuzdliꞌ. ꞋEt hoontsꞌi ndun dune ꞌaw hoonliyaz whe ninta lheꞌítꞌel.”

Ephesians 5:11

Tsalhgus yo dilhtsꞌine bube ꞌutꞌen kꞌoh ꞌaw lheꞌhóozooꞌ. Khun butsꞌu nedohdilh junih, kꞌus ndutꞌenne hukwaꞌ budáhni.

Revelation 15:4

O neMoodihti mbe nye lhúntilhjut ꞌinkꞌez nyooziꞌ lhedutálhtiꞌ? ꞌalhaꞌ ꞌi be nyunchꞌoh za lubeshi ooghu hooloh-un inli. ꞋUdun keyoh whutꞌenne tsꞌiyawh whusahátidulh ꞌinkꞌez mbut ntsꞌun teniꞌ huntilhdzun. Dune ba nahinyeh-un ꞌawet hooltsai ꞌet huwa.”

Revelation 16:11

ꞋInkꞌez Yakꞌusda yakꞌuz usda-un, ꞌen hidulhyoh yalhduk. Stabe buka whunduda ꞌi be bubulh ꞌúltsꞌulh ꞌet huwa. ꞋInkꞌez dahútꞌen-un ꞌaw whuchꞌa nalhehídulh.