Luke 23:4 - Yak'usda Ooghuni

⁴ ꞋEt Pilate Lizwif bumoodihne, ꞌinkꞌez ꞌilhozdilne ꞌubulhni, “Ndun dune ꞌaw hoonli nintaꞌantꞌen-un ooghu nalhuwhusꞌal.”

Luke 23:4 Iomraidhean Croise

Matthew 27:19

ꞋEt Pilate dune ba nahidilh-i, kwꞌutsꞌuzda kꞌusda whe ooꞌat khuni yutsꞌó tlꞌa inꞌai, ꞌet ndúyulhni, “Ndun dune ꞌen tsꞌihꞌun ꞌuntꞌoh-un. Hoonliyaz ꞌonleh junih! ꞌalha ꞌandit dzin ꞌen oogha huwu nusústi ꞌet whe dzoh nusúszut.”

Mark 15:14

ꞋEt Pilate ꞌubulhni, “Ndet whe tankꞌus ꞌúja?” ꞋEt hoontsꞌi ꞌon nus ꞌuhutni, “Tulalhgus undunilhtꞌah!” hutni.

Luke 23:22

ꞋEt whulh tat ꞌubulhni, “ꞋEt di ha? Ndet dáhoontꞌoh whe hoontsiꞌ-un whe nintaꞌuntꞌen? ꞋAw hukwꞌelha daootsah-un ooghu nalhuwhúsꞌal! ꞋEt huwa huyootalhtsus ꞌinkꞌez oola nadutisnih.”

John 18:38

ꞋEt Pilate uyúlhni, “Di la ꞌuntꞌoh khuni ꞌalhaꞌ ꞌuntꞌoh-i?” ꞋEt ndúdija hukwꞌelhꞌaz doo cha za Lizwifne ꞌaz butsꞌun tenanja ꞌinkꞌez ꞌubulhni, “ꞋAw whe nínta ꞌuntꞌen-un ooghu nahósꞌalh-un hooloh!

Acts 25:25

ꞋEt hoontsꞌi ꞌaw tankꞌus neꞌustꞌen-un hukwꞌelha daóotsa-un ooghu nalhuwhúsꞌal ꞌinkꞌez dichꞌoh lerwe ꞌukꞌenus díztiꞌ-un yutsꞌu húkwaꞌ daniꞌ ꞌet huwa ꞌen ootsꞌítisꞌalh.

Acts 3:13

Netsodaꞌne Abraham, Isaac, ꞌinkꞌez Jacob lhanꞌun te lhuzkehke hinli whe ꞌuhoontꞌoh. ꞋInkꞌez buYakꞌusda Jesus Christ yukꞌúneꞌ ꞌustꞌen-un, ꞌen ncha yulhtsi ꞌinkꞌez yudálhtiꞌ. Lizwif huwunlíne tlꞌálhti Pilate yula nadutitnih ꞌet hoontsꞌi nohni oochꞌaz nedihdil inleꞌ.

Hebrews 7:26

Jesus Christ lubret ꞌukꞌenus diztiꞌ-un neba unli. Lubeshi ooghu hooloh, ꞌaw whe ookꞌeholtsꞌit-un cha hooloh. ꞋInkꞌez tankꞌus ꞌuhoontꞌoh-un ꞌaw hoontsool-unyaz hoontsꞌi ookwꞌuz lhístꞌen. Lubeshi ꞌulhꞌenne bubulh ꞌutꞌen inleꞌ, ꞌet hoontsꞌi ꞌaw ꞌenne bukꞌunꞌa ndi yun kꞌut lhidal. Buchꞌa nasja, ꞌinkꞌez yakꞌuz whanus díztiꞌ suliꞌ.

1 Peter 1:19

ꞋEt hoontsꞌi Christ buzkaiꞌ diztiꞌ-i, ꞌi be naneonket. ꞋEn ꞌusbaiyaz ꞌaw hoonli-unyaz bulhodíꞌoh kꞌunꞌa ꞌuntꞌoh.

1 Peter 2:22

ꞋEn ꞌaw lubeshi lheꞌilel, ꞌinkꞌez ꞌaw whutsꞌit-i be yalhulhduk.

1 Peter 3:18

Christ ꞌen cha dichꞌoh ꞌilhoh za nelubeshi kꞌelha dzoh nusuzut. ꞋEn tsꞌihꞌun ꞌuntꞌoh ꞌinkꞌez wheni ꞌaw tsꞌihꞌun lheꞌtsꞌitꞌoh. Whuz unꞌa neba ꞌet ndúja whe Yakꞌusda tsꞌun néootalelh ha. Ooyustꞌe hizilhghi ꞌet hoontsꞌi Ndoni be ooyustꞌe nakhítnaꞌ.