Luke 23:34 - Yak'usda Ooghuni

³⁴ ꞋEt Jesus ꞌutni, “ꞋUBá buba whunaoodilnoh. ꞋAw dahútꞌen-un tꞌehonuszun, ꞌet huwa ꞌuhutꞌen.” Hina lhkꞌehuyilya ꞌinkꞌez higha ꞌaínlih.

Luke 23:34 Iomraidhean Croise

Genesis 50:17

‘ꞋEt Joseph dohniꞌ, “Ntsꞌu tezdudlih, nyulhutsinke buba whunahodolnoh ꞌinkꞌez whe nintaꞌhuntꞌen cha tube hoontsꞌi kꞌunꞌa ꞌunyuhinla, ꞌet huwa mbá ooYakꞌusda (Elohim) ba ꞌutꞌenne, ꞌenne buba whunahoodolnoh.”’” ꞋInkꞌez Joseph intse hiyulh yailhduk whe.

Matthew 11:25

Jesus ꞌawhuz bubulh yalhduk ꞌet ndutni, “ꞋUBá nyun nyudústiꞌ. Yakꞌuz ꞌinkꞌez yun kꞌut whuMoodihti inli. Whunihne ꞌinkꞌez hodulꞌehne, ndi ꞌi tsꞌiyawh buchꞌa whuntinꞌi. ꞋEt hoontsꞌi tsꞌoodunyaz leꞌ ꞌuntꞌohne, bunalhtsꞌet ha honꞌai.

Matthew 11:26

ꞋEt hoontsꞌi ꞌuBá ndet ꞌuhóonla-un mba hoonzoo leꞌ hoontꞌoh.

Matthew 5:44

ꞋEt hoontsꞌi nohdusni, nohchꞌaz ditnine bukꞌeoohsiꞌ. Mbene la denóhdulene, ꞌenne khuni unzoo-i be bubulh yaóolhduk. Nohtsꞌu dutnine, butsꞌun oohzooꞌ. Hoontsiꞌ nohtsꞌun neꞌhutꞌen ꞌinkꞌez dzoh nunohulhdzutne, buba tenadoohdli.

Mark 15:24

ꞋEt tulalhgus kꞌehúyilhti ꞌinkꞌez hinaih ꞌi ꞌuhúntúlhdulh whe higha ꞌaínlih whe hinaih lhtáhayulya.

Luke 22:42

ꞋEt ndutni, “ꞋUBá hukwaꞌ ninzun de, ndi be dzoh nutiszut-i sghu nahoolhchoot. ꞋEt hoontsꞌi ꞌaw si hukwaꞌ nuszun kꞌunꞌa iloh. Nyun hukwaꞌ ninzun kꞌunꞌa ꞌuhóneh!”

John 17:9

Buba tenadusdli. ꞋAw ndi yun kꞌut whuduneꞌne, ꞌenne iloh buba tenadusdli. Mbene la sghá buninlane, ꞌenne za buba tenadusdli, nyun nchꞌeꞌ hinli ꞌet huwa.

John 19:11

ꞋEt Jesus uyúlhni, “ꞋAw ndus de yakꞌuz whutsꞌun ngha lhúhootꞌal de, ꞌaw sando ꞌontꞌeꞌ ꞌaítꞌoh. ꞋEt huwa mbe la ntlꞌa sálhti-un, ꞌen oolubeshi nyun nlubeshi anus ꞌulcho.”

Acts 16:28

Paul soo ꞌultus-un ꞌuidílya, “Dah! ꞋUdun dóldah junih, tsꞌiyawh ꞌawet uzdilhtsꞌi!” yúlhni.

Acts 3:17

ꞋInkꞌez sulhutsinke tꞌewhunúszun nohni ꞌinkꞌez nohtso whudilhdzulhne te Jesus dálhꞌen la tꞌéoonuzúhzun ꞌet huwa ꞌíhtꞌen.

Acts 7:60

ꞋEt dugwutsi be nenínya ꞌinkꞌez soo ꞌultus-un ꞌutni, “SMoodihti ndi lubeshi ꞌuhuyínla-i, ꞌi buba ꞌun yutolhdilh!” Ndúdija ꞌinkꞌez dazsai.

Romans 12:14

Dune nohezúla de, butsꞌun oohzooꞌ ꞌinkꞌez bukꞌehoohyih junih.

1 Corinthians 2:8

Ndi khuni neba whe ꞌuntꞌoh hooyoh, ꞌi ndi yun whumoodihne ꞌaw ꞌilhoghun daja ni tꞌeininzunne hooloh. ꞋEt ndi khuni neba whe ꞌuntꞌoh hooyoh tꞌehininzun de, ꞌet de neMoodihti whudiztiꞌ-un, ꞌen ꞌaw daꞌ tulalhgus kꞌelhúhiyilhtel ooleꞌ.

1 Corinthians 4:12

Whenichꞌoh nela be ꞌutsꞌutꞌen. Hoontsiꞌ-i khuni be neghu yahalhduk ꞌet hoontsꞌi wheni khuni unzoo-i be bubulh yátsꞌulhduk. Dzoh nunehulhdzut ꞌet hoontsꞌi soo whulh tsꞌuzyin.

1 Timothy 1:13

Niz de ha oodanzut Yakꞌusda chꞌaz dasni ꞌinkꞌez ooba ꞌalha ꞌuhoontꞌohne, dzoh nubuzusde. Tsꞌiyanne ba dzoh ꞌudusni inleꞌ. ꞋEt hoontsꞌi ꞌaw tꞌeoonuzuszun-un, sba ꞌalhaꞌ lheꞌhootꞌoh ꞌet huwa ꞌistꞌen, ꞌet hoontsꞌi sgha teꞌduninzin.

1 Peter 3:9

ꞋUyoonne nohtsꞌun tankꞌus ꞌuhuninzun de, khun te kꞌunóohdzin junih. ꞋUyoonne nohchꞌaz yáhalhduk de, nohni khun buchꞌaz yaóolhduk junih. Kꞌus ꞌantsꞌi khuni unzoo-i be za bubulh yaóolhduk. Tꞌeoonáhzun whuz unꞌa Yakꞌusda nohtsꞌo húkwaꞌ ninzun. ꞋEt de la Yakꞌusda yutꞌi-i, ꞌi nohghá holtsꞌit.