Luke 23:2 - Yak'usda Ooghuni

² ꞋAwet hikꞌewhehoninꞌai ꞌinkꞌez ꞌuhutni, “Ndun dune lizwifne tankꞌus úbunilhtꞌi ꞌet bulh nátsꞌuhoonꞌai. ꞋInkꞌez lerwe Caesar tsꞌun ndi yun kꞌelha huyilhꞌi-i, ꞌi tax ꞌuyulhni, ꞌet cha whuchꞌa buníyoot. ꞋInkꞌez didut lerwe Christ tsꞌutni-un, ꞌen usdli naꞌdudútni.”

Luke 23:2 Iomraidhean Croise

Matthew 17:27

ꞋEt hoontsꞌi Capernaum whutꞌenne, ꞌenne nebulh hónilchꞌe hukwꞌunꞌa ꞌubutsꞌoolhꞌen ꞌaitꞌoh. Dugweꞌ, bun guz tsꞌinyalh ꞌinkꞌez oolhjas. Soo ꞌudechoo lho silhjus-i, ꞌi ooze lhchꞌaz ꞌuhoonleh. ꞋEt sooniya naitánꞌalh. ꞋI ilhchoot ꞌinkꞌez neba bugha íninꞌaih.”

Matthew 22:21

“Lerwe Caesar,” huyulhni. ꞋEt ꞌúbulhni, “Ndai la lerwe Ceasar oochꞌeꞌ, ꞌi ootlꞌa náyahle. ꞋInkꞌez ndai Yakꞌusda oochꞌeꞌ, ꞌi Yakꞌusda ootlꞌa náyahle.”

Matthew 27:11

ꞋEt ꞌawet Jesus yun moodih ꞌen yubut usyin. ꞋEt yun moodih yoodulhkut, “Nyun eh ꞌintꞌoh Lizwif bulerwe inli?” Jesus ꞌuyulhni, “A, ꞌalha dini.”

Mark 12:17

ꞋEt Jesus ubúlhni, “Caesar oochꞌeꞌ-i ootsꞌun ꞌukꞌelha whulhꞌi, ꞌinkꞌez Yakꞌusda oochꞌeꞌ-i, Yakꞌusda tsꞌun ꞌukꞌelha whulhꞌi.” ꞋEt tube buba hooncha.

Mark 15:2

ꞋEt Pilate yoodulhkut, “Nyun eh Lizwif bulerwe inli?” ꞋEt Jesus ꞌutni, “ꞋAlhaꞌ dini wheꞌ dini.”

Luke 23:14

ꞌinkꞌez ꞌubulhni, “Ndun dune tankꞌus ubunilhtꞌi-un kꞌunꞌa sghu nulhti. ꞋEn nohbut soo tsꞌihꞌun unꞌa ooghu núnistai. ꞋEt hoontsꞌi ndet ookꞌé whahꞌai-un ꞌaw hoonli ooghu nalhuwhusꞌal.

Luke 23:5

ꞋEt ꞌon nus huhunílchꞌe ꞌinkꞌez ꞌuhutni, “Yun kꞌut Judea ndulcho whe ꞌinkꞌez Galilee yun kꞌut ꞌinkꞌez njan cha, dune nohchꞌaz nehudodilh whuz unꞌa whubodulhꞌeh.”

John 18:29

ꞋEt Pilate ꞌaz butsꞌun teninya ꞌinkꞌez uboodulhkut, “Ndun dune ndet hukwa ookꞌé whuhꞌaih whe ꞌahtꞌen?”

John 18:30

ꞋEt ꞌuhuyúlhni, “ꞋAw ndun dune ninta lheꞌítꞌel de, ꞌaw ntsꞌuz toolhteꞌ ꞌaítꞌoh.”

John 19:12

Pilate whudántsꞌo whe Jesus whe yúla nadootnih-un, ꞌet nahóꞌalh hukwa ꞌitꞌen. ꞋEt Lizwifne sulya hulhduk ꞌinkꞌez huyúlhni, “Ndun dune oola nadantni de, ꞌaw lerwe Caesar ooyadan iloh ꞌintꞌoh! Mbe la lerwe naꞌdudilꞌí-un, ꞌen lerwe Caesar yuchꞌaz ditni-un ꞌuntꞌoh!”

Acts 24:13

ꞋAw daja suhútni-un tsꞌihꞌun mba nehúhoꞌalh ꞌaítꞌoh.

Acts 24:5

Tꞌétsꞌonínzun ndun dune tube wheóonujut whe ntsiꞌ-un dune unli. Yun kꞌut ndulcho whe ꞌen gha Lizwifne cha lhtáhúwhútꞌaih ꞌinkꞌez Nazarenne butso nuyá-un unli.

Romans 13:7

ꞋEt huwa ndet la nohtsꞌú whuzꞌai-un ꞌukꞌelha whulhꞌih. Ndet la nohnichꞌoh ꞌinkꞌez nohyun cha nohtsꞌú whuzꞌai-un, tsꞌiyawh hukwꞌelha whulhꞌi. Nohmoodihne sóo neꞌbulhꞌen ꞌinkꞌez budólhtiꞌ.