Luke 23:13 - Yak'usda Ooghuni

¹³ ꞋEt ꞌawet Pilate ꞌudedo lubretne, dune kꞌuneꞌ ꞌulꞌenne cha, tsꞌiyanne dune, tsꞌiyawh ꞌalhgoh ꞌilhubozdla,

Luke 23:13 Iomraidhean Croise

Mark 15:14

ꞋEt Pilate ꞌubulhni, “Ndet whe tankꞌus ꞌúja?” ꞋEt hoontsꞌi ꞌon nus ꞌuhutni, “Tulalhgus undunilhtꞌah!” hutni.

Luke 23:35

Dunene ꞌet nódilhya ꞌinkꞌez honilhꞌen. Bumoodihne cha buzih nodilhya ꞌinkꞌez highudloh whe nduhutni, “ꞋUyoonne, bulhyis inleꞌ. ꞋEt huwa ndun Christ, Yakꞌusda ꞌutahayálhti-un ꞌuntꞌoh de, dichꞌoh ꞌududoolyih da!”

Luke 24:20

ꞋUdedo lubretne, ꞌinkꞌez wheni nemoodihne cha, ꞌenne Rome whutꞌenne hiba nahuhooyeh ha butlꞌa húyalhti, ꞌinkꞌez tulalhgus kꞌehíyilhti.

John 12:42

ꞋEt hoontsꞌi lhane dune ando ꞌuntꞌohne, ꞌenne Jesus buba ꞌalhaꞌ yintꞌoh, ꞌet hoontsꞌi ꞌaw hudooniꞌ ꞌaítꞌoh. ꞋEt nduhtni de, Phariseene Lizwifne bulugliz whuchꞌa ꞌilhiz tebohoneh la ꞌet whe hunuljut.

John 18:38

ꞋEt Pilate uyúlhni, “Di la ꞌuntꞌoh khuni ꞌalhaꞌ ꞌuntꞌoh-i?” ꞋEt ndúdija hukwꞌelhꞌaz doo cha za Lizwifne ꞌaz butsꞌun tenanja ꞌinkꞌez ꞌubulhni, “ꞋAw whe nínta ꞌuntꞌen-un ooghu nahósꞌalh-un hooloh!

John 19:4

ꞋEt doo cha za Pilate ꞌaz butsꞌú tenanja ꞌinkꞌez ꞌubulhni, “Nulhꞌen, ndun ꞌaw whe nínta ꞌuntꞌen-un ooghu nahósꞌalh ꞌaítꞌoh, ꞌinka nohtsꞌú tenanusti.”

John 3:1

ꞋIlhoghun dune Pharisee bulh dizulh-un, ꞌen ꞌilhoghun Lizwifne butso whudilhdzulh-un, ꞌen Nicodemus huyulhni.

John 7:26

Whunilhꞌen tsꞌiyanne dune bez usda ꞌinkꞌez bubulh yálhduk, ꞌet hoontsꞌi ꞌaw dune daja lhunuhidusnih. Ndunne moodihne, ꞌenne tꞌehonínzun tilah ꞌet ndun ꞌen ꞌalhaꞌ Christ ꞌuntꞌoh?

John 7:48

Wheni moodihne kꞌus Phariseene wheni cha neba ꞌalhaꞌ ꞌuntꞌoh nahzun eh? ꞋAwundooh!

Acts 13:27

Jerusalem ꞌet whutꞌine ꞌinkꞌez bumoodih unline cha ꞌaw tꞌéhinúszun neulhyis-un ꞌúntꞌoh. Lizwif nahulyis-un dzin totsuk ndi Yakꞌusda be nus hooꞌenne ꞌukꞌu nuháyuzguz-i ookꞌu yaduk ꞌet hoontsꞌi ꞌaw bubeni tálhodulhtsꞌit. Jesus datítsah tsꞌe beꞌ hininya, ꞌet huwa Yakꞌusda be nus hooꞌenne bughuni ꞌalhaꞌ ꞌuntꞌoh huyulhtsi.

Acts 3:17

ꞋInkꞌez sulhutsinke tꞌewhunúszun nohni ꞌinkꞌez nohtso whudilhdzulhne te Jesus dálhꞌen la tꞌéoonuzúhzun ꞌet huwa ꞌíhtꞌen.

Acts 4:5

ꞋEt ꞌawet ꞌom bun dzin Lizwif bumoodihne, butso whúdilhdzulhne cha, ꞌinkꞌez Moses be ꞌudustlꞌus ꞌukꞌu nunáguzne Jerusalem ꞌet ꞌilhúhozdil.

Acts 4:8

Ndoni Peter ꞌon nus ulhtus yulhtsi whe ubúlhni, “Israel ooduneꞌne bumoodihne ꞌinkꞌez butso whúdilhdzulhne cha,