Luke 22:70 - Yak'usda Ooghuni

⁷⁰ ꞋInkꞌez tsꞌiyawh ꞌuhutni, “Nyun Yakꞌusda ooYeꞌ eh ꞌintꞌoh?” ꞋEt ꞌubulhni, “Tsꞌihꞌun ꞌudahni si, ꞌen ꞌustꞌoh.”

Luke 22:70 Iomraidhean Croise

Matthew 26:25

ꞋEt Judas, whutlꞌa itilhtelh-un, Jesus yoodulhkut, “Rabbi si eh sudíni?” ꞋEt ꞌuyulhni, “Nyunchꞌoh dinja.”

Matthew 26:64

ꞋEt Jesus ndúyulhni, “Nyunchꞌoh ꞌet ꞌúdini. Njan huwun nohbulh yasduk, kꞌat le de Yinka Dune Yeꞌ, ꞌen ulhtus-un, ꞌen nailhni tsꞌunkꞌus yughu usda, ꞌet whutihꞌelh. ꞋInkꞌez kwꞌus kꞌut ndus de ha tiyalh, ꞌet cha whutihꞌelh.”

Matthew 27:11

ꞋEt ꞌawet Jesus yun moodih ꞌen yubut usyin. ꞋEt yun moodih yoodulhkut, “Nyun eh ꞌintꞌoh Lizwif bulerwe inli?” Jesus ꞌuyulhni, “A, ꞌalha dini.”

Matthew 27:43

Yakꞌusda tꞌanínintan. ꞋEt huwa Yakꞌusda yukaꞌ ninzun de, ꞌandit ꞌaho daꞌ yoolhyih. Njan ndutni inleꞌ Yakꞌusda ooYeꞌ ꞌustꞌoh.”

Matthew 27:54

ꞋEt ndun lhuganne bumoodih, ꞌinkꞌez yulh ꞌutꞌenne, Jesus yughunline, yun núkhisnai ꞌinkꞌez ntsꞌoh te neꞌwhustꞌen-un, ꞌet honalhꞌen whe tube whe húnilhjoot ꞌinkꞌez ꞌuhutni, “ꞋAlhaꞌ ꞌazih ndun dune, Yakꞌusda ooYeꞌ ꞌuntꞌoh.”

Matthew 3:17

Khuntsul ndus de ꞌuwhutni, “Ndun ꞌ sYeꞌ ookꞌesiꞌ whé ꞌuntꞌoh, ꞌinkꞌez tube ꞌen bulh hoonústꞌiꞌ,” ni.

Matthew 4:3

ꞋEt yóolhdzih-un, yughu ninya ꞌinkꞌez uyúlhni, “ꞋAlhaꞌ Yakꞌusda ooYeꞌ inli de, ndi tse lhes ooleꞌ dini.”

Mark 14:62

Jesus uyúlhni, “A, ꞌen ꞌustꞌoh, ꞌinkꞌez nohni tsꞌiyawh si, Yinka Dune Yeꞌ, huyuntilhꞌelh Yakꞌusda ooghu nailhni tsꞌunkꞌus usda whe ndus de kwꞌus toh ha nátidalh.”

Mark 15:2

ꞋEt Pilate yoodulhkut, “Nyun eh Lizwif bulerwe inli?” ꞋEt Jesus ꞌutni, “ꞋAlhaꞌ dini wheꞌ dini.”

Luke 22:71

ꞋInkꞌez ꞌuhutni, “ꞋAw ꞌon ghun hoonli highun nedóniꞌ hukwa lheꞌtsꞌunízun. Whenichꞌoh ooze whuzdántsꞌo.”

Luke 23:3

ꞋEt Pilate yoodulhkut, “Nyun eh Lizwif bulerwe inli?” ꞋEt Jesus ꞌutni, “A, ꞌalhaꞌ dini.”

Luke 4:41

ꞋInkꞌez whulohne dune ntsiꞌ-i nududeh-i ꞌahúldzul whe butsꞌu ha náhudide, ꞌinkꞌez ꞌuhutni, “Nyun Yakꞌusda ooYeꞌ Christ huyulhni-un ꞌintꞌoh!” Tꞌeduzahnih ubúlhni ꞌaw yahutilhdih butlꞌa lhúhooꞌal, tꞌehonínzun Christ ꞌen ꞌuntꞌoh ꞌet huwa.

John 1:34

ꞋEt whunisꞌen. Soo tsꞌihꞌun khuni be nohdúsni, ꞌalhaꞌ ndun ꞌen Yakꞌusda ooYeꞌ ꞌuntꞌoh,” ubúlhni.

John 1:49

ꞋEt Nathanael uyúlhni, “Rabbi, ꞌalhaꞌ Yakꞌusda ooYeꞌ inli ꞌinkꞌez Israel ootsꞌu haindene bulerwe cha inli,” yúlhni.

John 10:30

Si ꞌinkꞌez sBá bulh ꞌilho za ídli,” ubúlhni.

John 10:36

ꞋEt Yakꞌusda ooYeꞌ usdli nohdúsni-un, ꞌet whula gha tsꞌe Yakꞌusda chꞌaz yásduk dahni whe skꞌehoohꞌaih. SBá ꞌen ꞌudun nésunilhti whe ndi yun kꞌut tsꞌe sutilhꞌaꞌ.

John 18:37

ꞋEt huwa Pilate yoodulhkut, “ꞋEt de lerwe inli whe ꞌintꞌoh!” ꞋEt Jesus ꞌuyulhni, “Nyun ꞌalhaꞌ ꞌudini lerwe usdli. ꞋEt wheni whuzúsdli ꞌet huwa yinka whuduneꞌne soo cho dudeni be khuni ꞌalhaꞌ ꞌuntꞌoh-i tꞌéhinoozeh ꞌinka ndi yun kꞌut nenúsya. Mbene la khuni ꞌalhaꞌ ꞌuntꞌoh-i tꞌehuninzunne, daja dusni la soo cho suhoozílhtsꞌai.”

John 19:7

ꞋEt Lizwifne ꞌuhuyúlhni, “Wheni khuni neba ootulhúhisdeꞌ-i tsꞌutꞌi, ꞌi kꞌut ꞌutni, daóotsa huba ꞌuhoontꞌoh. Lheꞌutni Yakꞌusda ooYeꞌ ꞌududulhtsi ꞌet huwa.”