Luke 22:61 - Yak'usda Ooghuni

⁶¹ ꞋEt neMoodihti Peter tsꞌu nálhꞌa ꞌinkꞌez yunin tsꞌe yunalhꞌen. ꞋEt Peter ꞌaho neMoodihti yughuni yunalni daja yudaniꞌ inleꞌ whe ndúyulhni, “Lugok dune ꞌudutinelh whutso tat tꞌesunuzínzun dutanelh.”

Luke 22:61 Iomraidhean Croise

Matthew 26:34

ꞋEt Jesus njan ndúyulhni, “Ꞌalha ꞌi be nyudusni, ꞌandit ꞌulhdzis lugok dune ꞌudutinelh whutso, tat tꞌesunuzínzun dutanelh.”

Matthew 26:75

ꞋEt Jesus daja ni la Peter whunalni whe yudaniꞌ, “Lugok dune ꞌudutinelh whutso, tat ꞌaw tꞌesunuzinzun dutanelh.” ꞋEt ꞌaz whe naja ꞌinkꞌez tube cho howintse.

Mark 5:30

ꞋAhoh Jesus tꞌéoonanzin yé ulhtus ye dune laꞌ ꞌutꞌen-i ooloh ootsꞌa ha díltsꞌut. ꞋEt ꞌilhozdílne butsꞌu nálhꞌa ꞌinkꞌez ꞌutni, “Mbe whe ꞌuja snaih yutꞌaíznai?”

Luke 10:41

ꞋInkꞌez Jesus ꞌuyulhni, “Martha Martha lhat-un howu nuni ninzut ꞌinkꞌez huwu ni inli!

Luke 22:34

ꞋEt ꞌuyulhni, “Nyudusni Peter, ꞌandit dzin lugok dune ꞌudutinelh whutso, tat, ‘ꞋAw ndun tꞌenuzuszun,’ dutanelh.”

Luke 22:60

ꞋEt Peter ndun dune ꞌuyulhni, “ꞋAw daja dini-un tꞌewhunuzúszun!” ꞋAwhuz yalhduk whe lugok dune ꞌudija.

Luke 22:62

ꞋEt Peter ꞌaz whinya ꞌinkꞌez tube intse.

Luke 7:13

ꞋEt neMoodihti yanꞌen ꞌinkꞌez yugha teꞌninzin whe uyúlhni, “Intso iloh!”

Luke 7:19

ꞋInkꞌez nane ꞌanih ꞌubulhni ꞌinkꞌez Jesus tsꞌun whe balhꞌaꞌ huyoodutalhkut ha, “Nyun eh whusatíyalh-un inli, kꞌus ꞌuyoon tilah ka tsꞌitóꞌen?”

John 13:38

ꞋEt Jesus ꞌuyulhni, “ꞋAlhaꞌ eh be khína-i, ꞌi sba oola dutatnih? Soo tsꞌihꞌun unꞌa nyudúsni lugok dune ꞌudutinelh whutso, tat ꞌet tꞌésunuzínzun dutanelh.”

Acts 5:31

ꞋEt Yakꞌusda yakꞌuz whenáyalhti dunailhni tsꞌe duzih ꞌet yulhda, ꞌinkꞌez Moodihti ꞌinkꞌez neulhyís-un cha yulhtsi. ꞋEt Israel ootsꞌu haindene dudeni náhondunooleh, ꞌet de la bulubeshi buba ꞌún yutoolhdilh.

Ephesians 2:11

ꞋEt huwa whunalhnih, nohyustꞌe be ꞌudun yun kꞌut whutꞌenne ꞌahtꞌoh. Ndunne Lizwifne, mbe dune dula be hika dune unli-i kꞌut ustꞌúsne, ꞌenne ooka dune ꞌahli-i kꞌut ꞌaw lhítꞌus nohuhútni.

Revelation 2:5

ꞋEt whunaoolhnih ndet nálhtsꞌut-un. Lhtꞌananahdaih ꞌinkꞌez ꞌudechoo nohꞌeꞌ utꞌen-i nalhchoot. ꞋAw lhtꞌanalhníhdil de, khuntsul nohtsꞌun tísyalh ꞌinkꞌez nyoo nohbe hóotꞌen-i nohghu naitáschulh.