Luke 22:42 - Yak'usda Ooghuni

⁴² ꞋEt ndutni, “ꞋUBá hukwaꞌ ninzun de, ndi be dzoh nutiszut-i sghu nahoolhchoot. ꞋEt hoontsꞌi ꞌaw si hukwaꞌ nuszun kꞌunꞌa iloh. Nyun hukwaꞌ ninzun kꞌunꞌa ꞌuhóneh!”

Luke 22:42 Iomraidhean Croise

Matthew 11:25

Jesus ꞌawhuz bubulh yalhduk ꞌet ndutni, “ꞋUBá nyun nyudústiꞌ. Yakꞌuz ꞌinkꞌez yun kꞌut whuMoodihti inli. Whunihne ꞌinkꞌez hodulꞌehne, ndi ꞌi tsꞌiyawh buchꞌa whuntinꞌi. ꞋEt hoontsꞌi tsꞌoodunyaz leꞌ ꞌuntꞌohne, bunalhtsꞌet ha honꞌai.

Matthew 11:26

ꞋEt hoontsꞌi ꞌuBá ndet ꞌuhóonla-un mba hoonzoo leꞌ hoontꞌoh.

Matthew 20:22

ꞋEt Jesus njan ndutni, “Ndet hukwa oodilhkut-un ꞌaw tꞌeoonuzinzun. Ndi lubot ꞌawet beꞌ tisnelh-i, nohni cha beꞌ tihnelh nahzun eh? ꞋInkꞌez dune be too be ꞌulꞌen-i, ꞌi be ꞌusotilelh. Nohni cha whuz unꞌa za eh too beꞌ tilhnelh?” ꞋEt ꞌuhúyulhni, “A, ꞌet la ndutsꞌóoneh!”

Matthew 26:39

ꞋOn ꞌunyaz le whinya whe ꞌet nachániti ꞌinkꞌez tenawhendunidli ꞌinkꞌez njan ndutni, “ꞋUBá ndi lubot be dzoh nutiszut-i, whuz unꞌa ꞌuntꞌoh de, whute senghóltsꞌit. ꞋEt hoontsꞌi ꞌaw si hukwaꞌ nuszun kꞌunꞌa iloh. Nyun hukwaꞌ ninzun hukwꞌunꞌa ꞌuhóneh.”

Matthew 26:42

ꞋEt doo cha za whulh nat bugho whe naja tenadutidli ha. ꞋEt njan ndutni, “ꞋUBá ndi lubot ꞌaw sghu naóolhchoot ꞌaitꞌoh, ꞌi tsꞌiyawh usnaiꞌ ꞌet de za. Whuz unꞌa za hukwaꞌ ninzun de, ꞌet ndó honeh.”

Matthew 26:44

ꞋEt whe bugho whe naja ꞌinkꞌez whulh tat-i khuni ꞌi be za tenadidli.

Matthew 6:10

Whe lerwe inli-un, whusahooltsꞌit. Hukwaꞌ ninzun te, ndo honeh. Ndi yun kꞌut ꞌinkꞌez yakꞌuz cha, ndúhoneh.

Mark 14:36

ꞋUBá, nyun za tsꞌiyantsuk nkꞌúneꞌ whutꞌen. Ndi dzoh nutiszut-un sba hooloh nahoolhtsi, ꞌet hoontsꞌi si hukwaꞌ nuszun íloh, nyun hukwaꞌ ninzun hukwꞌunꞌa ꞌet ꞌuhóneh.”

Luke 23:34

ꞋEt Jesus ꞌutni, “ꞋUBá buba whunaoodilnoh. ꞋAw dahútꞌen-un tꞌehonuszun, ꞌet huwa ꞌuhutꞌen.” Hina lhkꞌehuyilya ꞌinkꞌez higha ꞌaínlih.

John 18:11

ꞋEt Jesus Peter uyúlhni, “Nyoo saluzti oozus be naíntih. ꞋAlhaꞌ iloh lakw ndi lubot be dzoh nudeh-i, sBá stlꞌa yánkai-i, ꞌulhtuzisnel?”

John 4:34

ꞋEt Jesus ubúlhni, “Mbe la whuz de sutilhꞌaꞌ-un, ndet stsꞌu húkwaꞌ ninzun, ꞌoh te neꞌóostꞌen ꞌinkꞌez be ꞌutꞌen lhadóosdleh huba ꞌuhoontꞌoh. Ndi ꞌi za sꞌalh-i ꞌuntꞌoh.

John 5:30

ꞋAw sichꞌoh ndúhoontꞌoh-un ꞌuhoosꞌen ꞌaítꞌoh. ꞋAw sichꞌoh hukwaꞌ nuszun te neꞌóostꞌen ꞌaítꞌoh. Ntsꞌoh tula sBá stsꞌu húkwaꞌ ninzun ꞌoh te za neꞌústꞌen. ꞋEt huwa dune ba nahutisyeh de, sBá súlhni, ꞌet whuz unꞌa za dune ba nahusyeh-un, ꞌet tsꞌihꞌun unꞌa ꞌuhoontꞌoh.

John 6:38

ꞋEt hukwa ndus de yakꞌuz tsꞌe hásya. ꞋAw sichꞌoh hukwaꞌ nuszun te néꞌtistꞌen huba iloh, mbe la whuz de sútilhꞌaꞌ-un, ꞌen ntsꞌoh tula daóotanelh hukwaꞌ ninzun-un, ꞌi ꞌutꞌen oosdleh wheni whusásya.

Acts 21:14

ꞋEt hoontsꞌi ꞌaw nekꞌoh tsꞌe lhéꞌinel ꞌinka, “Tꞌezdínel, ntsꞌenꞌa la neMoodihti hukwaꞌ ninzun kꞌunꞌa la ꞌahóneh,” tsꞌutni.