Luke 22:30 - Yak'usda Ooghuni

³⁰ ꞋEt whe lerwe usdli-un, ꞌet slutab kꞌut sulh ꞌutihꞌulh ꞌinkꞌez sulh utihtnelh. Kwꞌutsꞌuzda cho diztiꞌ-i, ꞌet hukwꞌu dutálhtsꞌilh ꞌinkꞌez whunizyat ꞌon ꞌat nat-un Israel ootsꞌu hainzutne bulh didowhne buba nahutihyeh.”

Luke 22:30 Iomraidhean Croise

Matthew 19:28

Jesus ndúbulhni, “Tsꞌihꞌun unꞌa nohdusni, ntsꞌoya hoozulh whe tsꞌiyaitsuk ꞌandidi-i natidleh, ꞌoh whuya hoozulh whe Yinka Dune Yeꞌ, yukwꞌutsꞌuzda cho diztiꞌ-i, ꞌi yukꞌetlꞌa dutadalh. ꞋEt nohni suntizdil inleꞌne, nohni cha whunizyai ꞌon ꞌat nanki kwꞌutsꞌuzda-i dune buba nahutiyeh ha, ꞌet dutálhtsꞌilh. ꞋEt Israel ootsꞌu haindene, whunizyat ꞌon ꞌat nane lhelhdoh didowhne, ꞌenne buba nahutihyeh.

Matthew 5:3

“Lubeshi ꞌulhꞌenne, budzi telꞌen unline, ꞌenne yakꞌuz kꞌuneꞌ whulꞌen-un oochꞌeꞌ huzdliꞌ, ꞌet huwa ꞌukꞌenus hoonzoo-un bugha whultsꞌut.

Matthew 8:11

Nohdusni ndaz de ꞌinkꞌez nooz de lhane whusatidulh yakꞌuz keyoh ꞌet Abraham cha, Isaac, ꞌinkꞌez Jacob cha, ꞌalhgoh lhla náꞌhutitꞌulh.

Luke 12:37

ꞋEt moodih whusanaja de, ꞌinkꞌez be ꞌulhnane hika tse hooli, ꞌinkꞌez hika ítisꞌen. Moodih ndutꞌenne bunilhꞌen de, ꞌukꞌenus hoonzoo-un bugha whultsꞌut. ꞋAlhaꞌ nohdúsni, bumoodih soo nadutitneh ha, ꞌinkꞌez dude ꞌulhnane nátlꞌa dulhtsꞌi budutánelh, ꞌinkꞌez bubut néꞌtilelh.

Luke 14:15

ꞋEt ꞌilhoghun dune lutab kꞌut yulh usda-un, whudantsꞌo, ꞌen ꞌuyulhni, “Yakꞌusda whe lerwe unli-un, mbe la ꞌet ꞌaꞌalhne, ꞌukꞌenus hoonzoo-un bugha whutaltsꞌulh!”

2 Timothy 2:12

Ntsꞌoh dawhutꞌen hoontsꞌi whulh tsꞌúzyin de, ꞌet de ꞌen bulh lerwe ꞌuztileh. Oochꞌaz natsꞌulhꞌa de, didut cha nechꞌaz nátilꞌa.

James 1:1

Si James, Yakꞌusda ꞌinkꞌez neMoodihti Jesus Christ ba ꞌulhna-un usdli. Nohni Lizwifne, mbene la Jesus Christ ooba ꞌalhaꞌ yintꞌohne, nohkeyoh whuchꞌa nohonízyootne ꞌahli, ndi ꞌudustlꞌus nohtsꞌó kꞌesges-i, ndi yun kꞌut whutꞌenne tsꞌiyawh be hadih nohdúsni.

Revelation 19:9

ꞋEt ndun yalhduk-un, ꞌen ꞌusúlhni, “Njan ꞌukꞌehoonges, ꞌusbaiyaz ꞌat titꞌelh-un naꞌhutitꞌulh-un, mbene ooghu nusjane, ꞌenne ꞌukꞌenus hoonzoo-un bugha whútaltsꞌulh.” ꞋInkꞌez ꞌusulhni, “Ndi ꞌi soo tsꞌihꞌun Yakꞌusda ooghuni ꞌutni.”

Revelation 3:21

Mbe la ndi ꞌutꞌen ntsiꞌ-i chꞌaꞌ ꞌulhdeh-un, skwꞌutsꞌuzda cho kꞌut szih tidalh-un oogha óotasꞌalh. Whuz unꞌa Si cha cha whuchꞌaꞌ nus de ꞌinkꞌez ꞌuBá ookwꞌutsꞌuzda cho diztiꞌ-i, ꞌi kꞌut oozih natlꞌa disdaꞌ.

Revelation 4:4

Ndi kwꞌutsꞌuzda cho diztiꞌ-i oonat nat whunizyai ꞌon ꞌat dunghi kwꞌutsꞌuzda cho diztiꞌ-i, ꞌi oonaidilhya. ꞋInkꞌez ndi kwꞌutsꞌuzda cho diztiꞌ-i nat whunizyai ꞌon ꞌat dine útso whudilhdzulhne hikꞌu dilhtsꞌi. Naih ꞌulhyul-i be dune hinli. Gold naniztsꞌun-i butsi kꞌéyuzdla.