Luke 22:29 - Yak'usda Ooghuni

²⁹ ꞋInka sBá stlꞌa hónꞌai whe lerwe usdli-un, whuz unꞌa nohni cha lerwe tihleh-un nohgha hónꞌai.

Luke 22:29 Iomraidhean Croise

Matthew 24:47

ꞋAlhaꞌ nohdusni ndai la yutꞌi-i, tsꞌiyawh kꞌuneꞌ yulꞌen yutilhtselh.

Matthew 25:21

ꞋEt oomoodih ndúyulhni, ‘Tube soo ꞌinja! Nyun tube ꞌinzoo. Whunilhchoh whe kꞌuneꞌ nyutisꞌen. Tube ꞌulhna-un unzoo-un inli. Hoontsool-unyaz whe kꞌuneꞌ nyutisꞌen inleꞌ. ꞋAndit nꞌun whe lhai ghu tanleh. ꞋAnih, nyumoodih ye hoontꞌiꞌ-i, nyun cha be hóotantꞌeꞌ.’

Matthew 25:34

ꞋEt lerwe nailhni tsꞌunkꞌus ꞌuntꞌohne ndubudutanelh, ‘Nohni ꞌuBá ꞌukꞌenus hoonzoo-un nohghá whultsꞌutne ꞌahli. ꞋEt huwa ꞌanih! Yun ꞌutilnelh whutso, lerwe yakꞌuz úsda-un, ꞌet nohba lhaoodinla, nohgha óotaltsꞌulh.

Matthew 28:18

ꞋEt Jesus butsꞌo whusainya whe bubulh yalhduk ꞌinkꞌez njan dúbulhni, “Yakꞌuz ꞌinkꞌez ndi yun kꞌut tsꞌiyawh whando ꞌustꞌoh-un, ꞌet stlꞌa hóoltsꞌut.

Matthew 5:10

Tsꞌihꞌun ꞌuhintꞌoh huwa dzoh nubuhulhdehne, ꞌenne yakꞌuz kꞌuneꞌ whulꞌen-un, ꞌet buchꞌeꞌ hinli. ꞋEnne ꞌukꞌenus hoonzoo-un bughá whultsꞌut.

Matthew 5:3

“Lubeshi ꞌulhꞌenne, budzi telꞌen unline, ꞌenne yakꞌuz kꞌuneꞌ whulꞌen-un oochꞌeꞌ huzdliꞌ, ꞌet huwa ꞌukꞌenus hoonzoo-un bugha whultsꞌut.

Luke 12:32

Se ꞌusbai ꞌilhoh núlhꞌas-i, noolhjut junih! NohBá whe lerwe unli-un, hoontꞌiꞌ whe nohgha óotaꞌalh.

Luke 19:17

ꞋInkꞌez ꞌuyulhni, ‘Seꞌulhna-un, tube soo ꞌínja! Ntsool-iyaz ntlꞌasꞌai-i, tsꞌihꞌun unꞌa be neꞌzintꞌen. ꞋEt huwa whunizyat-un keyoh whuti whumoodih tanleh ꞌet ntlꞌa hóosꞌai.’

1 Corinthians 9:25

Mbe la soo hoolhdzihne dichꞌoh khadli. ꞋEt lhghu natilwusne ndi whuchꞌa italhdoh-i ꞌutsiꞌ tileh. ꞋEt hoontsꞌi wheni be whuchꞌa tsꞌotalhdoh-i ꞌaw ꞌutsiꞌ ooleꞌ ꞌaitꞌoh.

2 Corinthians 1:7

ꞋInkꞌez tꞌetsꞌonínzun ntsꞌenꞌa la nohni dzoh nutsꞌudeh whe netsꞌú nedihdil, ꞌet ꞌuwhultus ꞌi be za ndi ye kꞌenáneninꞌa-i, ꞌi be netsꞌú nedihdil.

2 Timothy 2:12

Ntsꞌoh dawhutꞌen hoontsꞌi whulh tsꞌúzyin de, ꞌet de ꞌen bulh lerwe ꞌuztileh. Oochꞌaz natsꞌulhꞌa de, didut cha nechꞌaz nátilꞌa.

James 2:5

Sulhutsinke ookꞌesiꞌne, soo zúlhtsꞌai. Ndi yun kꞌut telꞌenne, Yakꞌusda kꞌensiꞌne, ꞌenne ꞌutahábanla buba ꞌalha ꞌuhoontꞌoh-i, ꞌi be hoonzoo ꞌuntꞌohne ꞌubulhtsi. ꞋAw ndi yun kꞌut be ꞌutsꞌintꞌoh-i iloh. ꞋInkꞌez ntsꞌe Yakꞌusda lerwe unli-un, neBá yutꞌi-i bugha ítalelh-i, ꞌet ꞌi bugha ootakulh. ꞋEt whuz unꞌa mbene la yukꞌensiꞌne, ꞌenne cha bugha ítalelh.

1 Peter 5:4

ꞋInkꞌez ndun Jesus Christ ꞌusbai ghundline butso whudilhdzulh-un, ndet la nenalhtsꞌet haínya de, ꞌet de ndi whudíztiꞌ-un be ꞌindindi-i, ꞌaw gak oodleꞌ ꞌaitꞌoh, ꞌet nohgha óotaltsꞌulh.

Revelation 21:14

Nyo keyoh whuti sih whunasaꞌa-i, ꞌi whunizyai ꞌon ꞌat nanki tse lhelhdoh didowh-i ookꞌu whuzꞌai. ꞋInkꞌez whunizyane ꞌon ꞌat nane ꞌusbaiyaz ba whelꞌaꞌne bubooziꞌ hukwꞌusguz.