Luke 22:26 - Yak'usda Ooghuni

²⁶ ꞋEt hoontsꞌi nohni nohtoh ꞌe dóhtꞌeꞌ junih! Kꞌus nohtoh mbe ꞌukꞌenus ꞌuntꞌoh-un ooleꞌ-un, ꞌen ꞌudekꞌoh-un kꞌunꞌa ooleꞌ. Mbe la nohtso whudilhdzulh-un, nohba neꞌútꞌen-un ooleꞌ.

Luke 22:26 Iomraidhean Croise

Matthew 20:26

ꞋEt hoontsꞌi nohni nohtoh whuz unꞌa ꞌutihtꞌelh noohzin junih. Mbe la nohtoh ncha tileh hukwaꞌ ninzun-un, ꞌen nohba neꞌútꞌen-un ooleꞌ.

Mark 10:43

ꞋEt hoontsꞌi ꞌaw whuz unꞌa iloh nohni ꞌahtꞌoh. ꞋIlhoghun nohtoh dune uncha-un tileh hukwaꞌ ninzun de, nohba neꞌútꞌen-un cha ooleꞌ whubaꞌ hoontꞌoh.

Mark 9:35

Jesus nátlꞌa didaꞌ whe whunizyane ꞌon ꞌat nane yugha hodulꞌehne, “ꞋAnih,” ubudániꞌ ꞌinkꞌez ubúlhni, “Mbe la ꞌukꞌenus dune uncha-un tileh hukwaꞌ ninzun de, ꞌen ꞌudekꞌoh ooleꞌ hubaꞌ hoontꞌoh, ꞌinkꞌez tsꞌiyanne natnéꞌtitꞌen.”

Luke 9:48

ꞋInkꞌez ꞌubulhni, “Mbe la sooziꞌ gha ndun tsꞌoodunyaz yukꞌesutsit-un, skꞌeintsiꞌ wheꞌ hintꞌoh. ꞋInkꞌez mbe la skꞌesutsit-un, whuz de sútilhꞌaꞌ-un cha hikꞌesutsit wheꞌ hoontꞌoh. ꞋEt huwa, mbe la nohtoh ꞌukꞌenus dune ba telꞌen-un, ꞌen ꞌukꞌenus ncha tileh.”

Romans 12:2

ꞋInkꞌez dune ꞌandit dzin dahíntꞌoh bubun dóhtꞌeꞌ hukwa oohtꞌen junih. ꞋEt kꞌus ꞌandit noheni ꞌutsꞌun unꞌa naꞌahleh. ꞋEt nduhtꞌen de, ꞌet la tꞌéwhunóhzin ndet la Yakꞌusda nohtsꞌu húkwaꞌ ninzun-un. Yakꞌusda be ꞌutꞌen kꞌoh tsꞌiyawh hoonzoo, tsꞌiyanne ba hoonzoo, ꞌinkꞌez tsꞌihꞌun unꞌa ꞌuhoontꞌoh.

1 Peter 5:3

Nohtlꞌályanne bumoodih cho oohleꞌ junih. Ndunne ꞌilhoh nuyehne, ꞌenne bunalh tsꞌihꞌun unꞌa oohtꞌen, ꞌet de la ꞌenne cha nohkꞌunꞌa ꞌuhootꞌeꞌ.

1 Peter 5:5

ꞋEt whuz unꞌa za nohni niyilhne mbene yoo ꞌun udohne, ꞌenne butlꞌaꞌ dudoolhyelh. ꞋAlhaꞌ nohni cha tsꞌiyawh whuz unꞌa lhtlꞌaꞌ dudoolhyelh. Be yo úzdudildzun-i, ꞌantsꞌi naih kꞌunꞌa bé dolhtsꞌiꞌ. ꞋUkꞌehonguz whe njan ndutni, “Ndunne ꞌududíltiꞌne, ꞌenne Yakꞌusda buchꞌaz ditni. ꞋEt hoontsꞌi mbene la yo údudildzunne, ꞌenne ye unzoo-i bugha yúꞌaih.”