Luke 22:22 - Yak'usda Ooghuni

²² ꞋAlhaꞌ hoontꞌoh Yinka Dune Yeꞌ, ntsꞌenꞌa ooba ꞌet néwhultsꞌut, ꞌet whuz unꞌa ꞌet ꞌuwhutánelh. ꞋEt hoontsꞌi ndun dune mbe la whuꞌizyaz dune tlꞌa itilhtelh-un ndun dune dáwhultsiꞌ-un ootsꞌu hóoltsꞌulh!”

Luke 22:22 Iomraidhean Croise

Genesis 3:15

ꞋInkꞌez nyun ꞌinkꞌez tsꞌeke bulh lhazdatni nohtiselh, ꞌinkꞌez nyuzkeh ꞌinkꞌez buzkeh. Ntsi yayinduntaꞌus ꞌinkꞌez ookentsul duntalhdah.”

Matthew 26:24

ꞋAlhaꞌ Yinka Dune Yeꞌ ntsꞌenꞌa la ooba ꞌukꞌehooguz, whuz unꞌa ꞌutinelh datitsah. ꞋEt hoontsꞌi dune mbe la whutlꞌa yálhti-un, ꞌen ꞌukꞌenus hoontsiꞌ-un oogha óotaltsꞌulh. Ndun dune ꞌaw lhuhóolel de, ꞌet de daꞌ ꞌon nus ooba hózooꞌ ooleꞌ.”

Matthew 27:5

Ndi tat whunizyai silver tsꞌutni-i sooniya lugliz whucho yun bubut nayántsut, ꞌinkꞌez ꞌaz whe naja ꞌinkꞌez senáꞌusguz.

Mark 14:21

Yakꞌusda ooghuni ꞌukꞌu nusgúz-i ꞌet ndutni, ‘Yinka Dune Yeꞌ, ꞌen datítsah. ꞋEt ye ónket-un, dalcho-i be ooba wheóonujut tileh.’ Ndun dune ꞌaw lhuhóolel de, ꞌet daꞌ ꞌon nus sooꞌ hotꞌeꞌ ooleꞌ.”

Luke 22:23

ꞋInkꞌez didutchꞌoh dutoh lhoohoodulkut, “Kꞌus mbe suba yulhni, mbe ꞌutinelh whe ꞌutni?”

Luke 24:46

ꞋInkꞌez ꞌubulhni, “Ndi ꞌi ꞌukꞌu nusguz whe ꞌet ndutni, Christ, ꞌen dzoh nozut, ꞌinkꞌez whulh tat dzin dunadíjaꞌ hubaꞌ hoontꞌoh,

John 17:12

Mbene la sghá buninlane, ndi yun kꞌut ꞌawhuz bubulh ꞌústꞌoh daꞌ, nyooziꞌ ꞌi be hubostun ꞌinkꞌez bughosdleꞌ. ꞋEt ꞌaw kwuncho yo whuyeꞌ, ꞌen iloh, ꞌet huwa la ntsꞌoh te la ooghun ꞌukꞌuneꞌ ꞌúsguz inleꞌ-un, ꞌoh te néꞌhootꞌen.

Acts 10:42

ꞋInkꞌez ndi khuni unzoo-i dune be bubulh yátsꞌoolhduk, huwa néulhꞌa ꞌinkꞌez ꞌet ꞌuzdooniꞌ Yakꞌusda Jesus ꞌen ꞌutahayálhti dune yaidlane ꞌinkꞌez khunane cha huba nahooyeh ha.

Acts 17:31

ꞋEt ꞌilhudzin ꞌutahahónꞌai ndet ndi yun kꞌut ndulcho whe ye tsꞌihꞌun unꞌa ꞌuntꞌoh-i, ꞌi be dune ba nahutiyeh ha. Ndun ꞌilhoghun dune ꞌen dune ba nahutiyeh ha ꞌutahayálhti. ꞋEn dunaidilhti ꞌet huwa ꞌalhaꞌ ꞌet ndó tanelh.”

Acts 2:23

Yakꞌusda nanínízut ꞌinkꞌez ꞌudaꞌ tꞌeooninzun-un, ꞌi be ꞌudaꞌ Jesus nohtlꞌa tíltelh néwhuninꞌai. Nohni nohgha lubeshi ꞌulhꞌenne Jesus tulalhgus ꞌuhídunilhtꞌo ꞌet whe súlhghi.

1 Peter 1:11

ꞋOh daꞌ Christ ooyughi buyudinda ꞌinkꞌez ꞌuwhutanelh whutso, ꞌen bugha yalhduk ntsꞌenꞌa la Christ dzoh nutizut, ꞌet hukwꞌelhꞌaz ooba hooncha tuneꞌ titꞌen-un ꞌuwhutanelh. ꞋEt nduhoontꞌoh-un nkede njan ꞌet nduwhutanelh, ꞌinkꞌez ntsꞌenꞌa ꞌuwhutanelh, ndunne nus honꞌenne nahahootáꞌalh hukwaꞌ hutꞌen.

2 Peter 2:3

ꞋUyoonne chꞌeꞌ haꞌ huninzun ꞌet whe bughuni whutsꞌit-i be nohgha háꞌ hunduntatꞌo. ꞋEt hoontsꞌi Yakꞌusda ꞌen buba nahutiyeh-un, ꞌudaꞌ buba lhadintꞌoh. ꞋInkꞌez ꞌen ꞌuntꞌoh ye huske-i bugha whútaꞌalh, ꞌen ꞌaw lhitoh whe ꞌuntꞌoh.