Luke 22:20 - Yak'usda Ooghuni

²⁰ ꞋUhanꞌal hukwꞌelhꞌaz whuz unꞌa za lubot yílhchoot ꞌinkꞌez ꞌutni, “Ndi lubot ꞌi suzkaiꞌ be ꞌandidi khuni nohba lhadúsdla-i, ꞌi ꞌuntꞌoh, nohni nohba nadútiltꞌih.

Luke 22:20 Iomraidhean Croise

Matthew 26:28

ꞋEt ndi suzkaiꞌ ꞌi be ꞌandidi be nohtsꞌu nahizusya, ꞌet huba ꞌulya. Lhane ba nadútiltꞌih. ꞋI be bulubeshi buba gak tileh.

Mark 14:24

ꞋInkꞌez ubúlhni, “Ndi ꞌi suzkaiꞌ ꞌuntꞌoh. Lhane buba nadútiltꞌih ꞌinkꞌez ꞌi gha ꞌandit nohtsꞌu nahizúsya.

1 Corinthians 11:25

ꞋInkꞌez ndi lubot ꞌet whuz unꞌa za ꞌuja. ꞋUhanꞌal hukwꞌelhꞌaz ubudaniꞌ, “Ndi lubot ꞌi ꞌandidi khuni nohba lhadúsdla-i ꞌuntꞌoh. Suzkaiꞌ gha nohba ꞌusdla. ꞋEt ꞌahnai totsuk, ꞌet ndahtꞌen whe snalhnih.”

2 Corinthians 3:6

ꞋEn gha neghaltsꞌut whe wheni cha huba sóo uzduja. Ndi ꞌandit netsꞌu hoozi-un neba neóoninꞌai-un, ꞌet huba Yakꞌusda ba neꞌústꞌenne tsinli. Njan ndi ꞌandit netsꞌú hoozi-un, dichꞌoh duyughi gha ꞌútni. ꞋAw ꞌudaꞌ khuni ꞌukꞌeguz-i ꞌaw ꞌi gha iloh. ꞋEt ndi ꞌudaꞌ khuni ꞌukꞌeguz-i, ꞌi gha dune yáhádlah, ꞌet hoontsꞌi Yakꞌusda ooyughi be dune hukhuna nasdliꞌ ꞌet huwa.

Hebrews 12:24

ꞋInkꞌez Jesus ooghu nahya, ꞌen ndi ꞌandit khuni neba lhaídinla-i, ꞌen neba ꞌukꞌelha whulhtsi-un, ꞌen cha ꞌet usda. ꞋInkꞌez ndi ꞌuskaiꞌ neba nadíltꞌiꞌ, ꞌi be nelubeshi tsꞌiyawh neba gak suliꞌ, ꞌet Abel yuzilhghi whe buzkaiꞌ yun nadíltꞌiꞌ, ꞌi anus hoonzoo-un whunénilhtan, ꞌet cha ꞌet whuzꞌai.

Hebrews 13:20

ꞋAwet Yakꞌusda be nedzi dizghel-un ootꞌeꞌ negha óoninꞌai-un, ꞌen neMoodihti Jesus Christ buzkaiꞌ be neba nadíltꞌiꞌ-i, ꞌet huwa yaidlane toh dunaidilhti. ꞋEn ꞌusbai ghunli ncha-un ꞌuntꞌoh. ꞋInkꞌez ndi ꞌuskaiꞌ ꞌi be ꞌilhiz wheni khuni neba lhaídinla-i whe ꞌuntꞌoh.

Hebrews 9:15

ꞋEt huwa ndi ꞌandit-i khuni neba lhaídinla-i, ꞌet Christ ꞌen neba ꞌukꞌelha whulhtsi-un unli. Ndunne njan ꞌudechoo khuni buba lhaídinla-i, ꞌet hukwꞌúne ꞌuhootꞌen hukwa ꞌuhitꞌen, ꞌet hoontsꞌi lubeshi ꞌuhalhꞌen, ꞌenne tsꞌiyawh tulalhgus kꞌut buba dazsai ꞌet whe njan ꞌudechoo khuni buba lhaídinla-i, ꞌet whuchꞌa whula naditnine huzdliꞌ. ꞋEt whe la mbene la ꞌilhiz wheni hudutijih ha bukaꞌ daniꞌ, ꞌenne ndi ꞌandit khuni buba lhaídinla-i, ꞌi huyólhchoot ha.

Hebrews 9:17

ꞋEt hoontsꞌi ꞌawhuz khina de, ndi dune ba naoozíndzi-i, khina whutoh, ꞌet ꞌawhuz nchꞌeꞌ unli whe ꞌuntꞌoh.