Luke 22:19 - Yak'usda Ooghuni

¹⁹ ꞋInkꞌez lhes yilhchoot. ꞋInkꞌez duBá musi yulhni, taídanyuz ꞌinkꞌez butainínla, ꞌinkꞌez ꞌubulhni, “Ndi yustꞌe ꞌuntꞌoh. Nohba huwalti. Ndahtꞌen de, ꞌet whe snaoolhnih.”

Luke 22:19 Iomraidhean Croise

Matthew 14:19

ꞋIlhunaoosdilne, tlꞌoyaz kꞌut natlꞌa hudooltsꞌih ubúlhni. Kwulaiꞌ lhes ꞌinkꞌez nanki lho cha, ꞌi hitlꞌa húyanla whe ndo whúnalhꞌen, musi ni whe tenadidli. Lhes taidanyuz ꞌinkꞌez lho cha ꞌet ndiyinla ꞌinkꞌez yugha hodulꞌehne butlꞌa yánla, ꞌilhozdilne bugha húyoꞌalh ha.

Matthew 15:36

ꞋInkꞌez lhes lhtakꞌantꞌi lho bulh yílhchoot ꞌinkꞌez musi ni whe tenadidli. Taidanyuz ꞌinkꞌez yugha hodulꞌehne butlꞌa yánkai. ꞋI natlꞌa diltsꞌine butahinínla.

Luke 22:17

ꞋEt lubot yilhchoot ꞌinkꞌez duBá musi yulhni ꞌinkꞌez ꞌutni, “Ulhchoot ꞌinkꞌez tsꞌiyawh ꞌalhgoh ꞌahtnai.

Luke 22:20

ꞋUhanꞌal hukwꞌelhꞌaz whuz unꞌa za lubot yílhchoot ꞌinkꞌez ꞌutni, “Ndi lubot ꞌi suzkaiꞌ be ꞌandidi khuni nohba lhadúsdla-i, ꞌi ꞌuntꞌoh, nohni nohba nadútiltꞌih.

Luke 24:30

ꞋEt natlꞌa hudiltsꞌiꞌ ꞌinkꞌez ꞌuhutiꞌulh. Jesus lhes yilhchoot ꞌinkꞌez Yakꞌusda musi yulhni. ꞋInkꞌez lhkídanyuz ꞌinkꞌez bugha íninꞌai.

John 6:23

ꞋEt hoontsꞌi nyo ndet daꞌ neMoodihti Yakꞌusda tsꞌun lhes ba tenadidli ꞌinkꞌez dune tainínla huyooꞌalh-un wheni, ꞌet whuzih, ꞌet hukwꞌelhꞌaz ꞌuyoo tsꞌi cha Tiberias whuz de hainkat.

John 6:51

Ndi lhes yakꞌuz tsꞌe haltsꞌut-i, ꞌilhiz ooleꞌ wheni huye khúna-i, ꞌi ꞌustꞌoh. Mbene la ndi lhes yanꞌal de, ꞌenne ꞌilhiz wheni huhutinalh, ꞌinkꞌez ndi lhes nohgha tísꞌalh-i, ꞌi syustꞌe ꞌuntꞌoh. ꞋI huwa tísꞌalh, ꞌi gha la yinka whuduneꞌne, ꞌilhiz ooleꞌ wheni huhutinalh,” ubúlhni.

1 Corinthians 10:16

ꞋEt ndi lubot ꞌi be musi tsꞌutni, ꞌet ꞌalhaꞌ Christ duzkaiꞌ bulh ꞌútsꞌintꞌoh nuhzún eh? A! ꞋInkꞌez ndi lhes lhtsꞌe uzdanyuz ꞌet ꞌalhaꞌ Christ ooyustꞌe bulh ꞌutsꞌintꞌoh nuhzun eh? A!

1 Corinthians 10:4

ꞋInkꞌez tsꞌiyawh ndai huyitnaiꞌ yakꞌuz tsꞌe ha huyanla ꞌi ꞌalhgoh huyitnaiꞌ. Ndi yakꞌuz whutseꞌ ꞌi buwhusaíniltsꞌut, ꞌet huwa ꞌi ootsꞌu ha yíjul-i, ꞌi tsꞌiyawh ꞌalhgoh huyitnaiꞌ. ꞋInkꞌez ndi tse ꞌi Christ unli ꞌuntꞌoh.

Galatians 1:4

ꞋEn ꞌuja nelubeshi gha huwaꞌ dudulti. ꞋEt whe ndi yun kꞌut ntsiꞌ-i yuchꞌa naneoozdla. Yakꞌusda neBá, ꞌet whuz unꞌa hukwaꞌ ninzun.

Galatians 4:25

Ndiz unꞌa njan dúhoontꞌoh, ndun tsꞌeke Hagar, ꞌen ndi dzulh Sinai, yun kꞌut Arabia tsꞌuwhutni-un, ꞌet whuz unꞌa ꞌuntꞌoh. ꞋInkꞌez njan keyoh Jerusalem, ꞌet ndun Hagar kꞌunꞌa ꞌuhoontꞌoh. Njan keyoh, ꞌet ꞌulhnane keyoh ꞌuhoontꞌoh. ꞋInkꞌez mbene ꞌet whuzdline, ꞌenne tsꞌiyawh ꞌulhnane ꞌuhintꞌoh.

Ephesians 5:2

Be lhkꞌetsꞌusiꞌ-i, ꞌi be ndi yun kꞌut dúlhtsꞌi. Ntsꞌenꞌa Christ nékꞌensiꞌ whe neba butlꞌaꞌ dudilti, nohni cha whuz unꞌa za ꞌet ndóhneh. Neba daja whe Jesus whe khuna-un, ꞌet Yakꞌusda ba ꞌet whula ditni wheni neba. Christ neba daja la Yakꞌusda ooba hoonzoo wheꞌ hóontꞌiꞌ.

1 Thessalonians 5:18

Tsꞌiyantsuk whe musi dahni. Jesus Christ ꞌen gha ꞌet whuz unꞌa Yakꞌusda nohtsꞌu hukwaꞌ ninzun ꞌet huwa.

Titus 2:14

Jesus Christ neba huwaꞌ dudulti nelubeshi chꞌa nenaootakulh ha. ꞋInkꞌez wheni dichꞌoh ooduneꞌne dune ꞌutꞌen unzoo-i za ꞌutsꞌoolhꞌen.

1 Peter 2:24

Nelubeshi didutchꞌoh duyustꞌe be tulalhgus tsꞌú yoozdla. ꞋEt huwa ꞌaw ꞌon ꞌun nelubeshi nemoodih ooleꞌ ꞌaitꞌoh. ꞋEt sih tsꞌihꞌun unꞌa tsꞌukhoonaꞌ. Ooka kꞌet ꞌet whe tsꞌiyawh soo náꞌtsꞌulya.