Luke 21:8 - Yak'usda Ooghuni

⁸ ꞋInkꞌez ꞌubulhni, “Soo cho howahli. Khun te dune nanohonooꞌah junih. Lhane sooziꞌ gha whusahútidulh ꞌinkꞌez ꞌuhudutinelh, ‘Si ꞌen ꞌustꞌoh,’ ꞌinkꞌez ꞌawet whusawhútikulh, hutni de, khun te ubuntoohyaꞌ junih.

Luke 21:8 Iomraidhean Croise

Matthew 24:11

Lhane whutsꞌit be nus hooꞌen unline, lhane dune nahuntiꞌah.

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Matthew 4:17

ꞋEt whutsꞌun Jesus dune bubulh yawhénilhduk whe ndubúlhni, “Noheni náhandunoohleh! Yakꞌuz kꞌuneꞌ whulꞌen-un ꞌawet nilhdukw suliꞌ.”

Luke 17:23

ꞋEt ꞌonghohne dune ndunóhodoniꞌ, ‘ꞋOn ꞌun whunulhꞌen!’ kꞌus ‘Njan whunulhꞌen!’ Khun butsꞌu toohdilh junih ꞌinkꞌez bubun toohdilh junih!

Luke 21:7

ꞋInkꞌez huyoodulhkut, “Whuneoodulhꞌeh-un, ntsꞌo whúde ꞌuwhutánelh? ꞋInkꞌez ꞌawet nilhdukw suliꞌ de, dantꞌi-i be whe hóodutaltsilh?”

Luke 21:9

Dune lhugan-un whulh ꞌúdahtsꞌo de, ꞌinkꞌez dune lhdulhyoh nehóninla de, ꞌoh ꞌudechoo whusawhútikulh wheꞌ hoontꞌoh. Khun te whénoolhjut junih. ꞋAwhuz whula toh-un, ꞌaw whenghoh iloh ꞌuhoontꞌoh.”

John 5:43

SBá ꞌen booziꞌ gha whusásya, ꞌet nohni ꞌaw ska lheꞌnáhzun, ꞌet hoontsꞌi ꞌuyoon te didutchꞌoh dudooziꞌ gha whusaínya de, ꞌet de daꞌ ꞌen ookaꞌ noohzin.

John 8:24

ꞋEt huwa ꞌunohdusni nohlubeshi bulh yatáhdlah. ꞋAw nohba ꞌalhaꞌ lheꞌútꞌoh si mbe ꞌustꞌoh ꞌet huwun, ꞌet huwa la nohlubeshi bulh la yatáhdlah,” ubúlhni.

John 8:28

ꞋEt Jesus ubúlhni, “Yinka Dune Yeꞌ ndo dubeꞌ dunahtan de, ꞌet de la soo tsꞌihꞌun mbe usdli-un, ꞌen ꞌustꞌoh tꞌéoonóhzin. ꞋInkꞌez ꞌaw sichꞌoh duba moodih nasdliꞌ íloh, sBá ntsꞌenꞌa la whusodalhꞌeꞌ, ꞌi khuni za be yásduk,

1 Corinthians 6:9

ꞋAw tꞌeoonuzahzun Yakꞌusda whe lerwe unli-un, ꞌet mbe tsꞌihꞌun lheꞌitꞌohne, ꞌenne ꞌaw bugha lhuhootasꞌal? Khun nohnichꞌoh naꞌdunoohtꞌah junih! Mbe dune tsꞌeke bulh lubeshi ꞌulhꞌenne, kꞌus ꞌukꞌeltsi ooba ꞌalhaꞌ ꞌuntꞌohne, kꞌus mbene la lhghu dilhtsꞌine lubeshi tsꞌu nintꞌine hinli, kꞌus dudulh dunene hoontsiꞌ kꞌunꞌa bulh nintaꞌutꞌihne ꞌinkꞌez tsꞌekoo dudulh tsꞌekoo bulh nintaꞌutꞌihne,

Ephesians 5:6

Khun dune khuni laitꞌóh-i be nohnooꞌah junih. Nduntꞌohne Yakꞌusda yé huske-i, Yakꞌusda yukꞌunulheꞌustꞌenne bukꞌé dutaltsꞌulh wheꞌ hintꞌoh.

2 Thessalonians 2:3

Khun te dune nanohnooꞌah junih. Jesus Christ oodzin whusaóotiltsꞌulh ꞌet whutso, ꞌet ꞌudechoo whuchꞌa nahusdilh whutáleh, ꞌinkꞌez ndun lubeshi ꞌulhꞌen-un, ꞌen tsꞌiyanne nalh be hoodutaltsilh. Ndun lubeshi ꞌulhꞌen-un, musai yulhtsi-un, ꞌen ooyeꞌ ꞌuntꞌoh. Hukwꞌelhꞌaz ꞌet de za ꞌet dzin whusaóotiltsꞌulh.

2 Timothy 3:13

ꞋEt dune ntsiꞌne, ꞌuyoon naꞌdudilꞌíne, ꞌenne ꞌon nus hintsiꞌ tileh ꞌinkꞌez ꞌon ꞌun cha hintsiꞌ hutileh. ꞋEt ꞌuyoonne nahuntiꞌah ꞌinkꞌez dichꞌoh cha naꞌhunduntitꞌah.

1 John 4:1

Ookꞌesiꞌne, nudúdeh-i tsꞌiyawh iloh nohba ꞌalha ꞌootꞌeꞌ junih. Ndi nududeh-i oozúlhdzih Yakꞌusda ba tsꞌihꞌun ꞌuntꞌoh tilah. Lhane huwhutsꞌit whe nus húhooꞌenne yun kꞌehindil ꞌet huwa.

2 John 1:7

Lhane dune nanaꞌáhne yun kꞌéhindil ꞌet huwa. Nduntꞌohne ꞌaw Jesus Christ ndi yun kꞌut duyustꞌe be nuséya lhuhudusni. Nduntꞌoh-un, ꞌen dune nanaꞌah-un ꞌuntꞌoh ꞌinkꞌez Christ chꞌaz ditni-un cha ꞌuntꞌoh.

Revelation 1:3

Mbe ndi ꞌudustlꞌus yukꞌuyalhduk-un ꞌinkꞌez ndi nus be hootꞌen-i khuni hidántsꞌone huyoontun de, tube ꞌukꞌenus hoonzoo-un bughá whutaltsꞌulh, ꞌawet nilhdukw suliꞌ ꞌet huwa.

Revelation 12:9

ꞋInkꞌez ndi tlꞌughus cho khuna-i kꞌunꞌa núlget-i ncha-un, ꞌen téhinino. Ndi ꞌudaꞌ whutlꞌughus, netsudule ꞌinkꞌez Satan huyulhni. Ndi yun kꞌut ndulcho whe dune nanaꞌah-un, ꞌen ꞌuntꞌoh. Oolizas tubulh ndi yun kꞌébuhuninyoot.