Luke 21:37 - Yak'usda Ooghuni

³⁷ ꞋAwet dzin totsuk Jesus lugliz whucho dune hodulhꞌeh. ꞋInkꞌez hulhgha totsuk ndo shusyaz, Olive ꞌi huyulhni, whuz wheyaih, titelh ha.

Luke 21:37 Iomraidhean Croise

Matthew 21:1

ꞋEt ꞌawet Jerusalem whenghoh hidulh whe keyoh whuyaz Bethphage huwhutni-un, ꞌet whuz hoozdil. ꞋI dzulh enun, Olive huwhutni. ꞋEt Jesus nane yugha hodulꞌehne dutso whébalhꞌaꞌ

Matthew 21:17

ꞋEt buchꞌa nasja ꞌinkꞌez keyoh whuti huwu whenája. ꞋInkꞌez keyoh whuyaz Bethany tsꞌoozya whe ꞌet inteꞌ.

Matthew 26:30

ꞋEt Yakꞌusda ooyun be híjun ꞌinkꞌez ndo shus kꞌus Olive huyulhni, whuz whehandil.

Matthew 26:55

ꞋEt ꞌawet ꞌoh whuya ꞌuhunitꞌoh whe Jesus ꞌilhunaoosdilne ndúbulhni, “ꞋEt di ha saluzti ꞌinkꞌez tutꞌoh cha nuhle ꞌinkꞌez ꞌundunustꞌih kꞌunꞌa ska tíhdil? Dzin totsuk lugliz whucho nohtoh susda ꞌinkꞌez whunohodusꞌeh. ꞋInkꞌez ꞌaw sulhúlhchulh.

Mark 11:12

ꞋOm bun Bethany whuchꞌa nahusdil whe Jesus ooyeꞌíltsꞌul.

Mark 11:19

Nadálhghel whe Jesus yugha hodulꞌehne bubulh Jerusalem whuchꞌa nahusdil.

Mark 14:49

Dzin totsuk nohbulh ꞌústꞌoh ꞌinkꞌez lugliz whucho whunohodusꞌeh, ꞌet di ha ꞌoh daꞌ sulhúlhchulh inleꞌ. ꞋEt hoontsꞌi Yakꞌusda ooghuni dája ni whuz unꞌa ꞌohóneh hubaꞌ hoontꞌoh.”

Luke 19:29

ꞋEt ꞌawet shusyaz, Olive huyulhni, ꞌet keyoh whuyaz Bethphage ꞌinkꞌez Bethany huwhutni shusyaz zih whuzdla, whenghoh hidulh whe nane yugha hodulꞌehne ubutílhꞌaꞌ.

Luke 19:37

ꞋEt ꞌawet shusyaz, Olive whuduhútidulh ꞌet huwu nilhdukw whe, lhane yugha hodulꞌehne huhóostꞌet. ꞋEt dáhooltus-un ꞌuhóoja-un neꞌwhustꞌen huwunalhꞌen-un, ꞌet huwa tube cho Yakꞌusda hudilhtiꞌ.

Luke 19:47

ꞋInkꞌez ꞌet lugliz whucho dzin totsuk dune hodulhꞌeh. ꞋEt hoontsꞌi soo ꞌudedo lubretne, ꞌinkꞌez Moses be ꞌudustlꞌus ꞌukꞌu nunáguzne, ꞌinkꞌez dune tso whudilhdzulhne cha, tsꞌiyawh hituzilhghelh-un hukwa hitísꞌen.

Luke 22:39

ꞋEt ꞌawet tenánja whe whutsodaꞌ hukwꞌunꞌa shusyaz Olive ꞌi kꞌuz whe naja. ꞋInkꞌez yugha hodulꞌehne cha hiyuwhenándil.

John 12:1

Dzenis whuti Butus Lhuseya huwhútni-un ꞌawhuz lhkꞌu tat dzin whuzꞌai, ꞌet Jesus keyoh wheyaz Bethany ꞌet ꞌuja Lazarus dazsai whe yaidlane toh dunaidilhti inleꞌ, ꞌet Lazarus whutꞌi, whuz oozya.

John 18:2

ꞋInkꞌez Judas, mbe daꞌ ye ónket-un, ꞌen cha nyo tꞌéwhunínzun, Jesus yugha hodulꞌehne tubulh lhat ꞌet ꞌilhúnahodulh ꞌet huwa.

Acts 1:12

ꞋEt whelꞌaꞌne dzulh Olive huyúlhni-i hiye nádidil whe Jerusalem tsꞌe nahoosdil keyoh whutsꞌun dzoh nilhdzaꞌ wheꞌ hoontꞌoh.