Luke 21:36 - Yak'usda Ooghuni

³⁶ ꞋEt huwa ꞌahoolhyiz hukwa tse hóhleꞌ ꞌinkꞌez ꞌahoolhyiz tenadoodli ntsꞌoh daóotanelh-un nohyit ꞌuwhutánelh-un huba soo ꞌúlhdzooꞌ ꞌinkꞌez Yinka Dune Yeꞌ ꞌen oobut tihyin.”

Luke 21:36 Iomraidhean Croise

Matthew 24:42

ꞋEt huwa huwahli! Ntsꞌoya hoozulh whe nohMoodihti whusatiyalh ꞌaw tꞌeoonuzahzun.

Matthew 24:43

ꞋEt ndi noheni taoonahle, yoh moodih-un, ntsꞌowhuya whudizulh-un ꞌundunutꞌih-un whusatiyalh, ꞌet tꞌewhuninzun de, ꞌet soo tsꞌihꞌun daꞌ huwoleꞌ, ꞌinkꞌez ꞌaw hiyoh daꞌ óoyis ꞌaitꞌoh.

Matthew 24:44

ꞋEt huwa nohni cha lhadóohtꞌeꞌ. Ntsꞌowhuya whudizulh-un, ꞌet ookwa tse lhúwhahlih-un, ꞌet Yinka Dune Yeꞌ ꞌet whusatiyalh.”

Matthew 25:13

ꞋInka nohni cha soo cho huwahli! Ndet dzin ꞌinkꞌez ntsꞌoya hoozulh whe Yinka Dune Yeꞌ whusatiyalh, ꞌaw tꞌeoonuzahzun.”

Matthew 26:41

Tankꞌus níntꞌi-un whuchꞌa howinli ꞌinkꞌez tenadinli! ꞌalha dune yughi whuz unꞌa hukwaꞌ ninzun, ꞌet hoontsꞌi ooyustꞌe tetsun.”

Matthew 8:20

Jesus ꞌuyulhni, “Nanguz ꞌi cha ꞌan whutꞌi wheꞌ ꞌuntꞌoh ꞌinkꞌez dutꞌaiyaz cha tꞌo ꞌutꞌi. ꞋEt hoontsꞌi Yinka Dune Yeꞌ, ꞌaw hukwꞌut tsén talꞌalh-un hoontsꞌi lhuhóotꞌiꞌ.”

Mark 13:33

ꞋAhoolhyiz huwahli ꞌinkꞌez tenadahdli. ꞋAw tꞌeoonuzúhzun ntsꞌoh de whusaóotiltsꞌulh.

Mark 13:37

ꞋInkꞌez daja nohdúsni-un, ꞌet tsꞌiyanne cha budúsni, huwahli!”

Luke 1:19

ꞋEt lizas ꞌuyulhni, “Si Gabriel ꞌustꞌoh. Yakꞌusda zih usyin-un. Ntsꞌu whúsazꞌaꞌ whe ꞌustꞌoh nyulh yatisduk ꞌinkꞌez ndi khuni unzoo-i nyudutásnelh ha.

Luke 18:1

ꞋEt Jesus be whutsꞌodulꞌeh-i, ꞌi ghun ꞌubulhni, dune ꞌahoolhyiz tenahudoodli ꞌinkꞌez whulazdootnih junih.

Luke 20:35

ꞋEt ndet la ꞌoh de de whusawhútiltsꞌulh whe mbene la Yakꞌusda ba hoonzoo whe bughá whultsꞌutne yaidlane toh dunahudutádulh ꞌinkꞌez yakꞌuz hutidulh. Whuz ꞌaw dune lhghu lhdíltsꞌih wheꞌ hoontꞌoh.

Luke 21:35

ꞋOh de ndi yun kꞌut whuduneꞌne ꞌantsꞌi hulhgooh leꞌ hutinelh khun whusaóotilhtsꞌulh ꞌet huwa.

Acts 10:2

ꞋEn teniꞌ nilhdzun-un dune unli, ꞌinkꞌez Yakꞌusda énuljut-un ꞌuntꞌoh. Didut ꞌinkꞌez ookꞌekooke tsꞌiyawh Yakꞌusda za hudílhtiꞌ. Lizwif telꞌenne, ꞌenne cha tube bula ꞌutꞌen ꞌinkꞌez ꞌahoolhyiz Yakꞌusda tsꞌun tenadudli.

1 Corinthians 16:13

ꞋEt soo cho huwahli. Be ꞌalha ꞌuhoontꞌoh-i, ꞌi be whudutsꞌo whe sahyin. Nohni nohdzi hóoni whe ꞌet núdolhyaꞌ. Ulhtusne oohleꞌ.

2 Corinthians 4:14

ꞋEt huwa ndutsꞌútni, mbe Jesus neMoodihti dunaidilhtí-un, ꞌet wheni Jesus ꞌen bulh dunánedutálelh. ꞋEt wheni ꞌinkꞌez nohni cha tsꞌiyawh ꞌilhunaneoozdla whe dubut nenétalelh.

Colossians 4:2

ꞋAhoolhyiz tenadahdli. ꞋInkꞌez musi dahni.

1 Thessalonians 5:17

Tenadahdli-un, ꞌetsul ꞌudóhnih junih.

2 Timothy 4:5

ꞋEt hoontsꞌi nyun tsꞌiyantsuk whunih-i be whuchꞌa soo cho khindli. Yakꞌusda be ꞌutꞌen kꞌoh whulukhun mba howa whulnaꞌ ꞌet hoontsꞌi nilhtꞌi za ꞌilhdzun. ꞋInkꞌez Yakꞌusda ooghuni be yailhduk whe dune ilhyís-un, ꞌet za ndóntꞌen. ꞋInkꞌez Yakꞌusda be ooba ꞌintꞌen-i, ꞌi tsꞌiyawh lhadónleh.

1 Peter 4:7

ꞋAwet ndi yun oolatoh nilhdukw suliꞌ. ꞋInka nohnichꞌoh duba whahtnih ꞌinkꞌez ꞌahoolhyiz khahdli. ꞋEt whe la soo tsꞌihꞌun unꞌa tenadoohdli.

1 Peter 5:8

Duba whahtnih ꞌinkꞌez soo cho huwahli! Netsudule, nohchꞌaz ditni-un, ndi khuna-iti, lion tsꞌutni, ꞌi kꞌunꞌa nohtunudúlgho. Nintaꞌ butalhꞌelhne, ꞌenne bukunúta.

1 John 2:28

Suzkehkeyaz ndun ꞌen za bulh óohtꞌeꞌ. ꞋEt whe la nohnalhtsꞌet hainya de, ꞌinkꞌez whusanája de, nedzi ulhtus unli ꞌinkꞌez ꞌaw hoonli hukwaya lhtsꞌiloh whe la oobut núzdolyaꞌ.

Jude 1:24

ꞋEt ꞌawet mbe Yakꞌusda chꞌaz natilꞌahne whuchꞌa nohghundli-un, ꞌinkꞌez ootsꞌu ha yánduz-i zih nenóhtalelh, ꞌaw be ꞌukꞌehóotaltsꞌulh-i yit. ꞋEt soo ꞌukꞌenus hóontꞌiꞌ whe whuz unꞌa nohba ꞌuwhutilelh.

Revelation 11:4

Ndunne nane, ꞌenne nanki duchun, olive huyúlhni, ꞌinkꞌez nanki be hootꞌen-i, neMoodihti, ndi yun kꞌut whuYakꞌusda oobut nánuyuzꞌa-i hinli wheꞌ hintꞌoh.”

Revelation 6:17

ꞋAlhaꞌ ye nebulh hunilchꞌe-i ꞌawet whudzin whusahóoltsꞌut. ꞋAw ꞌilhoghun hoontsꞌi whulh ooyin ꞌaitꞌoh.”

Revelation 7:9

ꞋEt hukwꞌelhꞌaz whunisꞌen ꞌinkꞌez lhane dune, huldlai kꞌet ꞌaw ꞌubutsꞌolhto ꞌaitꞌoh, ꞌenne ubunusꞌen. Lhelhdun keyoh whutꞌenne, lhelhdoh didowhne. Yinka duneꞌne cha. Tsꞌiyawh lhelhtsꞌun unꞌa yalhdukne ꞌuhintꞌoh. ꞋEnne tsꞌiyawh kwꞌutsꞌuzda cho diztiꞌ-i ꞌinkꞌez ꞌusbaiyaz hibut núdilhya. Tsꞌiyawh ꞌulhyul-i nahuyitsꞌuz-i be dune hinli ꞌinkꞌez ꞌul tlꞌotel, ꞌi nahídule.

Revelation 8:2

Lhtakꞌantꞌine lizasne Yakꞌusda but núdilhyane ubutísꞌen. ꞋInkꞌez lhtakꞌantꞌi be tsꞌújih-i, ꞌi butlꞌa yánkat.