Luke 21:35 - Yak'usda Ooghuni

³⁵ ꞋOh de ndi yun kꞌut whuduneꞌne ꞌantsꞌi hulhgooh leꞌ hutinelh khun whusaóotilhtsꞌulh ꞌet huwa.

Luke 21:35 Iomraidhean Croise

Genesis 7:4

Lhtakꞌantꞌi dzin hukwꞌelhꞌaz ꞌet ndi yun kꞌut dit whunizyat (40) dzin ꞌinkꞌez dit whunizyat ꞌulhdzis whutsꞌun nawhutilhtilh. Ndai ꞌusla ndi yun kꞌut ꞌusjiz-i tsꞌiyawh hooloh whutilhtselh.”

Luke 17:37

ꞋInkꞌez, “NeMoodihti ntsꞌe ꞌudini?” ꞌet hukwaꞌ huyoodulhkut. ꞋInkꞌez ꞌubulhni, “Ndet la nezi ꞌusdla-un, ꞌet tsibalyan huweꞌ ꞌilhootádulh.”

Luke 21:34

“ꞋEt hoontsꞌi soo cho khahdli. Khun te nzoodulhꞌi, ꞌinkꞌez tanahtnai, ꞌinkꞌez ndi yun kꞌut hooni ꞌet za huwu nuní nahzut, ndowhi be nohdzi dobun junih. Doo ka sih ꞌet dzin hukwa tse lhúwhulhlih whe whusahóoltsꞌit.

Luke 21:36

ꞋEt huwa ꞌahoolhyiz hukwa tse hóhleꞌ ꞌinkꞌez ꞌahoolhyiz tenadoodli ntsꞌoh daóotanelh-un nohyit ꞌuwhutánelh-un huba soo ꞌúlhdzooꞌ ꞌinkꞌez Yinka Dune Yeꞌ ꞌen oobut tihyin.”

Acts 17:26

ꞋInkꞌez ꞌilhoghun dune ꞌen la toh tsꞌe za yun kꞌut didowhne tsꞌiyanne ꞌulya inleꞌ. Yakꞌusda nkede ndi yun dune ꞌutilelh ꞌinkꞌez ntsꞌe huwhutitꞌelh-un, ꞌet whutso tꞌewhunínzun. ꞋEt whe ndi yun kꞌut ndulcho whe huwhutꞌi suliꞌ.

Revelation 16:15

“Soo zúlhtsꞌai, ꞌundunutꞌih-un kꞌunꞌa whuz de nízꞌilh. Mbene ꞌahoolhyiz khudline ꞌinkꞌez dunaih lhadilhdzunne, ꞌenne ꞌet nduhútꞌen de, ꞌaw ꞌustꞌet nohooyaꞌ ꞌaitꞌoh ꞌinkꞌez bube ꞌustꞌet óotꞌen ꞌaitꞌoh, ꞌenne ꞌukꞌenus hoonzoo-un bugha whútaltsꞌulh.”