Luke 21:34 - Yak'usda Ooghuni

³⁴ “ꞋEt hoontsꞌi soo cho khahdli. Khun te nzoodulhꞌi, ꞌinkꞌez tanahtnai, ꞌinkꞌez ndi yun kꞌut hooni ꞌet za huwu nuní nahzut, ndowhi be nohdzi dobun junih. Doo ka sih ꞌet dzin hukwa tse lhúwhulhlih whe whusahóoltsꞌit.

Luke 21:34 Iomraidhean Croise

Genesis 19:32

ꞋAnih nebá tsꞌekoo tooꞌ butsꞌoolhnaiꞌ ꞌinkꞌez sih oozih tsꞌootez, ꞌet de la netsꞌu haindene hooleꞌ.”

Genesis 19:35

ꞋEt ꞌulhdzis dubá doo cha za tsꞌekoo tooꞌ higha nilhdzo ꞌinkꞌez ꞌudekꞌoh-un ꞌen dubá yuchantꞌinteꞌ, ꞌaw tꞌeoonuszun ndet yuchantꞌelget ꞌinkꞌez dunadija-un cha.

Genesis 27:14

ꞋInkꞌez ndi khuna-iyaz yilhchoot ꞌinkꞌez duloo gha ininla ꞌinkꞌez ooloo yuba yuzdliz, ndai la oobá ooba yinzoo-i.

Matthew 13:22

Whus toh ꞌanankat-i, khuni hiditsꞌo, yun kꞌut huwu ni nuzut, hoonzooꞌ hoontꞌoh be naznutaꞌ-i, whus cho be bulh lheyúllhuk ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

Mark 13:9

Nohnihchꞌoh huwohleꞌ. Keyoh huwunline but nenóhotalelh ꞌinkꞌez lugliz nohoohootalhtꞌoh. ꞋEt si sgha moodihne ꞌinkꞌez lerwene cha bubut nenóhotalelh. ꞋEt Si sghu tꞌewhunoozeh.

Mark 4:19

ꞋEt hoontsꞌi ndi yun kꞌut huwu ni udli-un, ndi yun kꞌut hoonzooꞌ hoontꞌoh-un, ꞌinkꞌez yun kꞌut huhóontꞌiꞌ tuneꞌ hutꞌen-un, ꞌet ꞌi tsꞌiyawh whus cho ꞌi be bulh lheꞌullhuk. ꞋEt huwa ꞌaw lhadúlyane hooleꞌ ꞌaitꞌoh.

Luke 10:41

ꞋInkꞌez Jesus ꞌuyulhni, “Martha Martha lhat-un howu nuni ninzut ꞌinkꞌez huwu ni inli!

Luke 12:40

ꞋEt huwa nohni cha lhadóohtꞌeꞌ. Ntsꞌowhuya ꞌuhunitꞌoh-un ꞌet ookatselhúwhahlih-un, ꞌet Yinka Dune Yeꞌ whusanátidalh,” ni Jesus.

Luke 17:3

ꞋEt huwa khahdli. ꞋEt nohulhutsin nohdulhyoh ꞌuhuja de, hukwa dóniꞌ. ꞋEt dudeni náhundunizꞌai de, ooba whunaoodoolhnoh.

Luke 21:35

ꞋOh de ndi yun kꞌut whuduneꞌne ꞌantsꞌi hulhgooh leꞌ hutinelh khun whusaóotilhtsꞌulh ꞌet huwa.

Luke 21:8

ꞋInkꞌez ꞌubulhni, “Soo cho howahli. Khun te dune nanohonooꞌah junih. Lhane sooziꞌ gha whusahútidulh ꞌinkꞌez ꞌuhudutinelh, ‘Si ꞌen ꞌustꞌoh,’ ꞌinkꞌez ꞌawet whusawhútikulh, hutni de, khun te ubuntoohyaꞌ junih.

Luke 8:14

Ndai la whus cho toh nanánkat-i, dune Yakꞌusda ooghuni hiditsꞌo ꞌet hoontsꞌi yun kꞌut huwu ni tsinli-un, ndi yun kꞌut hoonzooꞌ hoontꞌoh-un, ꞌinkꞌez ndi yun kꞌut huhoontꞌiꞌ tuneꞌ hutꞌen-un, ꞌi tsꞌiyawh whus cho ꞌi be bulh lhellhoh ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

1 Corinthians 5:11

ꞋEt ꞌawet nohtsꞌo kꞌeꞌisguz mbe la Jesus Christ gha neulhutsinke butsꞌútnine, ꞌinkꞌez dune tsꞌeke bulh lubeshi ꞌulhꞌen-un, kꞌus ꞌuyoonne chꞌeꞌ haꞌ ninzun-un cha, kꞌus ꞌukꞌeltsi ooba ꞌalhaꞌ ꞌuntꞌohne, kꞌus ꞌuyoonne dzoh neꞌduniꞌ-un cha, kꞌus tanutnai-un cha, kꞌus ꞌundunutꞌih-un cha, ꞌet mbe la Jesus Christ gha neulhutsinke butsꞌútnine nduntꞌohne dune, ꞌenne ꞌet nduhútꞌen de, ꞌaw ꞌen ubulh lheꞌzoohtꞌen, ꞌaw bubulh ꞌutihꞌulh-un ꞌet hoontsꞌi ꞌaw ꞌuhotꞌeꞌ ꞌaitꞌoh.

1 Corinthians 6:10

kꞌus ꞌundunutꞌihne, kꞌus ꞌuyoonne chꞌeꞌ haꞌ ninzunne, kꞌus tanutnaine cha, kꞌus ꞌuyoonne dzoh neꞌduniꞌne, kꞌus ꞌon nus dáhatnine cha, ꞌenne tsꞌiyawh nduntꞌohne Yakꞌusda lerwe unli-un, ndai la Yakꞌusda oochꞌeꞌ unli-i, ꞌi ꞌaw huyólhchoot ꞌaitꞌoh.

Galatians 5:20

ꞋEt ꞌukꞌeltsi neba ꞌalhaꞌ ꞌuntꞌoh-un, dune dezdulih-un cha. Lhtsꞌuzdutni ꞌinkꞌez lhchꞌa tsꞌúhooli. Lhgheꞌ tsꞌoolnih, tsꞌuhuzke, nekꞌoh tsꞌe zaꞌ ꞌutsꞌitꞌelh. ꞋEt lhelhdoh ꞌutsꞌintꞌoh whe ꞌilhoh didohne, wheni tsꞌiyawh whenichꞌoh nekꞌunꞌa ꞌonghohne whubutsꞌodulhꞌeh de,

Philippians 4:6

Hoonli huwu ni oohleꞌ junih! ꞋEt kꞌus tsꞌiyaitsuk ooba tenadahdli. ꞋInkꞌez tedahdlih, ꞌinkꞌez musi dóhniꞌ. Be ndunihzut-i, ꞌi tsꞌiyawh Yakꞌusda tsꞌun ookaꞌ dahni.

Hebrews 12:15

Soo cho nohtoh nohnichꞌoh nohulhutsinke bughohleꞌ! Doo ka si Yakꞌusda ye unzoo-i hiye nghoyaꞌ. ꞋEt de la whulohne nohtoh nukꞌoz hudooleꞌ ꞌaitꞌoh. Ndihíntꞌoh de, ꞌet ꞌenne bugha lhane ꞌi be hintsiꞌ hulih wheꞌ hoontꞌoh.

2 Peter 3:10

ꞋEt ooka tse lhúhoodli whe dune ꞌundunutꞌih-un ꞌulhdzis whusayaih, ꞌen kꞌunꞌa ooka tse lhúhoodli whe neMoodihti oodzin whusaóotiltsꞌulh. Ndet ndúhooja de, ꞌet ndo yat ꞌusdla-i kwun dilhtulh hukwꞌunꞌa gak whutaleh. ꞋInkꞌez ndai ꞌulya-i, tsꞌiyawh kwun ulhtus-i be tsꞌiyaitsuk natilgheh. Ndi yun ꞌinkꞌez ndai ookꞌeyuzdla-i, ꞌi bulh tsꞌiyawh dutákꞌun.

2 Peter 3:14

ꞋEt huwa nohni ookꞌesiꞌne ndi ꞌi tsꞌiyawh ooka tse hóhleꞌ. Nahtꞌi, ꞌaw hoonliyaz hukwaya lhuzoohleꞌ. ꞋEt de la hoonliyaz nohkꞌelhúholhtsꞌit, ꞌinkꞌez Yakꞌusda be tsꞌihꞌun ꞌahtꞌoh-i, ꞌet whuz unꞌa ꞌen ba hóolhdzih. ꞋEt Jesus Christ whusanája de, bulh tsꞌihꞌun oohtꞌeꞌ.

Revelation 3:3

ꞋEt huwa whunalhnih ntsꞌenꞌa la ndi khuni dáhtsꞌo ꞌinkꞌez úlhchoot. Soo cho oohtun ꞌinkꞌez lhtꞌananoohdilh! ꞋEt ꞌaw huwu lháhloh de, soo ꞌundunutꞌih-un kꞌunꞌa nohgha óontazꞌilh. ꞋInkꞌez ntsꞌowhúya ꞌuhunitꞌoh-un nohtsꞌun tísyalh ꞌaw tꞌewhuntuzáhzin.