Luke 21:3 - Yak'usda Ooghuni

³ ꞋInkꞌez ꞌubulhni, “ꞋAlhaꞌ nohdusni, ndun tsandilh telꞌen-un, ndunne tsꞌiyawh buba nus lhai deínꞌai whe ꞌuntꞌoh.

Luke 21:3 Iomraidhean Croise

Luke 12:44

ꞋAlhaꞌ nohdusni ndun oomoodih di yutꞌi-i, tsꞌiyawh kꞌuneꞌ yulꞌen-un yutlꞌa óotiꞌalh.

Luke 21:2

ꞋInkꞌez ꞌilhoghun tsandilh telꞌen-un, ꞌaw ꞌiyaz yutꞌi-i, nanki sooniya tsꞌuditiꞌ-i, ꞌi deyánꞌai.

Luke 21:4

Ndunne hoonzooꞌ ꞌuntꞌohne lhai huyutꞌi-i, ꞌi Yakꞌusda ba hiloh za dehúyanꞌai. ꞋEt ndun tsandilh telꞌen-un ꞌaw ꞌi yukꞌehútinalh-i, ꞌi tsꞌiyawh deyánꞌai.”

Luke 4:25

ꞋEt soo tsꞌihꞌun nohdusni, ꞌet ꞌoh daꞌ Elijah, Israel nus hooꞌen-un buba unli inleꞌ. ꞋEt lhane tsandilh hoonli inleꞌ. Tat yus kꞌut ꞌon ꞌat lhkꞌu tat sanun, ꞌaw chan hooloh. ꞋEt ndulcho whe dai whuzdliꞌ.

Luke 9:27

ꞋAlhaꞌ nohdusni, whulohne njan nudilhyanne ndet la dahutitsah-un ꞌet whutsꞌun Yakꞌusda whe lerwe unli-un, ꞌet dahutitsa whutso hotiꞌelh.”

Acts 10:34

ꞋEt ꞌawet Peter yawhénilhduk whe ndutni, “Soo tsꞌihꞌun tꞌéooníszin ꞌet ꞌálhaꞌ hoontꞌoh ꞌalhgoh lhgha Yakꞌusda nenilhꞌen. ꞋAw ꞌilhoghun dune ꞌon nus yutsꞌúlh ditni-un hooloh.

Acts 4:27

ꞋEt ꞌon ꞌun tenahududli whe ꞌuhutni, “ꞋEt njan Jerusalem ꞌet Herod ꞌinkꞌez Pontius Pilate bulh ꞌudun yun kꞌut whutꞌenne cha ꞌet Israel ootsꞌu hainzutne cha tsꞌiyawh ꞌilhuhozdil whe ꞌalhaꞌ ꞌi be nYeꞌ Jesus lubeshi ooghu hooloh-un, ꞌen ooka tse hóodli neba yulhtsí-un, ꞌen hichꞌaz nedindil ꞌet wheni.

2 Corinthians 8:12

ꞋEt dune dudeni lhaídinla whe sooniya daltsuk huwa ítaꞌalh, ꞌi ꞌaw ꞌet soo ꞌúltsuk whe ꞌuntꞌoh. Huwa ítaꞌalh-i ꞌon ꞌunyaz huwa ítaꞌalh hukwaꞌ ninzun hoontsꞌi, ꞌaw ooneh ꞌaitꞌoh-un, ꞌet sooꞌ hoontꞌoh.