Luke 21:28 - Yak'usda Ooghuni

²⁸ ꞋEt njan nduwhewhúnitꞌen de, ndo yutohꞌen ꞌinkꞌez whunólhni. Nohnahootalhkulh-un ꞌawet nilhdukw suliꞌ.”

Luke 21:28 Iomraidhean Croise

Luke 13:11

ꞋEt ꞌilhoghun tsꞌeke whunizyat ꞌon ꞌat lhkꞌu dit yus kꞌut ꞌet la ntsiꞌ-i nududeh-i tetsun yulhtsi whe yudinda. ꞋEt huwa chanuti ꞌinkꞌez ꞌaw do naꞌootneh ꞌaitꞌoh.

Luke 18:7

ꞋAw lakw Yakꞌusda ooduneꞌne, mbene la dzin ꞌinkꞌez ꞌulhdzis ibulh hitsꞌu tedudlihne, ꞌenne ꞌaw talhúbudini. ꞋEt soo eh buba kꞌutítnelh? Whuz unꞌa bubaꞌ whutilelh?

Luke 21:29

ꞋEt be náwhutnuk ꞌi be whutsꞌodulꞌeh ꞌi be ubulh yalhduk whe njan dúbulhni, “Fig huyulhni ooduchun ꞌinkꞌez ꞌuyoo duchun cha nulhꞌen.

Romans 8:19

Ndai la Yakꞌusda ꞌuyinla-i, tsꞌiyawh duduneꞌne whubuntilhtun-un, ꞌet soo hukwa tse húhoolih.

Romans 8:23

ꞋAw ꞌi za íloh, whenichꞌoh cha tsꞌukhun dutso Yakꞌusda buzkeh gaih za uztileh ꞌet whutsꞌun. ꞋEt ꞌoh de de, neyustꞌe ꞌantsꞌi kwꞌu naꞌitꞌoh léꞌtinelh. ꞋEt Ndoni netsꞌú whusayalhꞌaꞌ inleꞌ, ꞌet whe tꞌetsꞌonínzun Yakꞌusda nedáníꞌ-un whuz unꞌa ꞌet nduwhútanelh.

Ephesians 1:14

NeBá yutꞌi-i netsꞌu whutikulh-un, Yakꞌusda Ndoni negha ídinꞌai. ꞋI be ꞌet whuloh neba ꞌet neltsꞌut, mbene Yakꞌusda dichꞌoh duchꞌeꞌ ubulhtsine, ꞌenne nabootakulh ꞌet whutsꞌun. ꞋEt whe Yakꞌusda ye diztiꞌ-i, ꞌi dutátiꞌ.

Ephesians 4:30

Yakꞌusda ooyughi khun oodachꞌe oohneh junih. ꞋEn nohbe hóodatꞌen nohulhtsi ndet dzin nanohootakulh-un ꞌet wheni.