Luke 21:25 - Yak'usda Ooghuni

²⁵ “Sa cha ꞌinkꞌez ꞌulhdzis oozaꞌ, ꞌinkꞌez sum cha, tsꞌiyawh hoonli be hóodutaltsilh. Ndi yun kꞌut whe lhelhyoone dunene, tsꞌiyawh tube dzoh notideh ꞌaw dahútinelh-un tꞌehonúszun. Yatooꞌ cha ꞌinkꞌez tatsi taditni whe taba ndulcho yántighus.

Luke 21:25 Iomraidhean Croise

Matthew 24:29

“ꞋEt ꞌoh de dune dzoh nahutideh-un ꞌúhooja de, hukwꞌelhꞌaz ꞌaho sa dulhgus tileh. ꞋUlhdzis oozaꞌ cha ꞌaw be lhóohoostꞌen tileh. Sum cha ndus de ha tíkulh. ꞋInkꞌez yat be hoolhtus-i ndulcho whe nuhótitnah.

Matthew 27:45

Dzetniz hukwꞌelhꞌaz 3:00 atꞌen ꞌinkꞌez hulhgha 6:00 atꞌen ꞌet whutsꞌun yun kꞌut ndúwhulcho whe tsahólhgus suliꞌ.

Mark 13:24

“ꞋEt ꞌoh de dune dzoh nuhuzde, hukwꞌelhꞌaz sa dulhgus tileh, ꞌinkꞌez ꞌulhdzis oozaꞌ cha ꞌaw be lhoohoostꞌen tileh.

Mark 13:26

ꞋEt de Yinka Dune Yeꞌ, kwꞌus toh bé whunujut ye ulhtus-i bulh ꞌinkꞌez Yakꞌusda ootsꞌu ha yánduz-i be hóodutaltsilh.

Mark 15:33

Dzetniz ꞌet whutsꞌun nꞌun whe 3:00 atꞌen ꞌuhúnitꞌoh keyoh ndulcho whe tsalhgus naki.

Luke 21:24

Whulohne saluzti ookꞌa be tsꞌiyawh hútigan. ꞋInkꞌez ꞌonghohne hitálchulh ꞌinkꞌez lhelhdun keyoh tsꞌe hubotilhna. ꞋInkꞌez ꞌudun yun kꞌut whutꞌenne, buba neꞌunguz-un whutsꞌun, Jerusalem ndulcho whe hukwꞌu nótidulh.”

Luke 21:26

Whe hunuljut kꞌet, whulohne budzi ꞌetsul ꞌutinelh. Ndo yatꞌah be hóolhtus-i be ndulcho nohótitnah ꞌet huwa.

Acts 2:19

Ndo yat ꞌet cha ꞌinkꞌez ndi yun kꞌut cha huwa ꞌítꞌen te néꞌwhutisꞌen. ꞋEt ꞌuskaiꞌ cha, kwun cha, ꞌinkꞌez lhut lhai cha whutáleh.

Revelation 20:11

ꞋEt ꞌawet ulhyul-i kwꞌutsꞌuzda ncha-i cho diztiꞌ-i, ꞌinkꞌez mbe yukusda-un tísꞌen. Ndi yun kꞌut ꞌinkꞌez yatꞌah cha Yakꞌusda usda-un, ꞌet oochꞌa whúzkat, ꞌi ꞌinkꞌez tsꞌiyawh gak whuzdliꞌ.