Luke 21:24 - Yak'usda Ooghuni

²⁴ Whulohne saluzti ookꞌa be tsꞌiyawh hútigan. ꞋInkꞌez ꞌonghohne hitálchulh ꞌinkꞌez lhelhdun keyoh tsꞌe hubotilhna. ꞋInkꞌez ꞌudun yun kꞌut whutꞌenne, buba neꞌunguz-un whutsꞌun, Jerusalem ndulcho whe hukwꞌu nótidulh.”

Luke 21:24 Iomraidhean Croise

Genesis 34:26

ꞋInkꞌez Hamor ꞌinkꞌez Shechem ooyeꞌ, ꞌenne cha saluzti be bubozilhghi ꞌinkꞌez Dinah Shechem ooyoh ꞌet tenahinilhti ꞌinkꞌez tenahundil.

Luke 21:25

“Sa cha ꞌinkꞌez ꞌulhdzis oozaꞌ, ꞌinkꞌez sum cha, tsꞌiyawh hoonli be hóodutaltsilh. Ndi yun kꞌut whe lhelhyoone dunene, tsꞌiyawh tube dzoh notideh ꞌaw dahútinelh-un tꞌehonúszun. Yatooꞌ cha ꞌinkꞌez tatsi taditni whe taba ndulcho yántighus.

Romans 11:25

Sulhutsinke njan wheꞌ hoontꞌoh ooyoh-un, ꞌet tꞌewhuntihzeh nohba hukwaꞌ nuszun, doo ka la tsꞌiyantsuk tꞌetsꞌonínzun naꞌdudólhꞌeꞌ. Njan ꞌet dúhoontꞌoh, ꞌet whulohne Lizwifne budzi dutsꞌun hutileh, ndet la ꞌudun yun kꞌut whutꞌenne whudizulh-un, ꞌenne buba ꞌetsul ꞌuwhutánelh ꞌet whutsꞌun.

Hebrews 11:34

Be ꞌalha ꞌuhoontꞌoh-i, ꞌi be kwun dizkꞌun-i cha nahinilhno. Yakꞌusda chꞌaz ditnine, ꞌenne ooduneꞌne, ꞌenne saluzti be bubuhutighan inleꞌ, ꞌet hoontsꞌi be ꞌalha ꞌuhoontꞌoh-i, ꞌi be buchꞌa hudujih. Tetsunne, ꞌenne cha ꞌi be hilhtus suliꞌ. Lhuhutigan whe ꞌet cha be ꞌalha ꞌuhoontꞌoh-i, ꞌi be hilhtus suliꞌ. ꞋInkꞌez bubulh lhúhuganne, ꞌenne cha bube nújut hudanꞌai ꞌet whuz unꞌa whenábuhunanyoot.

Revelation 11:2

ꞋEt hoontsꞌi lugliz whucho whuzih tse whunalhtun-i ba nꞌaz tsꞌe, ꞌet ꞌaw whundulheꞌzolhdzih. ꞋEt ꞌudun yun kꞌut whutꞌenne bughá whuntꞌai wheꞌ hoontꞌoh. ꞋInkꞌez ndi yun kꞌut Yakꞌusda ookeyoh whuti, ꞌet dit whunizyat ꞌon ꞌat nat sanun (42) ꞌet ꞌantsꞌi bubaꞌ hoonli whe ndulcho ꞌet ꞌuhutidulh wheꞌ hoontꞌoh.