Luke 21:23 - Yak'usda Ooghuni

²³ ꞋEt de dzin mbene la ulchanne, ꞌinkꞌez mbene la duyaz eꞌúlhtꞌukwne cha, ꞌenne buba tube ꞌon nus hootátsiꞌ. Ndi yun hoontsiꞌ-un ookꞌewhudutaltsꞌulh ꞌet huwa. Yakꞌusda ye húnilchꞌe-i, ꞌi cha dune bukꞌeidutaltsꞌulh.

Luke 21:23 Iomraidhean Croise

Matthew 21:16

ꞋInkꞌez Jesus nduhúyulhni, “Daja hutni la uboozílhtsꞌai eh?” ꞋEt ꞌubulhni, “A, ꞌinkꞌez dahúja-un ꞌaw hukwꞌu yalhuzusduk whe eh dahni? ꞋUkꞌehonguz whe njan nduwhutni, ‘Tsꞌoodunne ꞌinkꞌez tsꞌoodunne nulhyehne cha, bughuni ꞌi beꞌ hutni, tsꞌihꞌun unꞌa sba hodilhtiꞌ ꞌubulhtsi.’”

Matthew 21:41

ꞋEt ꞌuhúyulhni, “Ndunne untsiꞌne, hooncha hukwꞌunꞌa musai ubutilhtselh ꞌinkꞌez ha niyeh kꞌet ꞌuyoonne haꞌ úntilhyehne bugho whutálhꞌalh. ꞋEt whuz unꞌa newhúzuk totsuk mai higha hitalelh.”

Matthew 21:44

ꞋInkꞌez mbe la ndi tse hikꞌiltsꞌutne, tsꞌiyawh yahidutátih. ꞋInkꞌez mbe la bukꞌé diltsꞌutne, tsꞌiyawh musai hutileh.”

Matthew 24:19

ꞋOh de, mbe la tsꞌekoo buzkeh whutalehne, ꞌinkꞌez duzkeh eꞌúlhtꞌukwne, buba tube ꞌon nus hootátsiꞌ.

Mark 13:17

ꞋEt tsꞌekoo, yazba ꞌuntꞌohne, ꞌinkꞌez duzkeh eꞌulhtꞌúkwne cha, tube buba hoontsiꞌ tileh.

Luke 19:27

ꞋEt ndunne schꞌaz ditnine, ska lheꞌhunízun whe bulerwe tisdleh, whusábahle ꞌinkꞌez sbut ꞌet bubahghan.’”

Luke 19:43

ꞋEt dzin whusaootiltsꞌulh nohchꞌaz ditnine nohnahutigus. ꞋInkꞌez lhez lhkꞌehitalhkulh nohnat ndulcho whe, ꞌinkꞌez whez tsꞌe nohuhootatun.

Luke 23:29

ꞋAlha dzin whuz de hóokulh wheꞌ hoontꞌoh, ꞌet la ꞌuhudooniꞌ, ‘Buzkeh hoolohne, ꞌaw lheꞌílhtsilne, ꞌinkꞌez mbene la chalhtsꞌul ꞌulheꞌílhtꞌukwne, ꞌon nus buba sooꞌ whutatꞌelh.’

1 Corinthians 7:26

Ndi ꞌandit be dzoh nahdeh-i ꞌet whula gha tsꞌe dune ntsꞌenꞌa ꞌuhintꞌoh, ꞌet whuz unꞌa za ꞌuhootꞌeꞌ hubaꞌ hoontꞌoh nuszun.

1 Thessalonians 2:16

ꞋUdun yun kꞌut whutꞌenne hudoojih ha bubulh yaztilhduk, ꞌet whuchꞌa nehuniyoot. Ndunne Lizwifne ꞌuhuyulhꞌen-i ꞌet whe lubeshi be hudizbun. ꞋEt huwa Yakꞌusda ye bubulh hunilchꞌe-i, ꞌi ꞌilhiz wheni huyulh ꞌutitꞌelh.

Hebrews 13:16

ꞋEt hoonzoo-un ꞌuwhulhꞌen ꞌinkꞌez tsꞌiyawh ꞌalhgoh lhla ꞌahtꞌen, ꞌet khun whunaoodoolhnoh junih. ꞋEt whuz unꞌa Yakꞌusda gha whutꞌaih-un, tsꞌiyawh ꞌet tube hóontꞌiꞌ.

James 5:1

ꞋEt nohni hoonzooꞌ ꞌuntꞌohne soo zúlhtsꞌai. Dawhultsiꞌ-un nohtsꞌu hóokulh, ꞌet huwa tube cho ꞌahtso ꞌinkꞌez ꞌalhdzul.

1 Peter 4:17

ꞋAwet neba whusahóoltsꞌut, wheni Yakꞌusda ooyoh tsinline, ꞌalhgoh neba nahutiyeh. ꞋEt whenichꞌoh neba nahutiyeh de, ꞌet de ndunne Yakꞌusda ooghuni unzoo-i daja ni hukwa lheꞌnízunne, ꞌenne dahóoneh suba?