Luke 21:19 - Yak'usda Ooghuni

¹⁹ Yakꞌusda ba soo cho núdulhya. ꞋI gha la nohzul ohtun.”

Luke 21:19 Iomraidhean Croise

Matthew 10:22

ꞋInkꞌez si sooziꞌ gha tsꞌiyanne nohtsꞌo dutitni. ꞋEt hoontsꞌi mbene la ꞌudekꞌez whutsꞌun ꞌet whulh núdalyaꞌne, ꞌenne hudutijih.

Matthew 24:13

ꞋEt hoontsꞌi mbene la whula toh whutsꞌun whulh úsyinne, ꞌenne za hudutijih.

Luke 8:15

ꞋEt hoontsꞌi ndai la yun unzoo-i kꞌut nanánkat-i, ꞌenne huhóontꞌiꞌ whe khuni hidantsꞌo ꞌinkꞌez budzi unzoo whe huyoontun. Ntsꞌoh dahoontꞌoh hoontsꞌi ꞌilhiz huyilhchuk. ꞋEt whuz unꞌa bumaiꞌ whulaih.”

Romans 15:4

Ndet ꞌudaꞌ Yakꞌusda be ꞌudustlꞌus kꞌut ꞌukꞌehóoguz-un oogha whútsꞌo doolꞌeh ha ꞌukꞌéguz. ꞋEt whe ndet la Yakꞌusda netsꞌu hoozi-un ꞌi ooba tsꞌilhꞌi ꞌinkꞌez ooba tsꞌilhꞌi zaꞌ tsꞌintꞌoh.

Romans 2:7

Whulohne ꞌaw whutsꞌu lhodítni whe tsꞌihꞌun unꞌa ꞌuhutꞌen. ꞋEt nduhútꞌen-un huwun Yakꞌusda budólhtiꞌ, hincha uboolhtselh, ꞌinkꞌez ꞌahoolhyiz dalhótisa ꞌet hitsꞌu húkwaꞌ ninzun. ꞋEt nduntꞌóhne dune Yakꞌusda ꞌilhiz wheni huhutinalh-un bugha whútaꞌalh.

Romans 5:3

ꞋInkꞌez ꞌaw ꞌet za iloh, ꞌet huwa dzoh nutsꞌudeh hoontsꞌi, tsꞌuhóontꞌiꞌ, ꞌinkꞌez whulh tsꞌúzyin-un whunénilhtan.

Romans 5:4

ꞋInkꞌez tsꞌiyanne tꞌehonózin dantꞌóhne dune tsꞌinli. ꞋEt whuz unꞌa dune tsꞌinli huwa, huba tsꞌilhꞌi ndet la whusawhútiltsꞌulh-un Yakꞌusda dádiztiꞌ la tꞌetsꞌontizeh.

Romans 8:25

ꞋEt hoontsꞌi Yakꞌusda ndi netsꞌú hoozi-un ꞌawhuz lhtsꞌúhoosꞌen de, ꞌalhaꞌ hukwa tse tsꞌúholeꞌ zaꞌ tsꞌootꞌeꞌ.

1 Thessalonians 1:3

Nohnatsꞌulnih-un ꞌaw ꞌetsul lheꞌtsꞌusne, be ꞌalha ꞌuhoontꞌoh-i, ꞌi ghun nohꞌeꞌutꞌen. ꞋInkꞌez be nékꞌetsꞌinsiꞌ-i be soo cho ꞌahtꞌen. ꞋInkꞌez neMoodihti Jesus Christ ꞌen ghun hukwa tse hoohli-un, ꞌaw whula lhduzahni. Yakꞌusda neBá ꞌen oonalh ꞌet ndahtꞌen.

2 Thessalonians 3:5

Yakꞌusda ye nékꞌensiꞌ-i ꞌinkꞌez Christ hoolhtus whe usyin-un, ꞌet whuz unꞌa nducha neMoodihti nohdzi wheínulhtun.

Hebrews 10:36

ꞋEt njan ꞌet tsꞌiyawh oola doohtnih junih! ꞋEt Yakꞌusda nohtsꞌu hukwaꞌ ninzun-un, lhaoodihla de, ꞌet nóhtsꞌu nahizya-un, ꞌet nohgha whútakulh.

Hebrews 6:11

ꞋIlhone ꞌahli whe ꞌet whula toh whutsꞌun, nohdzi ndulcho-i be ꞌet ndóhtꞌen, ꞌet nohba hukwaꞌ ꞌuzninzun. ꞋEt whuz unꞌa ndet la hukwa tse hoohli-un, ꞌet nawh lheꞌhootꞌoh nohtsꞌun whutikulh.

Hebrews 6:15

ꞋInkꞌez ꞌet whuz unꞌa ꞌuhooja. Yakꞌusda Abraham tsꞌu nahizyai-un saꞌ whe yubailhꞌeꞌ, ꞌet hoontsꞌi whe yutsꞌu náhizya-un ooghá whultsꞌut.

James 1:3

Tꞌewhunáhzun Yakꞌusda ootꞌa ninahtan whe lhelhtsꞌun unꞌa dzoh nahdeh, ꞌet whuz unꞌa hodoolhꞌeh soo ulhtus whe núdolhyaꞌ ꞌet huwa.

James 1:4

Yakꞌusda ba ulhtusne suhliꞌ, tsꞌihꞌun unꞌa tsꞌiyawh hodoolhꞌeh. ꞋEt de la Yakꞌusda ba lhadúlyane oohleꞌ. ꞋInkꞌez tsꞌihꞌun unꞌa ꞌutꞌen kꞌoh lhaóodahla. Yakꞌusda ba hoonliyaz whuyit lheꞌáhnel.

2 Peter 1:6

Hoontsiꞌ-un whuchꞌa khohdleꞌ, ꞌinkꞌez howa whulnaꞌ hoontsꞌi whulh oohyin. ꞋAhoolhyiz Yakꞌusda ooghu nuní noohzut, ꞌinkꞌez ooba whudólhtiꞌ.

Revelation 1:9

Si John nohulhutsin ꞌustꞌoh. Dzoh nahdeh te si cha nohbulh dzoh nuszut. Yakꞌusda lerwe unli-un ꞌinkꞌez Jesus Christ ooba howa whúlnaꞌ ꞌet hoontsꞌi neba whulh ínyin-un, si cha whuz unꞌa za nohbulh susyin. Yakꞌusda ooghuni be yásduk ꞌinkꞌez Jesus Christ tꞌehinoozeh huwa cha, ꞌet huwa ndi noo Patmos huyulhni-i, ꞌi kꞌut ꞌustꞌoh inleꞌ whe,

Revelation 13:10

Mbe ꞌuyoonne ꞌulhna ꞌubulhtsi-un, didutchꞌoh cha whuz unꞌa za ꞌulhna tileh. Mbe saluzti be dune ughan de, didutchꞌoh cha saluzti be datitsah wheꞌ hoontꞌoh. ꞋEt huwa Yakꞌusda oochꞌeꞌne, ndi ꞌet mbene hiye ꞌalhaꞌ ninzun-i ꞌinkꞌez hoonli talhohodini, ꞌet ꞌuwhúlhni.

Revelation 14:12

ꞋEt hoontsꞌi Yakꞌusda oochꞌeꞌne, Yakꞌusda dughuni netlꞌa idanꞌai howa whulnaꞌ hoontsꞌi whulh huzyin whe Jesus Christ ooba ꞌalhaꞌ yintꞌohne, ꞌenne ꞌuhintꞌoh.

Revelation 3:10

Nohdásniꞌ dzoh nusahde-un soo whulh nudalhyaꞌ. Whuz unꞌa skꞌuneꞌ zahtꞌen. ꞋEt huwa ndi yun kꞌut ndulcho whe dune dzoh nutidoh-un whusaóotiltsꞌulh ubootálhdzih ha. ꞋEt whutso whuchꞌa nanohtásdlelh.