Luke 21:16 - Yak'usda Ooghuni

¹⁶ Nohdusneke, ꞌinkꞌez nohulhutsinke, nohnatneke, ꞌinkꞌez nohkꞌekene, whutlꞌa nóhotilelh ꞌinkꞌez whulohne nohtoh nohotighan.

Luke 21:16 Iomraidhean Croise

Matthew 10:21

Dune dulhutsin datítsah ha whutlꞌa ítilhtelh. Bubá duduzke whuz ubutilelh. Bubuzkeh dudusneke buchꞌaz nehúdutadulh dahutitsah-un huwá botalelh.

Mark 13:12

Dune dulhutsinke dahútitsah-un huwá botalelh. Bubáke cha, duduzke ꞌet ndúbotilhꞌelh, ꞌinkꞌez tsꞌoodunne cha, dudusne buchꞌaz náhulhya ꞌinkꞌez dahátitsah-un huwá botalelh.

Luke 12:53

Bubá duyeꞌ chꞌaz nédutadalh, ꞌinkꞌez ooyeꞌ dubá chꞌaz nedutadalh. Buloo cha dutseꞌ chꞌaz nedutadalh, ꞌinkꞌez ootseꞌ duloo chꞌaz nedutadalh. ꞋInkꞌez oobiz cha duyasꞌat chꞌaz nedutadalh, ꞌinkꞌez ooyasꞌat ꞌen cha dubiz chꞌaz nedutadalh.”

Luke 21:15

Khuni ꞌinkꞌez be wháhnih-i nohtlꞌa dutisꞌalh. Mbene la nohchꞌaz ditnine ꞌaw nohtsꞌoohoodódlai ꞌaitꞌoh. ꞋInkꞌez ꞌaw daja ꞌuhudooniꞌ ꞌaitꞌoh.

Luke 21:17

ꞋInkꞌez si sooziꞌ gha tsꞌiyanne nohtsꞌu dutitni.

Acts 12:2

ꞋEt James, John bulhutsin huwá balhꞌaꞌ whe saluzti be hizilhghi.

Acts 7:59

ꞋEt whuz unꞌa za Stephen tse be huyoolhꞌis whe neMoodihti ka huyih, “Jesus neMoodihti szul ilhchoot!” yúlhni.

Revelation 12:11

ꞋUsbaiyaz buzkaiꞌ be, ndi khuni Yakꞌusda ghu yalhduk-i cha, ꞌi ndowhi tsꞌiyawh whe netsudule chꞌaꞌ hunilhde, ꞌinkꞌez ꞌaw hukwꞌelha yahitadlah-un whelhuhuniljut.

Revelation 2:13

Nohꞌeꞌutꞌen kꞌoh ꞌinkꞌez ntsꞌe whahtꞌi-un tꞌeoonuszun. Ndet Satan ookwꞌutsꞌuzda cho diztiꞌ-i ꞌusꞌai-un, ꞌet whahtꞌi. Sooziꞌ, ꞌi dutsoo cho oohtun. Ntsꞌe Satan whutꞌi-un ꞌinkꞌez ꞌoh daꞌ ndun Antipas huyúlhni-un, ꞌen sooziꞌ gha nohtoh hizilhghi. ꞋEt hoontsꞌi nohba ꞌalhaꞌ ꞌustꞌoh-un ꞌaw whutsꞌulhoodáhdlai.

Revelation 6:9

ꞋEt ndet bulh kwulaiꞌ-i ꞌudustlꞌus be lhídildze-i yudáhaꞌ dalhchꞌul whe mbene la Yakꞌusda ooghuni gha ꞌinkꞌez highuni ghu yalhdukne dune ubanghanne buzul, ꞌenne loodel tꞌah bubutísꞌen.