Luke 20:37 - Yak'usda Ooghuni

³⁷ ꞋInkꞌez Moses ꞌen tsꞌihꞌun newhuninꞌai yaidlane dunahudutádulh wheꞌ hoontꞌoh. ꞋEt ꞌoh daꞌ dilhtan-i toh whudizkꞌun ꞌet hoontsꞌi ꞌaw whudókꞌun ꞌaitꞌoh. ꞋEn Moodihti ghu yalhduk whe njan ndutni, ‘Abraham ooYakꞌusda, Isaac cha ooYakꞌusda, ꞌinkꞌez Jacob cha ooYakꞌusda ꞌuntꞌoh,’ ni.

Luke 20:37 Iomraidhean Croise

Genesis 32:9

ꞋInkꞌez Jacob ꞌutni, “O sbá Abraham ooYakꞌusda (Elohim), sbá Isaac ooYakꞌusda Moodihti (Elohim Yahweh) ꞌusulhni, ‘Nkeyoh tsꞌe naindalh ꞌinkꞌez nyunatneke butsꞌun ꞌet whuz hoonzoo whe ꞌutanelh mba ootiselh’.

Genesis 28:21

ꞌet de sbá ooyoh tsꞌe soo tsꞌihꞌun sdzi dizghel whe whuz natoosjaꞌ, ꞌet de Moodihti (Yahweh) ꞌen sih Yakꞌusda (Elohim) sba ooleꞌ.

Genesis 28:13

ꞋInkꞌez whunilhꞌen ndo Moodihti (Yahweh) ꞌen usyin ꞌinkꞌez ꞌutni, “Si Moodihti (Yahweh) Abraham ooYakꞌusda (Elohim) mbá cha ꞌinkꞌez Isaac ooYakꞌusda (Elohim) cha ꞌustꞌoh. Ndi yun ookwꞌut sinti-i ꞌandit ngha tisꞌalh ntsꞌu haindene cha.

Genesis 17:7

ꞋInkꞌez khuni nyun bulh lhadilya-i, ꞌi ꞌet dutaꞌalh ntsꞌu haindene ꞌenne lhanꞌun te, ꞌilhiz wheni ndi khuni lhadutalneh, NYakꞌusda (Elohim) tisleh ꞌinkꞌez ntsꞌu haindene cha.