Luke 20:36 - Yak'usda Ooghuni

³⁶ ꞋAw doo cha yahódlah ꞌaitꞌoh. Yakꞌusda buzkeh huzdliꞌ ꞌinkꞌez lizasne bubulh hulhgha ꞌuhintꞌoh. ꞋEnne dujihne ꞌuhintꞌoh.

Luke 20:36 Iomraidhean Croise

Matthew 22:30

ꞋEt dzin dune dunadidil de, ꞌaw lhghu lhodutalhtsꞌil. Dune dunadidilne, Yakꞌusda oolizas kꞌunꞌa ꞌuhutitꞌelh wheꞌ hoontꞌoh.

Mark 12:25

Yaidláne dunahudidil te, ndo yakꞌuz lizas leꞌ hintꞌoh. Dune ꞌinkꞌez tsꞌekoo ꞌaw lhgho diltsꞌiꞌ wheꞌ hoontꞌoh.

Romans 8:16

Ndoni ꞌen ꞌuntꞌoh neyughi whubunulhtun, wheni Yakꞌusda buzkeh tsꞌinli.

1 Corinthians 15:26

ꞋInkꞌez be datsꞌutsah-i, ꞌi ꞌudekꞌez ꞌuchꞌaz ditni-i unli, ꞌi musai tileh.

1 Corinthians 15:42

ꞋEt yaidlane dunahudidil de, ꞌenne cha lhelhtsꞌun unꞌa ꞌuhintꞌoh. Buyustꞌe ꞌabahanla whe tilhjut whe ꞌuntꞌoh. ꞋEt dunahudidil de, ꞌaw buyustꞌe lhilhjut.

1 Corinthians 15:49

ꞋEt ndun whutlꞌus be ꞌulya-un, ꞌet wheni cha ꞌen bundútsꞌúltꞌoh. ꞋEt whuz unꞌa ndun yakꞌuz tsꞌe hainzut-un, ꞌen dantꞌoh dune unli ꞌet whuz unꞌa wheni cha ꞌen bundutsꞌúltꞌoh ꞌuztileh.

Philippians 3:21

ꞋInkꞌez neyustꞌe telꞌen-i, ꞌi duyustꞌe diztiꞌ-i kꞌunꞌa ꞌuntꞌoh yutilhtselh. Ye ulhtus-i, ꞌi be tsꞌiyantsuk ookꞌuneꞌ whutꞌen, ꞌi be ꞌuyoo yustꞌe neba itilhtselh.

Revelation 20:6

Mbene la njan ꞌudechoo dune dunadutádulh-un bubulh ꞌuhooja de, ꞌenne ꞌukꞌenus hoonzoo-un bugha whútaltsꞌulh, ꞌinkꞌez lubeshi ooghu hootalohne hutileh. ꞋInkꞌez whulh nat dune yaitádlah-un, ꞌaw ꞌenne buba lheꞌhóotꞌoh. ꞋEt kꞌus Yakꞌusda ꞌinkꞌez Christ bulubret hutileh ꞌinkꞌez 1,000 yus kꞌut huyulh moodih hutileh.

Revelation 21:4

ꞋInkꞌez Yakꞌusda bunatsul tooꞌ buna kꞌet whunaitilhdoh. Yatsꞌadlah-un cha ꞌetsul ꞌuwhutanelh. Tsꞌodi tsinli-un ꞌinkꞌez tsꞌutso-un cha ꞌetsul ꞌuwhutanelh. ꞋAw ꞌon ꞌun hukwꞌe tsꞌunduda-un cha hootáloh. Whutsꞌo daꞌ ꞌuhoontꞌoh-un tsꞌiyawh gak whuzdliꞌ ꞌet huwa.”

Revelation 22:9

ꞋEt ꞌusúlhni, “ꞋEt ndintꞌen iloh! Nyulh ꞌulhna-un usdli whe ꞌustꞌoh. ꞋInkꞌez nyulhutsinke nus hooꞌenne, ꞌinkꞌez mbene ndi ꞌudustlꞌus ooghuni óontunne, ꞌenne cha bubulh ꞌulhna usdli whe ꞌustꞌoh. Yakꞌusda, ꞌen za tsꞌun teniꞌ nilhdzun!”