Luke 20:25 - Yak'usda Ooghuni

²⁵ ꞋEt Jesus ꞌubulhni, “Ndi la Lerwe Caesar oochꞌeꞌ, ꞌi ootlꞌa náyahle. ꞋInkꞌez Yakꞌusda oochꞌeꞌ, ꞌi cha Yakꞌusda tlꞌa náhle.”

Luke 20:25 Iomraidhean Croise

Matthew 17:27

ꞋEt hoontsꞌi Capernaum whutꞌenne, ꞌenne nebulh hónilchꞌe hukwꞌunꞌa ꞌubutsꞌoolhꞌen ꞌaitꞌoh. Dugweꞌ, bun guz tsꞌinyalh ꞌinkꞌez oolhjas. Soo ꞌudechoo lho silhjus-i, ꞌi ooze lhchꞌaz ꞌuhoonleh. ꞋEt sooniya naitánꞌalh. ꞋI ilhchoot ꞌinkꞌez neba bugha íninꞌaih.”

Matthew 22:21

“Lerwe Caesar,” huyulhni. ꞋEt ꞌúbulhni, “Ndai la lerwe Ceasar oochꞌeꞌ, ꞌi ootlꞌa náyahle. ꞋInkꞌez ndai Yakꞌusda oochꞌeꞌ, ꞌi Yakꞌusda ootlꞌa náyahle.”

Mark 12:17

ꞋEt Jesus ubúlhni, “Caesar oochꞌeꞌ-i ootsꞌun ꞌukꞌelha whulhꞌi, ꞌinkꞌez Yakꞌusda oochꞌeꞌ-i, Yakꞌusda tsꞌun ꞌukꞌelha whulhꞌi.” ꞋEt tube buba hooncha.

Luke 20:24

Sooneya snalhtsꞌet nahꞌa! Mbe oonin ꞌinkꞌez booziꞌ cha ookꞌusguz?” ꞋEt ꞌuhuyulhni, “Lerwe Caesar ꞌuntꞌoh.”

Acts 5:29

ꞋEt hoontsꞌ Peter ꞌinkꞌez ꞌuyoonne whelꞌaꞌne bulh whuz yahatilhduk, “Yakꞌusda za ookꞌu néꞌtsꞌootꞌen hubaꞌ hoontꞌoh, ꞌaw dune ookꞌu néꞌtsꞌootꞌen huba lheꞌhóotꞌoh,” hutni.

1 Corinthians 10:31

ꞋEt ꞌinka ndet la ꞌahꞌalh totsuk, ꞌinkꞌez ꞌahtnai de cha, kꞌus ntsꞌoh dahtꞌen ꞌi cha, ꞌet tsꞌiyawh ꞌi be ꞌet Yakꞌusda whé dulhtiꞌ-un hubaꞌ hoontꞌoh.

1 Peter 4:11

Mbene dune yatilhdukne, ꞌenne Yakꞌusda khuni be yahoolhduk hubaꞌ hoontꞌoh. Mbene ꞌuyoonne dune ba neꞌútꞌenne, ndai hiye ulhtus-i Yakꞌusda bugha íninꞌai be ꞌuyoonne laꞌ hootꞌen. ꞋEt huwa tsꞌiyanne Jesus Christ ꞌen be Yakꞌusda hidólhtiꞌ. Jesus Christ ꞌilhiz wheni ꞌinkꞌez ꞌilhiz wheni, ꞌen ꞌon nus uzdólhtiꞌ ꞌinkꞌez oobaꞌ hoontꞌoh-un, tsꞌiyawh ꞌen oochꞌeꞌ ꞌuhoontꞌoh. ꞋEt ndo honeh.