Luke 20:24 - Yak'usda Ooghuni

²⁴ Sooneya snalhtsꞌet nahꞌa! Mbe oonin ꞌinkꞌez booziꞌ cha ookꞌusguz?” ꞋEt ꞌuhuyulhni, “Lerwe Caesar ꞌuntꞌoh.”

Luke 20:24 Iomraidhean Croise

Matthew 18:28

ꞋEn ꞌulhna za ꞌaz whinya ꞌilhoghun dudulh ꞌulhna-un, ꞌen nayilhti. ꞋEn whunizyat whunizyai (100) sooniya tsꞌuditiꞌ-i, be yutsꞌu whulhꞌai. Yuzool ílhchoot ꞌinkꞌez uyúlhni, ‘Ndai la bé ntsꞌo zusꞌai-i, sba ookꞌelha hoolhtsi!’

Matthew 20:2

ꞋEt ubalhꞌaꞌne ꞌilho sooniya tsꞌuditiꞌ ꞌi dzin ndulyiz whe hikꞌelha ꞌutitꞌelh-un, huhóostꞌet. ꞋEt huwa tsꞌekoo tooꞌ mai chun ha niyeh kꞌez whe balhꞌaꞌ.

Matthew 22:20

ꞋEt ꞌubulhni, “Mbe oonin ꞌinkꞌez booziꞌ cha ookꞌusguz?”

Mark 12:16

ꞋIlhoghun sooniya yutlꞌa ínꞌaih. ꞋEt Jesus uboodulhkut, “Mbe oonin ꞌinkꞌez booziꞌ cha ookꞌusguz?” ꞋEt ꞌuhuyúlhni, “Keyoh whumoodih Caesar huyúlhni-un ꞌuntꞌoh.”

Luke 2:1

ꞋEt ꞌoh daꞌ Caesar Augustus huyulhni-un, whunilhchoh keyoh dilhtsꞌine, khuni bunalh yutulhuhizyeꞌ. Tsꞌiyanne bubooziꞌ ꞌukꞌeooges ha.

Luke 20:22

Nedini ndi yun hikꞌelha huyilhꞌi-i, tax huyúlhni-i, tsꞌihꞌun tilah ꞌuhoontꞌoh whe lerwe Caesar ꞌen ooba ꞌukꞌelha tsꞌuyoolhtselh, kꞌus ꞌawundooh tilah?”

Luke 20:23

ꞋEt Jesus tꞌeooninzun ꞌonilha ꞌuhutni. ꞋInkꞌez ꞌubulhni, “Di ha sóolhdzih?

Luke 20:25

ꞋEt Jesus ꞌubulhni, “Ndi la Lerwe Caesar oochꞌeꞌ, ꞌi ootlꞌa náyahle. ꞋInkꞌez Yakꞌusda oochꞌeꞌ, ꞌi cha Yakꞌusda tlꞌa náhle.”

Luke 23:2

ꞋAwet hikꞌewhehoninꞌai ꞌinkꞌez ꞌuhutni, “Ndun dune lizwifne tankꞌus úbunilhtꞌi ꞌet bulh nátsꞌuhoonꞌai. ꞋInkꞌez lerwe Caesar tsꞌun ndi yun kꞌelha huyilhꞌi-i, ꞌi tax ꞌuyulhni, ꞌet cha whuchꞌa buníyoot. ꞋInkꞌez didut lerwe Christ tsꞌutni-un, ꞌen usdli naꞌdudútni.”

Luke 3:1

ꞋEt Caesar Tiberius, ꞌen yun kꞌut ndulcho whe lerwe inleꞌ. Whunizyat ꞌon ꞌat kwulat yus kꞌut (15) ꞌantꞌeꞌ. ꞋEt Pontius Pilate, Judea yun kꞌut whumoodih unli. Herod, Galilee yun kꞌut whumoodih unli. Bulhutsin Philip, ꞌen Iturea ꞌinkꞌez Trachonitis yun kꞌut whumoodih unli. ꞋInkꞌez Lysanius, Abilene yun kꞌut whumoodih unli.

Acts 11:28

ꞋEt butoh ꞌilhoghun Agabus huyúlhni-un, ꞌen la dudinya ꞌinkꞌez Ndoni gha, “ꞋAwet nilhdukw yun kꞌut ndulcho whe dai whútale,” hubúlhni la. ꞋEt Claudius lerwe ꞌukꞌenus díztiꞌ-un unli whe ꞌet la ndúhooja.

Acts 26:32

ꞋInkꞌez Agrippa Festus ꞌulhni, “Ndun dune lerwe ꞌukꞌenus díztiꞌ-un yubut ooyin-un hukwa lheꞌdínel de, ꞌudaꞌ daꞌ oola nazditni óoleꞌ.”

Philippians 4:22

ꞋInkꞌez Yakꞌusda oochꞌeꞌne njan dilhtsꞌine, ꞌenne tsꞌiyawh hadih nohuwhutni. Mbene Ceasar ooyoh dilhtsꞌine, ꞌenne soo hadih hutni.