Luke 20:17 - Yak'usda Ooghuni

¹⁷ ꞋEt Jesus ꞌubunilhꞌen ꞌinkꞌez ꞌutni, “Ndi Yakꞌusda ooghuni daja ni whe ꞌukꞌeguz, ‘Ndi tse yoh ꞌuwhulhꞌenne ꞌún hidutilhꞌuz-i, ꞌi yoh ookꞌu whuzꞌai-un huba ꞌukꞌenus tse ꞌuntꞌoh-i suliꞌ.’

Luke 20:17 Iomraidhean Croise

Matthew 21:42

ꞋEt Jesus ndúbulhni, “ꞋAw eh hukwꞌu yalhuzulhduk Yakꞌusda ooghuni daja ni inleꞌ daꞌ? ꞋUkꞌehooguz: ‘Ndi tse yoh ꞌuwhulhꞌenne ꞌún hidutilhꞌuz-i, ꞌi yoh ookꞌu whuzꞌai-un huba soo ꞌukꞌenus tse ꞌuntꞌoh-i suliꞌ. Moodihti whuz unꞌa ꞌuhoonla. ꞋInkꞌez wheni tube neba hooncha wheꞌ hoontꞌoh,’ ni.

Mark 10:23

Jesus yugha hodulꞌehne bunilhꞌen ꞌinkꞌez ꞌubulhni, “Dáhoontꞌoh huwa whúlnaꞌ whe hoonzooꞌ ꞌuntꞌohne, Yakꞌusda whe lerwe unli-un dahútidulh.”

Mark 12:10

ꞋAw Yakꞌusda ooghuni ꞌukꞌu nusgúz-i ookꞌu yálhuzulhduk? ꞋEt ndutni, ‘Ndi tse yoh ꞌuwhulhꞌénne ꞌún hidutilhꞌuz-i, ꞌukꞌenus ooka dáhotni-i suliꞌ.

Mark 3:5

Jesus tube hunílchꞌe whe butunuyúꞌen budzi dadiltsꞌun la ꞌet huwun unli. ꞋEt dune ka únli-un yulhni, “Lhtsꞌedílnih!” Nyoon dune lhtsꞌedilhni ibulh ꞌilhoghi oola kꞌunꞌa soo náꞌuja.

Luke 19:41

ꞋEt keyoh whuti whenghoh uyalh, Jerusalem whutilhꞌen whe howintse.

Luke 22:37

ꞋEt huwa ꞌunohdusni Yakꞌusda ooghuni kꞌut si sghun ꞌukꞌu núsguz-i, ꞌi tsꞌiyawh lhawhúdoneh hubaꞌ hoontꞌoh. Ndiz unꞌa njan duwhutni, ‘Ndunne ꞌukꞌú nulheꞌustꞌenne bubun ndultꞌoh hudooniꞌ,’ ni. ꞋEt huwa si sghun ꞌukꞌuneꞌ ꞌusguz-un lhawhúdoneh hubaꞌ hoontꞌoh.”

Luke 22:61

ꞋEt neMoodihti Peter tsꞌu nálhꞌa ꞌinkꞌez yunin tsꞌe yunalhꞌen. ꞋEt Peter ꞌaho neMoodihti yughuni yunalni daja yudaniꞌ inleꞌ whe ndúyulhni, “Lugok dune ꞌudutinelh whutso tat tꞌesunuzínzun dutanelh.”

Luke 24:44

ꞋInkꞌez ꞌubulhni, “ꞋAwhuz nohbulh ꞌústꞌoh daꞌ ndi khuni ꞌi daꞌ be nohbulh yasduk-i, tsꞌiyawh lhaoodoneh Moses be ꞌudustlꞌus kꞌunusguz-i, ꞌinkꞌez nus hooꞌenne, ꞌinkꞌez Yakꞌusda ooghuni Shun eꞌdustlꞌus kꞌut cha si sghun ꞌukꞌu nusguz.”

John 15:25

ꞋInkꞌez ndi Yakꞌusda ooghuni buba ꞌukꞌu nusguz whe ꞌet ndutni, ‘ꞋAw hoonli huwa iloh stsꞌu hudutni.’ Daja ni la ꞌandit ꞌawet ꞌoh te neꞌwhustꞌen.

Acts 4:11

Jesus, ꞌen ꞌuntꞌoh Yakꞌusda ꞌukꞌu nusguz-i kꞌut ndutni whe ooghu yaduk, ‘Nohni yoh ꞌuwhulhꞌenne tse ꞌúndutulhꞌuz-i, ꞌi la ꞌuja ꞌukꞌenus tse ooka dáhotni-i suliꞌ.’

Ephesians 2:20

Nohni Yakꞌusda ooyoh léꞌahtꞌoh. Whelꞌaꞌne ꞌinkꞌez Yakꞌusda be nus hooꞌenne, tsꞌiyawh yoh ookꞌu whuzꞌaine hinli. ꞋInkꞌez nohni whunohodalhꞌeꞌ, ꞌet huwa bubulh ꞌáhtꞌoh. Christ ꞌen dichꞌoh ꞌukꞌenus tse yoh ookꞌu whuzꞌai-un unli whe ꞌuntꞌoh.

1 Peter 2:6

ꞋEt huwa Yakꞌusda ooghuni ndutni whe ꞌukꞌu nusguz, “Whunulhꞌen, nohni keyoh Zion whutꞌenne, ꞌet koontlꞌat tse, soo ꞌukꞌenus ookwa dahotni-i ꞌet nédisꞌai. ꞋEn ꞌutahasti, ꞌinkꞌez diztiꞌ whe ꞌuntꞌoh, ꞌinkꞌez mbene buba ꞌalhaꞌ yintꞌohne, ꞌaw yooya hooleꞌ ꞌaitꞌoh.”