Luke 20:16 - Yak'usda Ooghuni

¹⁶ Ndiz unꞌa njan ndutínelh, whusanátidalh ꞌinkꞌez ndunne mai kꞌet bughu whulhꞌaine, tsꞌiyawh gak ubutilhtselh. ꞋInkꞌez dumaiꞌ ha níyeh kꞌet ꞌuyoonne gha óotalhꞌalh.” ꞋEt ndune hohodántsꞌo whe ꞌuhutni, “ꞋAw uncha ꞌet ndulhúhoonel!”

Luke 20:16 Iomraidhean Croise

Matthew 21:34

Oonujin-un neooninzut whe yun whumoodih de ꞌulhnane, whuz whe balhꞌaꞌ ꞌinkꞌez ꞌutꞌenne, butsꞌun mai hitalhchulh ha.

Matthew 21:41

ꞋEt ꞌuhúyulhni, “Ndunne untsiꞌne, hooncha hukwꞌunꞌa musai ubutilhtselh ꞌinkꞌez ha niyeh kꞌet ꞌuyoonne haꞌ úntilhyehne bugho whutálhꞌalh. ꞋEt whuz unꞌa newhúzuk totsuk mai higha hitalelh.”

Matthew 22:7

Lerwe whulh ꞌúdantsꞌo whe tube hunílchꞌe. Lhuganne ubutꞌine tsꞌiyawh whuz whe balhꞌaꞌ. Be ꞌulhnane inghanne, tsꞌiyawh musai ꞌubulhtsi ꞌinkꞌez bukeyoh hodálhkꞌun.

Mark 12:9

ꞋEt Jesus uboodulhkut, “Daóoneh suba mai kꞌet whulhꞌaí-un? Whusanája, ꞌinkꞌez la ndunne tsꞌiyawh hubooghan, ꞌinkꞌez mai kꞌet ꞌuyoonne ghu hólhꞌaꞌ.

Luke 19:27

ꞋEt ndunne schꞌaz ditnine, ska lheꞌhunízun whe bulerwe tisdleh, whusábahle ꞌinkꞌez sbut ꞌet bubahghan.’”

Luke 20:15

ꞋInka njan ha níyeh kꞌet tenáhinino ꞌinkꞌez hizilhghi. ꞋEt huwa ha níyeh kꞌet oochꞌeꞌ hoonli-un, dábooleh suba?

Acts 13:46

ꞋEt hoontsꞌi Paul Barnabas bulh ꞌon nus hoolhtus whe yahulhduk, “Ndi Yakꞌusda ooghuni ꞌi nohni cho be nohbulh yaóoduk hubaꞌ hoontꞌoh. ꞋEt hoontsꞌi ookalheꞌnáhzun de, ꞌinkꞌez ꞌilhiz khutihnalh-un huba soo lheꞌulhdzooꞌ naꞌdunáhzun de, ꞌantsꞌi nohbaꞌ dítni, ꞌet huwa ꞌudun yun kꞌut whutꞌenne, ꞌenne butsꞌun tatꞌus!

Romans 11:1

ꞋEt doo cha za nuhooduskut, Yakꞌusda duduneꞌne ꞌilhiz eh ꞌún ubutilhdil? ꞋAwundooh! Si cha ꞌilhoghun Israel ooduneꞌ ꞌustꞌoh. Abraham be dusya ꞌinkꞌez Benjamin bulh díszulh.

Romans 11:11

ꞋEt doo cha za nohooduskut, Lizwifne ꞌet tse gha huntízghal, ꞌet ꞌilhiz wheni nintá hutiltsꞌulh ha eh nahíltsꞌut? ꞋAw whuz unꞌa ꞌuhótꞌeꞌ ꞌaítꞌoh! Yakꞌusda ooghuni hikalheꞌnízun ꞌet huwa ꞌudun yun kꞌut whutꞌenne ꞌet ꞌandit hiye dújis. ꞋEt whuz unꞌa ꞌuhutinelh Lizwifne ꞌudun yun kꞌut whutꞌenne gheꞌ hootalnih.

Romans 3:31

ꞋEt whula gha tsꞌe, wheni Yakꞌusda ooba ꞌalhaꞌ tsꞌintꞌoh tsꞌihꞌun unꞌa naꞌtsꞌuja, ꞌet ndutsꞌíntꞌoh de, Moses be ꞌudustlꞌus oonatsꞌodutilnoh nuhzun eh? ꞋAwundooh! ꞋAwhuz ꞌet dizꞌai. ꞋI cha Yakꞌusda ooghuni ꞌuntꞌoh.

Romans 3:4

Ntsꞌenꞌa? Gak wheꞌ hoontꞌoh! Dunene tsꞌiyawh whuhutsꞌit ꞌet hoontsꞌi Yakꞌusda ꞌaw lhuwhustsꞌit wheꞌ ꞌuntꞌoh. Lerwe David Yakꞌusda ghun ꞌukꞌu náwhuzguz ndutni, “Nghuni gha ꞌuyoonne dune ꞌalhaꞌ dini tꞌehontázin. ꞋUyoonne ndulhyoh ꞌuhutni de, buchꞌaꞌ talhdoh,” ni.

Romans 3:6

Yakꞌusda wheni Lizwifne tsꞌihꞌun unꞌa neba nalhúhusye de, ntsꞌenꞌa suba ndi yun kꞌut dune tsꞌihꞌun unꞌa buba nahooyeh? ꞋAw ꞌuhótꞌeꞌ ꞌaítꞌoh wheꞌ hoontꞌoh!

Romans 6:15

Daja nuhzun? Niz de khuni netlꞌa ídanꞌai-i, ꞌi ꞌaw ꞌon ꞌun ootꞌa níznootan huba lheꞌhóotꞌoh. ꞋEt Yakꞌusda ye únzoo-i, ꞌi za tꞌaníznintan de, lubeshi ꞌuztilelh-un netlꞌa hóotꞌai nahzun eh? ꞋAw ꞌuhótꞌeꞌ ꞌaítꞌoh.

Romans 6:2

Ntsꞌenꞌa ꞌuwhutátꞌelh? Ntsꞌenꞌa lubeshi ꞌutsꞌulhꞌen-un whulazditni, ꞌinkꞌez doo cha za lubeshi ꞌuztilhꞌelh? ꞋAw ꞌuhótꞌeꞌ ꞌaitꞌoh!

Romans 7:13

Dája tsꞌuntizilh ꞌet huwun? Ndai sba unzoo-i, ꞌi gha kwuncho yo tsꞌe tísyalh tóleh? ꞋAw ꞌuhótꞌeꞌ ꞌaítꞌoh! Ndi Yakꞌusda khuni netlꞌa ídanꞌai-i nela ꞌootꞌen ha negha íninla. ꞋI gha lubeshi dáltsiꞌ tꞌeniszin. Sichꞌoh lubeshi tsꞌu nústꞌi ꞌet huwa lubeshi ꞌulhꞌen-un usli ꞌet nawhusꞌai, ꞌinkꞌez whula gha tsꞌe kwuncho yo tsꞌe tísyalh inleꞌ.

Romans 7:7

Moses be ꞌudustlꞌus ooghu dája ꞌuznoozin súba? Moses be ꞌudustlꞌus ꞌi ghá eh lubeshi ꞌutsꞌulhꞌen? ꞋAwundooh! ꞋAw ꞌuhótꞌeꞌ ꞌaítꞌoh. ꞋI gha lubeshi ꞌulhꞌen-un usli tꞌéwhunúszun. Moses be ꞌudustlꞌus kꞌuyasduk whe ꞌutni. “ꞋUyoonne chꞌeꞌ haꞌ nonzin junih,” ꞌi gha nawhusꞌai lubeshi ꞌulhꞌen-un usli.

Romans 9:14

ꞋEt huwa dája uzdutinelh nuhzun? Yakꞌusda ꞌaw tsꞌihꞌun lhiꞌítꞌoh uzdutinélh eh? ꞋAw whuz unꞌa ꞌuhótꞌeꞌ ꞌaítꞌoh!

1 Corinthians 6:15

ꞋAw eh tꞌeoonuzáhzun nohyustꞌe Christ ooyustꞌe ooloh unli? Ntsꞌenꞌa ꞌuwhutatꞌelh whe Christ ooyustꞌe ooloh unli-i whe ꞌulꞌen-un tsꞌeke ooyustꞌe whuloh tiselh? ꞋAw whuz unꞌa lheꞌhootꞌoh!

Galatians 2:17

Wheni Lizwifne, Christ ꞌen be tsꞌihꞌun ꞌuntꞌohne tsꞌooleꞌ ꞌet za hukwaꞌ ꞌuzninzun de, ꞌet hoontsꞌi lubeshi ꞌulhꞌenne tsinli, ꞌet natsꞌuhoonꞌai de, Christ ꞌen cha eh lubeshi tsꞌu nóhnilhtꞌi unli? Ntsꞌenꞌa ꞌuwhutátꞌelh? ꞋAw ꞌuhótꞌeꞌ ꞌaitꞌoh!

Galatians 3:21

Daja nahzun? Moses be ꞌudustlꞌus ꞌinkꞌez Yakꞌusda Abraham yutsꞌu nahizya-un, ꞌet lhgheꞌ ꞌutsꞌun unꞌa eh ꞌuntꞌoh? ꞋAwundooh! ꞋEt hoontsꞌi Moses be ꞌudustlꞌus daja ni, ꞌet butlꞌa hónꞌai. ꞋEt ꞌi be dune ꞌilhiz wheni hukhuna de, ꞌet de ꞌalhaꞌ Moses be ꞌudustlꞌus ꞌi be dune tsꞌihꞌun unꞌa ꞌuhintꞌoh hutileh inleꞌ.

Galatians 6:14

ꞋEt Jesus Christ tulalhgus kꞌut neba dazsai-un, ꞌet za whdústꞌiꞌ wheꞌ hoontꞌoh. NeMoodihti Jesus Christ ootulalhgus, ꞌi gha za sdzi do ꞌúja. ꞋEn bulh dasusai le ꞌustꞌoh. ꞋEt huwa ndi yun ꞌantsꞌi sba whuzdliꞌ. ꞋInkꞌez si cha ꞌantsꞌi whuba usdli suliꞌ.